港人分享茶餐廳抵食四餸2人餐：平過兩餸飯！足料大碟夠4人食 網民留言撐味道唔錯！
經濟不景，商戶各出其謀吸客，大件抵食成為一大招數。最近有港人在Facebook分享在紅磡區一茶餐廳的食評，佢惠顧餐廳$198精選二人餐，套餐已包四餸一湯十分豐盛。小菜還有咕嚕肉、椒鹽蝦、沙薑雞、薯仔牛柳粒等選擇。帖文發布後，有網民大讚餸菜份量多，夠4人食，人均$50唔使。
港人分享茶餐廳$200抵食2人餐
近日有網民在Facebook群組「香港茶餐廳及美食關注組」發文分享自己在紅磡聚興樓的用餐體驗，當日網民就點了$200不到的二人套餐，跟餐有湯，再連一道蒸海鮮、一道炒菜、及2款鑊氣小菜，即平均每道餸$50不到。樓主表示自己還加了$150將䱽魚升級做石斑。
從圖片可見，當日的炒豆苗頗大碟，海蝦豆腐煲超足料，豆腐煎至四面金黃，絕不馬虎。咕嚕肉沒有將貨就價，仍然有洋蔥、菠蘿、紅椒等配菜，光從圖片看，咕嚕肉數量至少有7件。3道小菜再加上大大條清蒸石斑，份量隨時夠3-4人享用。若以4人分享計算，即使加錢轉石斑，人均亦只要$87，以人氣兩餸飯權發小廚的定價作參考，即每人只需要付約2個雙餸飯盒價錢。
網民：可以4個人食！
帖文發布後，有不少人留言問餐廳名，似乎想去一試。有網民讚「呢間出品唔錯的」，樓主亦表示「味道可以，大牌檔風味。」有網民則認為定價談不上抵食，「都唔係話平喎200蚊,四個餸,但係唔屬於貴囉」，不過都勝在夠大碟，可以多人分享或打包食兩餐。
有留言認為加$150轉魚後不划算，樓主回覆「其實我都覺得唔使加錢轉，反正平價餐就平盡佢」，另一邊廂就有人認為「比佢賺多少少係好事，要養住呢個良心老板，唔係執吓一間執吓又一間，第日要自己煮就煩了。」
來源：Facebook
-
香港攻略
新肥泉海鮮大排檔
大排檔都有任飲任食？！$288小炒放題食到你懷疑人生！必點黑椒薯仔牛柳粒
【🇭🇰本地大排檔】 雖然個餐牌花多眼亂 但我地戰鬥力有限 精選左四個招牌小菜試水溫 🔹黑椒薯仔牛柳粒 呢個絕對係大排檔嘅靈魂!一上枱嗰陣 已經聞得出好夠鑊氣 牛柳粒處理得極之出色 咬落去軟嫩多汁 完全冇筋亦都唔會韌到咬唔開 最驚喜係啲薯仔粒 外層炸到金黃焦脆加上微辣嘅黑椒同香甜蜜糖包住每一粒薯仔 惹味到停唔到口 轉個頭成碟已經俾我地清哂 🔹菠蘿拔絲咕嚕肉 咕嚕肉最怕個汁死甜或者太酸 呢度個師傅手勢好得!醬汁酸甜度拿捏得恰到好處 咕嚕肉炸漿夠薄夠脆 掛滿晒拔絲醬汁 入面啲肉依然保持鮮嫩 唔會乾爭爭或者嚡熠熠 每一啖都係幸福嘅味道 🔹七味豆腐粒 千祈唔好俾佢平平無奇嘅外表呃到!呢個絕對係當晚嘅黑馬!一啖咬落去 外皮係脆到極致 但入面嘅豆腐竟然仲係滑嘟嘟､熱辣辣!師傅用左椒鹽爆炒 鹹香微辣滲晒入去 就算唔點任何醬汁都已經好夠味 好食到令人想encore🤤 🔹肥泉小炒王 講到經典點少得小炒王 呢碟野真係足料到喊!韭菜花炒得岩岩好 保持到脆嫩 再配埋鹹香嘅蝦乾､彈牙魷魚同埋炸到脆卜卜嘅銀魚仔 每一啖都有唔同嘅口感 味道鹹香得宜 送酒一流 🥤 飲品任飲 飲品任飲真係好重要!我就叫左罐雪碧 朋友就揀左支大紅袍烏龍茶解吓膩 總括黎講 呢個價錢食到咁高質素嘅鑊氣小炒 仲要係任叫任食 性價比真係高到犯哂規! #foodie_joinwithme #香港美食#大排檔#放題#任食#黑椒薯仔牛柳粒#菠蘿拔絲咕嚕肉
閱讀更多
-
港式美食
荃灣
週末親子茶記之旅 👨👩👧👦
星期日冇工人姐姐幫手煮飯，又唔想自己煮，唯有出去食啦，帶小朋友去茶餐廳食最經濟實惠，選擇夠多，食飯/食面都得。上星期我地就去左富華冰室食晚餐，非常抵食😋試左以下茶式： 🍝焗鮮茄芝士肉醬腸仔意粉 $68 番茄味重、肉醬加上拉絲芝士，香氣四溢，濃郁好味的肉醬～ 配有嚼口的意粉，滋味十足👍 🧆惹味薯仔牛柳粒 （配明火例湯+絲苗白米）$98 出乎意料咁好食，牛柳粒肉質嫩滑，配上黑椒粒香口又惹味，大大舊，好抵食， 份量十足，正宗香港味😋 🍛揚州炒飯 $66 好足料，蝦仁又多，炒香的材料配上粒粒分明米飯粒，超香口 食完正餐，我地仲試埋餐廳ge即場烘焙包點，因為呢間冰室嘅麵包係新鮮熱辣架🔥 🍍菠蘿包$10 二寶最愛，菠蘿包熱辣辣，金黃色的菠蘿包泛着濃郁的奶香，咬落去外皮非常鬆脆，充滿港式味道。 🥨蝴蝶酥$12 第一次見比手掌仲要大ge 蝴蝶酥，牛油味香濃，口感鬆脆，甜度適中👍 🍪麻糬波波 試左黑芝麻味同朱古力味 黑芝麻味芳香撲鼻，黑芝麻味好香 朱古力味好出色, 入面有朱古力漿，而且又大粒又足料，食完一粒真係唔夠喉，即刻想多粒呀，價錢平，性價比高 📍地址 :荃灣眾安街29號秋雲大廈地下A-C號舖 #富華冰室#茶餐廳美食#菠蘿包#荃灣港式茶餐廳 #港式味道#discoverhongkong#hongkongfoodie#hkfoodies#852foodie#hkfood#香港美食#香港吃貨#foodiehk#hkrestaurant#hkeat#hkig#hkfoodlover#食好西#今日食咩好
閱讀更多
-
港式美食
中記小廚
中記呢個名提醒左我一個做人嘅宗旨：我係邊度，邊度就係中間✨
中記,位於灣仔嘅熟食中心😙都算幾近地鐵站,大概5-7分鐘嘅距離｡一入到去就好鬼多人係度食😹d價錢簡直係時光倒流價!最癲係原來午飯竟然$39就食到!What!!!????🙀呢度係香港喎!不過Anyway因為我係夜晚收工黎食小炒,所以無機會試! 雞油豆苗😻係我最鍾意食嘅菜😹成日去食大排檔通常都整係見到蒜蓉炒豆苗,一見到menu有佢就二話不說想try try佢!加左雞油的確係令到成件事更香👻半生炒豆苗🫶🏻放心我覺得整體食落去都唔算話好肥膩😼 滑牛炒蛋🥚🙌🏻 又係唔係太常見😹多數都係見到蝦仁炒蛋🫢牛肉經過切薄處理,所以唔會好難咬,口感幾好!炒蛋滑嫩,我個人黎講就越食越開胃🤤不過大家去食都記得唔好擺咁耐,因為好快凍就會無咁好食😖 芝麻雞🐔想講句廢話先!佢真係好香芝麻味😹令到我平時唔係好食雞皮都大破戒!🤤就咁望都有好多臺叫左呢道菜,果然係受歡迎之選🌟雞好滑嫩,好新鮮😙第一下點都要連皮食架啦,外皮炸到好脆口!肥就食完先減啦🫢😹佢仲有酸甜醬俾你,我就瘋狂沾嘅😹整體黎講真係好出色,十分推薦🩵🐔 椒鹽豬扒🐷油炸得好香🤤椒鹽嘅調味好唔錯,唔會太鹹,不得不說都幾啱拎黎送酒😙🍺anyway我瘋狂食灑佢碟入面有嘅炸蒜🧄😂唯一唔好就係上台已經唔係好熱🥹如果唔係相信會更加好食!😆 薯仔牛柳粒🥔🐮好良心價💰只需要$88✌🏻牛柳好鮮嫩多汁,仲有搭配三色椒🫑同埋蒜,味道好豐富🩵有無人同我一樣薯仔牛柳粒最鍾意食係薯仔😂薯仔🥔幾甜同脆口,整體黎講都好好食,下次再黎都一定會叫😌#中記#灣仔美食#熟食中心#UCreatorHK#香港美食#香港隱世美食#香港地道美食#港島美食
閱讀更多
港生活限時優惠情報
《U GO》請您睇《關於我轉生變成史萊姆這檔事 劇場版 蒼海之淚篇》！
蒼海之戰正式揭幕⚔️見證尤菈神祕力量✨
U Lifestyle App大派Stecco Natura意式雪條1000條！
↓ 百分百意大利進口保證原汁原味↓
假日好去處