mofusand主題拉麵店登陸銅鑼灣！貓貓拉麵/獨家精品/限定打卡位

DipperAlien Hawa

日式料理

富山麵家

🐱富山麵家Mofusand期間限定店開張啦！🤤

# 萌爆全城!貓迷必到｢富山麵家 x mofusand｣期間限定店 🐱🍜 各位貓奴們注意啦!只要去過富山麵家最新嘅期間限定店,就會即刻變身｢呀!好想摸佢呀~｣嘅狀態!😍 由4月12日至6月30日,富山麵家同人氣貓咪品牌mofusand合作,推出一系列以貓貓造型設計嘅美食,真係可愛到犯規啦! 店面一入去已經被滿滿嘅貓咪元素包圍,溫馨舒適嘅裝修令貓咪融入其中,就連餐牌都充滿可愛感!今次最矚目就係個｢炸蝦貓系列｣,成碗拉麵都係貓貓樣,真係食之前要諗吓食唔食得落口添~🙈 我試咗佢哋嘅特製咖喱撈麵($118),個貓咪造型嘅食材浮喺咖喱湯上面,仲有蛋同炸蝦,香濃咖喱味配搭麵條,又香又好味!特製牛奶拉麵($98)都幾出色,奶香濃郁又唔會太腩,正! 小食方面,特製章魚燒($38)外脆內軟,配上貓仔裝飾,飲品就必試特製白桃烏龍奶茶($38),杯上面有隻貓仔坐喺炸蝦上面,奶蓋上面仲有繽紛嘅星形裝飾,好靚好打卡! 甜品控唔好錯過特製三色芭菲($48),仲有特製士多啤梨椰果梳打($38),清爽解膩兼拍得靚,絕對係打卡恩物啊! 最令人心動嘅係佢哋推出嘅週邊精品,包括珍藏拉麵碗同湯匙套裝($178)､環保袋($78)同埋木製扣針($58),買齊一套仲有優惠價$278,貓奴們肯定唔可以錯過啦! 唔好等啦,快啲撞飯約埋朋友一齊去,記住打卡影相先食,期間限定喎,錯過就無啦!😻 #富山麵家#mofusand#期間限定#炸蝦貓#貓奴必到#打卡美食#特色拉麵#香港美食#可愛食物#貓貓主題餐廳

Fi系晴報站

打卡熱點

希雲街

怎麼可以吃貓貓🐈‍⬛

富山麵家今期推出期間限定提供多款聯乘日本人氣貓咪角色 mofusand卡通的主題美食包括: mofusand造型黑醬油拉麵､牛奶拉麵､咖喱撈麵､三色芭菲,特製士多啤梨椰果梳打等｡ 仲有幾款限量精品選購,把握最後打卡機會,到6月30號ja!! 銅鑼灣希雲街7號地下 #打卡美食#chill#mofusand#富山麵家

Vicky Lee

日式料理

禮希大樓

🐱‍👤炸蝦貓貓拉麵攻陷富山麵屋！🤤

富山麵屋一向都有唔同嘅卡通主題,今期係大熱嘅Mofusand 🐱🐱丫! 貓奴要注意你哋個荷包君啦🤣餐廳除咗以炸蝦貓貓🐱造型設計特製拉麵､特飲､甜品等等,仲有門面､招牌､牆壁､餐桌､碗､紙杯､細緻到飲管､筷子套及牙籤套都印有炸蝦Mofusand 嘅可愛蹤影😍 除此之外仲可以限定加購各款Mofusand 嘅周邊精品,扣針､環保袋､珍藏拉麵碗跟湯匙套裝… 成個餐廳每個角落都係打卡位,真係非常適合打卡影相📸 🌟期間限定去到6月30日咋! 📍 @ramenirohahk 🍱 特製咖哩撈麵 👉🏻用天婦羅碎同貓貓魚丸,造成Mofusand🐱🐱造型,好可愛😍 👉🏻日本咖喱撈日本拉麵,超級濃郁,而且好掛麵,日式咖喱唔會好辣 👉🏻咖喱裏面有蘿蔔都係切成心形,超有心思 👉🏻跟餐嘅仲有炸蝦同埋唐揚炸雞,好好食 🍱 牛奶拉麵 👉🏻唔會漏嘅牛奶豚肉湯底 👉🏻配上爽口彈牙嘅拉麵 👉🏻仲有日式豬軟骨,日式叉燒同埋天婦羅炸蝦,超級豐富 🍱章魚燒 👉🏻外脆內軟 👉🏻加埋木魚､紫菜同埋沙律醬,好好食 🍱 三色芭菲 👉🏻賣相勁靚,打卡好正😍 👉🏻有水果､雪糕同🐱🐱造型棉花糖 🥤士多啤梨🍓椰果梳打 👉🏻酸酸甜甜 味道清新 🥤白桃烏龍奶茶 👉🏻滿滿白桃同奶香味 📍 富山麵家 銅鑼灣希雲街7號地舖 #小店分享#銅鑼灣 #銅鑼灣拉麵#拉麵 #mofusand#mofusand主題#期間限定#香港美食#日式小店 #小店#香港媽媽#blogger #吃喝玩樂#foodie