荔枝窩一泊兩食！生活體驗村包早晚餐林超英都讚：唔駛去日本

Dear Marine

香港攻略

深涌

原來香港🇭🇰都有一個好似外國一樣超大草原🌿

由｢GO PARK Aqua｣步行5分鐘就到井頭碼頭,坐上｢GO PARK Aqua x 深涌水上快線｣8分鐘直達深涌｡而且仲喺寵物友善!一家大細同埋小毛孩一齊嚟放電! 逢週末及公眾假期有得搭!留意返只限已購票人士登船,可以預先訂位:https://bit.Iy/3NI8jb4 *星期一至五只限透過連結購票,週末及公眾假期只限現場購票(接受八達通､Apple Pay､ Andriod Pay､信用卡及支付寶付款) follow埋 @goparksaisha 睇船期同最新消息! 今次我同 Marine 仲 Join 埋 @goparksaisha｢ 深涌客家滋味行｣深度遊🐾 短短幾3.5個鐘嘅行程豐富,導遊帶領我哋從碼頭漫步10分鐘,就見到紅樹林､超大草原同湖泊!到訪建於1867年三王來朝小堂同百年客家村落,仲好好彩同村長互動了解客家文化同歷史!仲可以親手做客家茶粿,喺百年歷史客家村落內品嚐地道客家菜😋😋 📲想知｢GO PARK Aqua x 深涌水上快線｣嘅時間表,同｢深涌客家滋味行｣點報名,留言就會話你知🐾 #GOPARKAqua #深涌水上快線#深涌客家滋味行

Yammie_To0416

打卡熱點

荔枝窩

荔枝窩客家古村一日遊 🌿🚶‍♀️

客家古村~荔枝窩一日遊⭐️ 荔枝窩位於新界東北部,係一條比較古老嘅客家村落,超過300年歷史,個名因為盛產荔枝而來🤣 交通方面:荔枝窩比較山旮旯,可以選擇搭船去(馬料水碼頭出發,要留意最update嘅船期,印像中好似一日得一班船⛴️)或者搭巴士至烏蛟騰站👉🏼行山過去｡ 上一次去,我哋係行山過去:喺大埔火車站搭275R巴士/20R小巴,至烏蛟騰站落車,開始上山｡郊遊路線:烏蛟騰 › 九担租 › 上苗田 › 下苗田 › 三椏村 › 荔枝窩乘竹口✌🏼 行山過去嘅路程雖然要花啲時間,但唔算難行,沿途仲可以欣賞山林美景🌳🌸🌴 由烏蛟騰走到三椏村只需約1.5小時｡ 到達三椏村,嗰到有啲地道嘅大排檔,行(到肚餓可以喺到食返餐醫肚先😋我哋分別嗌咗客家炒飯､臘味炒米同埋惹味嘅炆豬肉😍😍三樣嘢嘅鑊氣味十足,一上檯香氣撲鼻,而且有茶水提供🫖(見到對面枱係外國人🤣) 食飽就繼續行,個人好鍾意行下啲客家圍村,沿途會見到有鄉村學校､祠堂廟宇,呢到仲有好多傳統嘅客家建築呢🤩 最吸引我嘅係有一大片空地,種滿了花草､香蕉樹,係我幾鍾意嘅田園風光😍望一望塊牌(圖3) 寫住:荔枝窩自然管理協議 繼續向前行,就差唔多到達目的地~荔枝窩嘅海灘🌊途中見到好可愛嘅牛牛,佢完全唔驚人,喺到默默地食草🤣🥵 終於到荔枝窩嘅海灘,呢到都係唔錯嘅打卡位,望住藍天白雲同一望無際嘅大海,聽住海浪聲感覺好舒服好放鬆🌊 鍾意郊遊嘅朋友,荔枝窩亦都係一個唔錯嘅選擇,幾適合同屋企人/朋友/另一半來呢到行下🩵 #狂歡partytime#日玩夜玩#出發打卡#ucreator#打卡美食#chill賞遊世界#好去處#chill#打卡#隱世打卡點#全新景點#相機食先#香港美食#港玩港食#chill歎旅遊#foodie#hkfoodie#ucreatorhk#momentswithucreator#全民打卡企劃#香噴噴#bestfoodwithucreator#foodiehk#ok即刻有#假期推介#假日好去處#生活足跡#hkfood#hkblogger#女生#travelwithucreator#美食#賞花#快閃話咁易#食勻全世界#食好西#food#hkig#hkigers#美食推介#夏日出遊#夏日打卡日常#節日推介#著數#香港好去處#foodblogger#hk#hongkong#打卡熱點#記得防曬#防曬#想去就去#ublog#親子好去處#拍拖好去處#週末好去處#打卡美食#打卡好去處#ulifestyle#lifestyle

feijaichoy

香港攻略

菠蘿山莊

南丫島📍行山 | 捉緊回憶 風車與隱世山莊

香港近年發展迅速，係大興土木、工程如火如荼嘅同時，係小角落嘅建築正在慢慢消失。相信大家都有聽到南丫島風車地標🌀要準備拆卸嘅消息，作為當年中學旅行同平日行山途徑嘅地點，一見到新聞之後就決定約埋朋友去行番轉！ 以前覺得上風車條斜路好長，宜家瞬間就由山腳上到去，就好似時間流逝嘅速度一樣咁快，轉眼間就由開幕到停運，不禁感到可惜。當日天空烏雲密佈，天色昏暗🌫，不過好彩無落雨，仲可以遠眺對面港島南嘅景色🏞，算係不幸中之大幸！ 落番山個陣無意中見到幢叫【菠蘿山莊】嘅建築，出面寫住有糖水同午餐供應，見有啲肚餓就入去試吓先！餐廳座位唔多，午餐選擇亦只有幾款，但係環境清幽同新鮮農家菜作為賣點，就已經值得大家嚟試！ 我哋一行三人，一開始仲諗住叫兩個飯麵同時蔬share。好彩得樓面嘅婆婆提醒佢哋嘅份量都係特大，先改做炒米同菜🥬，然後先有胃口叫飯後甜品食😋！廚房即叫即做，加上菜都係即摘即煮，所以要預咗等一陣先開餐。 老實講，呢度唔係個追求擺盤同賣相嘅打卡地方。反而，出嚟嘅食物有住家飯嘅感覺：不但少鹽少油，而且炒米有鑊氣、油麥菜/菜心仔又清甜爽口，食得出新鮮食材嘅味道。而呢個正係我認為一間餐廳應該追求嘅本質。唯一失望嘅位係個南瓜西米露比較稀，味道亦偏淡，同心目中有出入。 之後係網上搵番資料，發現原來個度係家族性經營超過60年嘅有機農莊。佢哋源用柴火煮食、簡單嘅調味，將後院農田當造嘅有機蔬果，以樸素嘅味道呈現係大家眼前。而且，原來客人仲可以另買個度嘅蔬果番屋企，保證新鮮可口！大家下次行山經過，不妨入去品嚐隱世嘅地道農耕菜啦！ #香港好去處#行山 #香港離島 #南丫島 #南丫島風車 #菠蘿山莊 #有機菜#農家菜#炒米粉#清炒時蔬#南瓜西米露 #香港美食 #香港攻略