荔枝窩一泊兩食！生活體驗村包早晚餐林超英都讚：唔駛去日本

Dear Marine

香港攻略

深涌

原來香港🇭🇰都有一個好似外國一樣超大草原🌿

由｢GO PARK Aqua｣步行5分鐘就到井頭碼頭,坐上｢GO PARK Aqua x 深涌水上快線｣8分鐘直達深涌｡而且仲喺寵物友善!一家大細同埋小毛孩一齊嚟放電! 逢週末及公眾假期有得搭!留意返只限已購票人士登船,可以預先訂位:https://bit.Iy/3NI8jb4 *星期一至五只限透過連結購票,週末及公眾假期只限現場購票(接受八達通､Apple Pay､ Andriod Pay､信用卡及支付寶付款) follow埋 @goparksaisha 睇船期同最新消息! 今次我同 Marine 仲 Join 埋 @goparksaisha｢ 深涌客家滋味行｣深度遊🐾 短短幾3.5個鐘嘅行程豐富,導遊帶領我哋從碼頭漫步10分鐘,就見到紅樹林､超大草原同湖泊!到訪建於1867年三王來朝小堂同百年客家村落,仲好好彩同村長互動了解客家文化同歷史!仲可以親手做客家茶粿,喺百年歷史客家村落內品嚐地道客家菜😋😋 📲想知｢GO PARK Aqua x 深涌水上快線｣嘅時間表,同｢深涌客家滋味行｣點報名,留言就會話你知🐾 #GOPARKAqua #深涌水上快線#深涌客家滋味行

feijaichoy

香港攻略

菠蘿山莊

南丫島📍行山 | 捉緊回憶 風車與隱世山莊

香港近年發展迅速，係大興土木、工程如火如荼嘅同時，係小角落嘅建築正在慢慢消失。相信大家都有聽到南丫島風車地標🌀要準備拆卸嘅消息，作為當年中學旅行同平日行山途徑嘅地點，一見到新聞之後就決定約埋朋友去行番轉！ 以前覺得上風車條斜路好長，宜家瞬間就由山腳上到去，就好似時間流逝嘅速度一樣咁快，轉眼間就由開幕到停運，不禁感到可惜。當日天空烏雲密佈，天色昏暗🌫，不過好彩無落雨，仲可以遠眺對面港島南嘅景色🏞，算係不幸中之大幸！ 落番山個陣無意中見到幢叫【菠蘿山莊】嘅建築，出面寫住有糖水同午餐供應，見有啲肚餓就入去試吓先！餐廳座位唔多，午餐選擇亦只有幾款，但係環境清幽同新鮮農家菜作為賣點，就已經值得大家嚟試！ 我哋一行三人，一開始仲諗住叫兩個飯麵同時蔬share。好彩得樓面嘅婆婆提醒佢哋嘅份量都係特大，先改做炒米同菜🥬，然後先有胃口叫飯後甜品食😋！廚房即叫即做，加上菜都係即摘即煮，所以要預咗等一陣先開餐。 老實講，呢度唔係個追求擺盤同賣相嘅打卡地方。反而，出嚟嘅食物有住家飯嘅感覺：不但少鹽少油，而且炒米有鑊氣、油麥菜/菜心仔又清甜爽口，食得出新鮮食材嘅味道。而呢個正係我認為一間餐廳應該追求嘅本質。唯一失望嘅位係個南瓜西米露比較稀，味道亦偏淡，同心目中有出入。 之後係網上搵番資料，發現原來個度係家族性經營超過60年嘅有機農莊。佢哋源用柴火煮食、簡單嘅調味，將後院農田當造嘅有機蔬果，以樸素嘅味道呈現係大家眼前。而且，原來客人仲可以另買個度嘅蔬果番屋企，保證新鮮可口！大家下次行山經過，不妨入去品嚐隱世嘅地道農耕菜啦！ #香港好去處#行山 #香港離島 #南丫島 #南丫島風車 #菠蘿山莊 #有機菜#農家菜#炒米粉#清炒時蔬#南瓜西米露 #香港美食 #香港攻略

XsunnyX826

珠海攻略

家園農莊

珠海慢活農家菜 😋🍽️

淇澳島，距離珠海市區只係一條橋的距離，卻保留住一種近乎時光靜止嘅節奏。對香港人嚟講，呢個地方無需華麗景點，最大吸引力反而係樸實同真味。 島上嘅農家樂餐廳，通常都係家庭經營，食材多數即日新鮮處理：窯烤雞香得四散、魚蝦由近岸打返嚟、蔬菜都保留泥香。開店嘅人好多都選擇離開市區，為嘅係可以自己起窯，用最原始嘅方法煮出煙火氣，令人重新記起「原來食物可以咁簡單」。 今次聖誕假期，非常多人。到達港珠澳大橋珠海口岸，已經接近2點，所以放棄巴士，選擇call車到達紅樹林停車場附近嘅「淇澳家園農莊」，半個鐘後好快到。 農莊同市區餐廳唔同，呢度無花巧裝修，更多係一份慢活感。落車之後聽到雞叫，見到鵝行緊，池塘都有幾隻鵝游緊水。坐喺窗邊望水、聽風，仲有附近廚房嘅香氣。 心心念念嘅不過無泥燴雞同扇貝無得賣，叫左以下嘅嘢，呢啲都係典型「冬季客家系」農家菜 —— 黃酒炒雞 ¥108 用走地雞，加黃酒、薑爆出溫潤酒香，味層比泥燴雞更輕柔，不過農村煮法切得碎，碎骨比較多。 尖椒炒鵝腸 ¥48 口感爽脆，加啲微辣，中和冬天嘅濃味。 蒜蓉蒸勝瓜 ¥35 清香解膩，蒜蓉好多，不過蒜蓉撈過鵝油，有少少臊味，去掉蒜蓉非常清新，係農家菜必配平衡位。 農家土鮑魚 ¥48 唔知係咩，所以叫下。屬於創意客家風，好少喺旅遊景點菜單見。香脆嘅芋泥，釀喺茄子上面，各種口感齊全，好有驚喜。 臘味煲仔飯 ¥60 柴火味濃，臘腸臘肉份量多，香甜玫瑰露配肉香配搭豉油。呢種傳統香氣，冬天正中下懷。 另外叫左支青島，埋單¥310 *** **交通貼士與延伸建議** 由香港出發，最方便方式係經港珠澳大橋人工島出境，到達珠海口岸後，可搭3號巴士到唐家灣，再轉 85 號巴士入島，約一個半鐘左右。不過假期時人多，Call 車直入會節省時間，沿途仲可望到紅樹林與海橋景。 吃完農莊餐，可以順道行去白石街散散步，睇睇舊村屋、蠔殼牆，飲杯咖啡拍下照。如果時間充裕，再回程至唐家古鎮，行兩圈老街、食碟燒鵝，就完美收尾。 淇澳島唔屬熱鬧嘅旅遊景點，但反而保留咗生活質感。對講究「慢遊」嘅香港人嚟講，呢度嘅魅力喺於一份真，一份靜，一份香氣飄散嘅柴火味。 *** #中菜餐廳#UCreator#打卡美食#美食推介 #珠海#珠海美食 #農家菜#隱世打卡點