酒樓3小時片皮鴨放題人均$238！送龍蝦+鮑魚+燉湯！任食數十款小菜+任飲汽水啤酒！

asheryuen2019

擦餐勁

四季‧悅日本餐廳

四季•悅無限時放題🍶

四季•悅之前推出$1加多1位長者/小童優惠，喺KKday預購就可以升級版無限時晚市自助餐，計埋成人到現場加$48服務費，我哋4大2長者2小童，埋單人均唔駛$200。😍 我哋去果間金鐘四季•悅晚市都滿座，食物質素普通，食得最多應該係煎鵝肝。酒精類飲品有梅酒同清酒任飲，甜品有BRULEE焦糖布甸雪糕。雖然其他食物都唔算好出色，不過呢個價錢我哋相當滿意。😆 四季‧悅 日本餐廳 地址：夏慤道16號遠東金融中心UG樓A1號舖 KKday預購連結： https://www.kkday.com/zh-hk/product/268994?cid=16164 #kkdayhk#shikietsu#四季悅#四季悅日本餐廳#放題優惠#金鐘美食#香港探店#為食爸爸與asher的親子日常#UCreator #自助餐 #放題 #香港美食

愛遊玩之小資女

香港攻略

Le Menu - 六國酒店自助餐

銅鑼灣自助晚餐，飽魚龍蝦

六國酒店|豪歎自助晚餐🤩任食鮑魚+片皮鵝+龍蝦勁爽! 六國酒店呢个華麗盛宴･自助晚餐真係大招盡出!龍蝦､鮑魚､招牌片皮鵝隨你瘋狂 add,仲有即煮鐵板燒+精彩場內表演,食飽又有得睇,勁抵玩! 每位入座仲獨送一客堂弄原隻鮑魚鴨掌,矜貴感拉滿,入口濃郁鮮甜,食落超有滿足感~ 仲有經典雪山火焰蛋糕現場即整!火焰打卡超晒眼,香氣十足,視覺同味覺雙重加分✨ 🦞冷盤海鮮檔 龍蝦､麵包蟹､長腳蟹統統齊貨!最愛呢度嘅龍蝦,膏爆晒､鮮味直頭衝腦,爽口彈牙~ 刺身種類都好豐富:八爪魚､赤貝､油甘魚､三文魚､甜蝦全部新鮮,質素穩陣絕對唔踩雷! 🦢招牌片皮鵝 市面好難食到高質片皮鵝!鵝皮香脆卜卜聲,鵝肉嫩身 juicy,香氣濃到忍不住不停 refill,越食越上癮! 🔥即煮鐵板燒檔 虎蝦､鴨肝多士､多春魚､香煎菠蘿任揀! 鴨肝香到流油,綿滑甘香;虎蝦新鮮彈牙,鐵板香氣逼人心脾,每款都超惹味~ 🍲熱食硬菜必搶 霸王雞､鮑汁螺片時蔬､芝士蘑菇蟹蓋､蟹肉蒸蛋款款足料! 個芝士蟹蓋超晒料,滿滿蟹肉+芝士,鹹香入味,一定要狂 add! 蟹肉蒸蛋滑溜溜超綿密,夾埋蟹鉗肉一齊食,鮮味即刻升級幾個層次~ 🍰甜品收尾超完美 食飯一定要留肚試得獎甜品朱古力蜜柑慕絲蛋糕,香滑不膩,果香中和甜度超夾! 仲有即焗香脆窩夫,配埋 Häagen-Dazs 雪糕,冷热交织,一餐食到盡興大滿足💛 六國酒店 Le Menu 西餐廳 香港灣仔告士打道72號一樓 @gloucesterlukkwok #六國酒店 #灣仔自助餐 #香港美食 #自助餐推介#lemenu

Jannis

擦餐勁

凱悅軒

逢星期三。抵食放題盛宴 。尖沙咀凱悅軒

自助餐吃得多, 今次的中菜自助餐幾有啅頭, 絕對是 ‘挑戰你個胃’!!! 尖沙咀凱悅軒推出逢星期三限定的放題盛宴, 一個價錢食盡龍蝦、和牛、斑腩、鮑魚, 兼包含紅白餐酒及汽水. 放題盛宴當中的前菜拼盤、湯及甜品是固定的.  先分享前菜之一: 蜜汁叉燒.  厚切、軟稔、外層焦香、甜度適中, 每人大概兩至三件都好夠. 另一款是涼拌川味羊肚耳菌, 麻辣味幾過癮, 而其爽脆度好有驚喜, 伴著青瓜片吃, 間隔的清新, 再吃一片羊肚耳菌, 正! 湯品有菜膽燉雞, 喝完一整碗, 本來冰冷的雙手立即暖過來. 湯頭清澈, 味道郁. 來到無限享用的四款美食~ 陳年花雕蒸波士頓龍蝦伴粉皮、椒鹽鮑魚、秘製剁椒蒸斑腩、山椒汁野菌澳洲和牛!! 蒸龍蝦的醬汁真是無敵, 酒味剛剛好, 不膩不滯, 好誘人! 龍蝦身彈牙、鉗肉夠滑, 每次encore都會是半隻龍蝦加鉗, 好滿足~ 碟內以粉皮去吸醬汁, 滋味十足~ 趁熱吃, 夠軟熟, 即使放涼了, 也不會硬繃繃. 大廚已細心地把鉗輕微敲碎, 可以輕鬆享用嫩滑龍蝦鉗~ 另一亮點 - 山椒汁野菌澳洲和牛.  每件大小均勻, 厚薄適中, 一口咬下, 肉汁滿滿也很嫩.  就連伴碟的野菌在山椒汁的襯托下, 都十分惹味!  此時, 再配一杯紅酒, 簡直是至高享受. 吃著和牛之際, 秘製剁椒蒸斑腩已上枱~ 喜歡吃剁椒的朋友表示十分喜歡這道菜. 辣勁夠、魚肉滑. 椒鹽鮑魚, 佐酒之物, 就來一杯白酒~  外脆內軟, 椒鹽味不死咸. 吃完以上的任食, 其實胃已沒太多空間再吃, 但蔬菜雞蛋炒絲苗又炒得頗好, 飯粒炒得夠乾身, 粒粒分明. 甜點是二選一.  我的是薑茶黑芝湯圓, 薑茶辣度恰好, 軟糯的湯圓裹著香濃芝麻餡, 太美妙~  朋友的是黑芝麻雪糕伴豆奶泡沫, 賣相都這般漂亮~ 味道也是有驚喜, 豆奶泡沬有實感, 但吃起來有空氣感兼絲滑. 放題盛宴逢星期三晚供應, 兩位起, 成人每位HK$688+10%, 小童每位HK$348+10%. 記得一定要訂位 ~ 凱悅軒 地址: 尖沙咀河內道18號尖沙咀凯悅酒店3樓 歡迎與我聯絡: jannis_tang174@hotmail.com Facebook Fanpage: Jannis Tang Through the looking glass  IG: JannisTang #放題任食 #hyatt tsim sha tsui #all you can feast #和牛龍蝦 #wagyu lobster #every Wed night (此文章由U Blog 同步發佈至社群)