父親節餐廳優惠2025 多間酒店自助餐買一送一/買二送二優惠

jayng

著數報料

MoMo Cafe - 西環萬怡酒店自助餐

KKday買左沙田萬怡酒店MoMo Cafe買一送一假日lunch buffet優惠！好抵食有長腳蟹有生蠔?有大蝦?冬蔭公湯同埋MovenPick雪糕?唯一要挑剔係時間太短? #中秋想您愈食愈圓2024

A美食焚化爐

擦餐勁

歷山餐廳

「海鮮交“饗”樂」 @ 歷山餐廳 ( 北角歷山酒店 )

過去既母親節，大家去邊度慶祝？ 點都好，可以的話就不如留港消費。 今次就介紹歷山酒店既自助餐，尤其是相對於第一次去，家陣感覺佢係越做越進步，加上地點就腳，由炮台山地鐵站沿天橋行過去幾分鐘就到，超方便。 供應期由即日至 2025年6月28日 星期五六及公眾假期前夕晚上6時30分至9時30分（ 不適用於 6月14日） 網上商店預付七折折實價連原價加一成人$550.4/ 長者星期五$397.6/ 星期六及公眾假期前夕$454.4/ 小童$278.4/兩大一小 $1135.6   而父親節當天，每圍送上白酒一支及水杯。   詳情可上KK DAY 官網睇睇。   ( KK DAY 優惠傳送門 )   焗時令海鮮袋配蒜蓉包 原包送上，份量是按人頭計，材料非常豐富，有蟹腳、帶子、青口、海班片、海蝦及魷魚。   上檯時服務員會把袋剪開，熱辣辣地倒出，用蒜蓉包沾一下湯汁，就更惹味。   即開美國生蠔 另一個亮點是即開美國生蠔，不過每次只限取三隻，以保持新鮮度，而且就算是美國蠔，都已經不是大而無當的級數，都幾平均下。   生滾粥 即煮的蟹粉鮑魚海鮮粥，內有鮑魚、海蝦及青口，粥底幾綿，不錯。 刺身 係香港自助餐中，歷山的雖不是最強，但已經好夠誠意，有紅蝦、赤貝、帶子、八爪魚、吞拿魚、油甘魚及三文魚，晒多而且質素好好。   香煎鵝肝 好邪惡既煎鵝肝，就最好即刻食，油香滿滿的感覺真好。   海鮮 有蟹腳、青口、凍蝦及翡翠螺，種類不多，但質素取膀。   熱葷 中式有椒鹽大蝦、辣汁煮翡翠螺、蠔皇蝦膠釀海參 、鮑汁螺片燴花膠、清蒸沙巴龍躉、翠綠花姿蝦仁及蒜香砵酒汁燴鰻魚。   話時話，所有中式熱葷都食均，好有宴會菜的感覺。   西式有必食既紅酒汁燒牛小排以及外層香脆的芝麻脆魚柳伴芒果醬。  其他仲有香煎豬里脊配蕃茄醬、檸檬香芹忌廉蜆肉長通粉、 烤三文魚柳配香橙牛油汁、松露醬百里香烤薯仔及芝士忌廉焗西蘭花。   鐵板燒 除了牛排，又有雜錦串燒，有菠蘿、牛柳粒、牛舌及大蝦。   燒菠蘿真係好正，又甜又香。   沙律 想食得清少少，可以試下佢地雜莓蟹肉彩虹青瓜沙律、香芒薄荷菠蘿海鮮沙律、薯仔沙律、紅菜頭沙律、蘋果沙律或意粉沙律 。   Cold Cut 有煙挪威三文魚、莎樂美腸、凍肉腸同埋巴馬火腿配蜜瓜。   湯品 燉湯我最鍾意，同太太一人一盅羊肚菌花膠燉雞湯，醇厚芳香，甜美可口。   另外兩款湯是南瓜蟹粉素翅羹及粟米忌廉湯。   甜品 雪糕是Movenpick 有瑞士朱古力、雲呢拿、草莓、Espresso、椰子以及薄荷，全部都係迷你版，既衛生又可以食多幾杯。   凍櫃內有木糠布甸蛋糕、栗子蛋糕、朱古力慕絲杯、柚子凍糕、香蕉蛋糕、水信玄餅配沖繩黑糖、蝶豆花布甸、意大利奶凍、焦糖布甸。   另外有雜錦曲奇、蛋白杏仁茶及班蘭雞蛋仔。   講真雞蛋仔又真不錯，香脆的外層，配杯雪糕無得輸。   太太就鍾意個蛋白杏仁茶，夠甜滑又養顏。   飲品有齊紅白酒、啤酒、汽水、橙汁同蘋果汁，啱晒我。 Facebook 專頁 : 歷山酒店   地址 : 北角城市花園道32號歷山酒店大堂樓層   電話 : 3893 2868   味道 : 4  環境 : 4  服務 : 5  衛生 : 5  抵食 : 4  位置 : 4   IG : foodiephilip   小紅書 : 美食焚化爐   希望各位喜歡這篇文章的朋友，請在我的專頁上剔'LIKE'，當作小小的鼓勵吧!謝謝!   http://www.facebook.com/foodiephilip #自助餐 #北角 #美食焚化爐 #歷山餐廳 #歷山酒店 (此文章由U Blog 同步發佈至社群)

U Lifestyle

香港攻略

【父親節餐廳2026】全港10間父親節必去餐廳 米芝蓮星級粵菜／自助餐／扒房

父親節倒數唔夠兩個禮拜，又係時候帶老豆去慶祝兼「擦餐勁」！但問親老豆想食咩都話「求其」、「冇所謂」？今次小編幫大家精選全港10間最啱慶祝父親節嘅星級餐廳，鋸扒、精緻粵菜，高質海鮮Buffet通通都有～睇啱即刻提前book位，今個父親節一於為老豆製造驚喜！🍴 --------------- 【召集Foodies🫵🏻】Buffet 導「嚐」員招募計畫 🍴 平時鍾意周圍搵好嘢食？U Community社群邀請您加入「Buffet 導『嚐』員」計畫！填表登記就有專人為您配對最啱您口味嘅試食活動～除咗可以優先試食參加各大星級酒店自助餐／限定饗宴之外，更可每月解鎖隱藏版高質Buffet，分享埋俾身邊嘅Foodie朋友一齊報名啦🤤！ 📅登記日期：即日起至2026年9月30日 立即登記按此 --------------- 1️⃣ 香港逸東酒店逸東軒 如果父親鍾意食中菜，一於帶佢去米芝蓮一星餐廳「逸東軒」歎星級中菜！逸東軒由6月13日至21日期間呈獻父親節套餐，輕鬆歎到金湯蟹肉燴燕窩、玉環柱脯伴油泡蝦球、清蒸東星斑及籠仔荷葉陳皮生煎雞焗飯等高級傳統手工粵菜，帶爸爸感受中菜盛宴！ 📍地址：佐敦彌敦道380號香港逸東酒店B2樓 > “rmb.eat” 分享逸東軒推薦菜式及食用心得< --------------- 2️⃣ 唐述 位於中環IFC嘅高檔粵菜餐廳「唐述」連續兩年奪得黑珍珠一鑽殊榮，裝修典雅有格調，更可飽覽維港景致，最適合帶一家人慶祝父親節！餐廳推出「世說感恩」限定養生菜單，主打20年陳皮花膠川貝燉鱷魚肉湯為父親滋補健康，用珍饌圓滿佳節～ 📍地址：中環金融街8號國際金融中心商場2期 三樓3101-07店 > “Carmen Chu” 分享黑珍珠一鑽餐廳常規菜單食評< --------------- 3️⃣ D2 PLACE大公館 想試下精緻粵式料理，咁就一定要帶埋爸爸去「大公館」體驗一下！今個父親節，「大公館」首度同Penfolds酒莊合作，推出兩款由行政主廚精心設計嘅父親節套餐，有齊「原個椰皇日月魚燉花膠湯 」、「竹笙蟹肉魚翅撈飯 」及「黑糖龍井茶燻雞 」等，用高級食材以現代烹調手法打造出唔同粵菜組合，充滿驚喜！ 📅套餐供應日期：2026年6月13日至6月21日 📍地址：荔枝角長義街9號D2 PLACE ONE 10樓 >即睇 “I.am.haha” 推介邊款大公館高質粵式料理< --------------- 4️⃣ 香港JW萬豪酒店Flint餐廳 父親節想食西餐，不妨去JW萬豪酒店5樓嘅高級多國菜餐廳「Flint」對住維港海景，歎返場精緻父親節大餐！餐廳主打美味燒烤同現代經典菜餚，而且環境優雅，係唔少商務餐飲及大日子慶祝餐廳之選。社群U Creator就形容肉眼扒肉質夠鮮嫩，啖啖都係牛肉香，值得一試！ 📍地址：金鐘金鐘道88號太古廣場香港JW萬豪酒店5樓 > “wanyin000024” 詳細分享萬豪Flint菜式食評< --------------- 5️⃣ 香港康得思酒店The Place 如果父親超鍾意食海鮮，咁今個父親節就要帶佢去香港康得思酒店「The Place」食Buffet，無限任食即開新鮮生蠔、龍蝦及長腳蟹等海鮮！6月19至21日更係「父親節限定自助餐」，餐廳特別提供「人生四格自拍機」免費使用，等一家人可以喺重要節日中留下珍貴用餐回憶！ 延伸閱讀：【自助餐2026】網民力推8間必食酒店自助餐 任食阿拉斯加帝王蟹／生蠔／即切原條油甘魚 📍地址：旺角上海街555號香港康得思酒店L層 --------------- 6️⃣ Grand Hyatt Steakhouse 今年父親節想帶Daddy鋸扒，不妨去灣仔Grand Hyatt Steakhouse歎來自世界各地風味嘅牛扒！扒房更設有高速烤爐，可以900度高溫極速鎖起肉汁，令牛扒保持鮮嫩。除咗牛扒之外，餐廳仲有供應各種頭盤及海鮮，想知每道菜食評，即睇社群U Creator分享心得啦！ 📍地址：灣仔港灣道1號君悅酒店大堂 > “foodgazerhk” 分享灣仔經典酒店扒房點解咁值得去< --------------- 7️⃣ 香港麗晶酒店The Steakhouse 想歎香港頂級西餐扒房，咁就一定要去麗晶酒店「The Steakhouse」品嚐星級牛扒盛宴！餐廳作為連續第三年「全球最佳101間」牛排餐廳，嚴選世界各地優質肉類，堅持採用傳統木炭烤架烤製，更提供全球最佳大瓶裝葡萄酒，子女們準備邊歎高級葡萄酒，邊同父親鋸靚扒未？ 📍地址：尖沙咀梳士巴利道18號香港麗晶酒店地舖 --------------- 8️⃣ 帝樂文娜公館FINDS 今年父親節唔想去傳統酒樓或普通扒房，想試新餐廳，尖沙咀帝樂文娜公館嘅「FINDS」主打獨特嘅北歐風味料理，推出「北歐週末早午餐」，有齊多款無限量供應經典北歐前菜、海鮮肉類等等。小朋友仲可以參加節日限定「小小調酒師」工作坊，親手為爸爸調製特飲，向爸爸表達謝意～ 📍地址：尖沙咀金巴利道39號帝樂文娜公館1樓 --------------- 9️⃣ 菊月町 如果爸爸鍾意食日本料理，又成日遺擇困難唔知食咩好，一於交俾廚師決定！觀塘呢間Omakase餐廳主打鐵板燒及廚師發辦，嚴選日本直送時令食材，一個價錢有齊刺身、鐵板､壽司、鵝肝、原隻北海道海膽等豐富料理，父親節同行仲會送清酒，父親節一定要慶祝下～ 📍地址：觀塘鴻圖道46號世紀工商中心地下1A號舖 > 'Ada Chow' 分享觀塘Omakase用餐體驗< --------------- 🔟 Nara Thai Cuisine 想望住維港景觀歎精緻泰國菜，唔好錯過呢間多次入選曼谷米芝蓮推介餐廳嘅「Nara Thai Cuisine」！餐廳環境闊落而且裝潢高級，適合慶祝各大節日。必食菜式包括「燒豬頸肉配青木瓜沙律」、「泰式炒金邊粉」、「黃咖喱軟殼蟹」～ 📍地址：尖沙咀廣東道3-27號海港城港威商場3樓3303號舖 >即睇 “msfoodloverr” 分享曼谷米芝蓮推介餐廳必點菜式食評< 招募Foodie l 分享食評賺額外收入！ 立即登記➡️ https://ulapp.hk/nsq06  🔔 Follow《U Community社群》Instagram 同讚好 Facebook 專頁，睇更多U Creator品牌活動招募丶送禮丶緊貼最新美食丶旅遊打卡熱話或創作者流量密碼教學等。 圖片來源：FB帳戶@The Luxe Manor 帝樂文娜公館、@逸東軒 Yat Tung Heen、IG帳戶 @thesteakhousehk、@greaterchinaclub、社群U Creator {{hket:tag-user display="msfoodloverr"}}674617{{/hket:tag-user}} 、 {{hket:tag-user display="Ada Chow"}}455272{{/hket:tag-user}} 、 {{hket:tag-user display="foodgazerhk"}}959555{{/hket:tag-user}} 、 {{hket:tag-user display="kofee_kakes"}}920526{{/hket:tag-user}} 、 {{hket:tag-user display="wanyin000024"}}897541{{/hket:tag-user}} 、 {{hket:tag-user display="I.am.haha"}}624493{{/hket:tag-user}} 、 {{hket:tag-user display="Carmen Chu"}}655503{{/hket:tag-user}} 、 {{hket:tag-user display="rmb.eat"}}854724{{/hket:tag-user}} #UCreator #社群創作有價 #ULifestyleApp #社群排行榜 #父親節餐廳 #父親節2026 #香港美食 #父親節好去處 #酒店自助餐 #香港扒房