灣仔夏誌免費入場！25米巨型彈跳競技場/迷你高爾夫球等8大遊樂設施
今年灣仔夏誌於灣仔海濱打造了全新的「盛夏競技場」，場內多個狂奔、狂跳、狂放電的遊樂設施，包括長達25米的大型彈跳競技場、18個趣味迷你高爾夫球球洞、9條充氣保齡球賽道等8大遊樂設施。由即日起至9月28日，大人小朋友都可以免費入場任玩！即睇以下邊項設施啱你玩啦！
灣仔夏誌──盛夏競技場
全新一年一度的灣仔夏誌返嚟啦！今年灣仔夏誌打造了「盛夏競技場」，場內有多個讓小朋友狂奔、狂跳、狂放電的遊樂設施！就算是大人入場都可以盡情玩樂，包括長達25米的大型彈跳競技場、18個趣味迷你高爾夫球球洞、9條充氣保齡球賽道等8大遊樂設施。而且大人小朋友都可以免費入場任玩！即睇以下邊項設施啱你玩啦！
1. 大型彈跳競技場「夏動冒險」
「夏動冒險」長達25米的大型充氣彈跳競技場，是場內必玩的設施之一！小朋友可以走入去「瓹窿瓹罅」、「跳高跳低」，放電一流啊！
2. 大型單車環「夏轉圈圈」
「夏轉圈圈」是可以與一班朋友仔一起玩樂的設施，一個大型單車環，最多可以5個人同時參與，且合力踩動，令整個單車環轉動。想轉幾快就要考大家腳力啦！
3. 桌下足球「夏球激戰」
「夏球激戰」是可以坐下來做的運動，但同時考驗你的腳力和反應！2人一同對戰，可以從透明的桌面「俯瞰」戰況，將足球踢入對方櫈底的龍門，同時又要做防守。
4. 飛盤「夏日飛擲」
「夏日飛擲」多款運動設施就連飛盤都有！只須站在指定位置向目標拋出飛盤，命中標靶！考驗你的眼界和準確度！
5. 迷你高爾夫球「夏擊揮桿」
「夏擊揮桿」一共18個迷你高爾夫球球洞，有不同難度的賽道予小朋友挑戰！就算未曾接觸過高爾夫球都可以一試！
6. 充氣保齡球「夏滾保齡」
「夏滾保齡」大型充氣保齡球設施，一共設有9條充氣保齡球賽道，予各位小朋友一同玩樂。
7. 籃球架「夏投灌籃」
「夏投灌籃」就有為小朋友和大人而設的籃球架，不同高度都有不同挑戰性。
8. 必打卡「熊貓抱抱區」
難得來到玩樂一天玩得盡興之餘，怎少得了打卡呢！場內還有打卡位予大人小朋友，可以隨意任影留念﹗場內設有「熊貓抱抱區」和夏誌打卡裝置，天氣咁好一定不可以錯過啊！
灣仔夏誌除了8大遊樂設施，亦會定期舉辦適合一家大小的文化、音樂、藝術、運動特備節目，今個暑假帶晒一家大小去盡情玩啦﹗
灣仔夏誌：盛夏競技場詳情
地點：灣仔海濱活動空間 (灣仔鴻興道3號，鄰近灣仔碼頭)
活動入口：C區 (近灣仔碼頭)
費用：免費入場
開放日期：即日起至9月28日
開放時間：星期一至五下午3時至晚上9時；星期六、日及公眾假期：下午1時至晚上9時
開放時間因應當日舉行的特別節目而更改，可留意節目表
活動資訊
- 地點
-
親子
上個月帶阿女去咗灣仔海濱個「盛夏Summer Fun」，真係免費入場，全新設施任玩，阿女放電放到癲！🤣我哋黃昏時分去到，海風涼爽，冇咁曬，玩到夜晚7點先走。記得帶夠水同防曬，大人小朋友都盡興。住港島嘅家長有冇要帶細路去放吓電？！😆 #親子防曬好物
閱讀更多
-
親子
荃灣廣場
衝去彈住體驗涼浸浸嘅歴奇式挑戰
唔好以為歷奇活動就一定係室外;今個暑假可以喺室內歎住冷氣玩,唔怕中暑又或者落雨｡ 喺商場一樓位置擺放咗一個超級巨型嘅充氣競技場,名為 HYPER 充氣極限障礙賽,就算跳跳彈彈､橫衝直撞,都唔怕整親,可以盡情放電｡ 超巨充氣競技場分為3個部份: ~極限忍者障礙歷險~ 小朋友化身靈活小忍者,喺錯綜複雜嘅關卡內穿梭,考驗身手同敏捷度 ~智勇機關障礙賽~ 喺未知機關隨時會跌入｢深海｣,非常刺激又富有挑戰,可以激發小朋友嘅觀察力同反應 ~樂動彈跳競技場~ 小朋友可以孖住朋友仔一齊玩,喺重重機關下精準投球,及攀登巨型彈彈球,一於齊齊瘋狂放電 另外,HYPER 全能水上競技場嘅水動樂體驗,參加要求與 HYPER 充氣極限障礙賽一樣(會員積分 + 指定簽賬),不過要喺商場會員 app 登記名額先可以玩｡ 尚有其他活動及限量參予獎,詳情可參考商場提供嘅資料｡ 溫馨提示: 商場會員憑 100 積分 + 即日於｢指定即賺分商戶｣*消費滿 $200,即可參與躍動充氣樂園體驗一節 (20 分鐘),每節名額 20 組 (包括 1 位小童 + 1 位家長)｡ *｢指定即賺分商戶｣消費發票不包括:萬寧､壽司郎､千海水產､極尚大瀛喜｡ 日期:即日起至 8 月 27 日 時間:星期一至五 14:00 - 20:00 星期六､日及公眾假期 13:00 - 20:00 地點: L1 中庭 對象:2-12 歲,而身高 120cm 以下之小朋友必須由大人陪同參加 裝備:必須穿著膠粒底防滑襪 #室內充氣競技場#充氣樂園#荃灣廣場#商場活動#親子活動#暑假好去處#ucreator
閱讀更多
-
親子
灣仔海濱公園
👨👩👧👦暑假放電📅7.18‑7.19免費親子活動
今個週末戶內戶外兩個免費活動 🌊灣仔海濱SummerFest 彈床､籃球🏀､音樂互動區全部免費玩 仲有｢少兒街頭田徑挑戰日2026｣(7歲以下) 短跑､跳遠､擲膠雷､跨欄一次體驗,盡情消耗小朋友電量 🏛️沙田香港文化博物館 🔋常設兒童探知館互動遊樂區,細路玩足成個下午 🎨蒙娜麗莎特展免費參觀,展期即將完結 📖金庸館､懷舊香港展大人都適合睇 ♻️7月18日限定|再生玩具嘉年華 1樓庭院14:00‑17:00､免預約即場參加 好多環保物料整嘅創意玩具,STEAM互動遊玩 玩樂同時教小朋友綠色環保觀念 戶外想跑跳揀灣仔,想室內避暑､浸藝術揀沙田 兩個行程任揀,週末唔使頭痛諗節目✨
閱讀更多
港生活人氣好去處
↓【限時搶⚡】高露潔光感白高純度維他命C美白牙膏↓
↓ 早C晚C！7天提亮、淡色美白 ↓
↓【U Community 社群 送您 PARAKITO 天然驅蚊噴霧！】↓
>簡單登記領取<
U GO 本週好去處
