「肉肉大米」九龍灣店開業！逆市擴張殺入呢兩區！必試和牛芝士漢堡排+牛油果他他漢堡排！
人氣漢堡扒專門店「肉肉大米」逆市擴張連開兩店，登陸九龍灣德福廣場和葵芳新都會廣場！主打即叫即製日式漢堡扒的「肉肉大米」，自2023年10月登陸沙田新城市廣場後便大受歡迎。九龍灣新店已於日前開幕，原舖位早前由台式滷味店燈籠滷味承租，之後九龍區的食客可以就近品嚐到這款風靡日本的漢堡扒美食喇！
「肉肉大米」登陸德福廣場
「肉肉大米」九龍灣德福廣場店現已開幕，分店佔地約 1,400 呎，設有 44 個吧台座位，採用開放式廚房設計，食客可以近距離觀賞主廚現煎漢堡排的過程。漢堡扒以精選上腦牛肉、九州黑毛和牛、與美國牛肉製成，肉質鮮嫩多汁。店員會先將漢堡扒煎至五分熟鎖住肉汁，再放置到食客面前的鐵板慢慢加熱。
除了無限Refill白飯、味噌湯、及配菜西蘭花，每份漢堡排套餐提供 8 款特選醬料，包括燒肉醬、洋蔥醬、日式芥末鹽麴等，食客自由配搭專屬口味，或者參考餐廳的美味配搭。推介一試「燒肉醬+蒜香辣椒醬」，的確有食日式燒肉的風味。
期間限定牛油果他他漢堡排
肉肉大米即日起至 8 月 31 日內於全線分店推出期間限定牛油果他他漢堡排，牛油果粒搭配他他醬與日式照燒汁，完美融合免治牛肉的鮮嫩肉香，作為3件漢堡扒套餐的最後一道最為適合。店員會即場在顧客面前淋上醬汁，充滿儀式感。
肉肉大米餐牌
肉肉大米極速擴張殺入葵芳
近日有網民發現葵芳新都會廣場，肉肉大米已接手鮮芋仙舊鋪位，目前已圍板，但開幕詳情仍需要等待官方公布。
「肉肉大米」進軍九龍灣
主打即叫即整即烤日式牛肉漢堡的「肉肉大米」於2024年10月在沙田新城市廣場開香港首店後，相隔約8個月即宣布登陸九龍灣，擴展迅速。
肉肉大米屬日本公司物語集團旗下的，集團於日本與中國經營約570間餐飲店面，涉獵燒肉、拉麵、壽司、涮涮鍋等15個品牌。由於餐點、餐廳設計、烹調手法等與另一過江龍「挽肉と米」相似，而「肉肉大米」的套餐定價較低，因而被稱為「平替版挽肉と米。」
九龍灣店已圍板 料7月開張
九龍灣分店現已圍板，預料7月將正式登陸德福廣場，想一試即煎日式漢堡扒的朋友之後就無需入新界喇！餐廳設有吧台座位及開放式廚房，食客可以近距離見到廚師製作及烹調過程。
除了原味漢堡扒，亦可以選擇和牛芝士漢堡排，雙重芝味，回味無窮。
採日本東北地區「虹煌米」
「肉肉大米」的牛肉漢堡使用來自九州的黑毛和牛和美國牛肉混合製成，至於白飯則選用來自日本東北地區的「虹煌米」，餐廳會提供可生食的日本新鮮雞蛋一併享用。
另外供應8種醬汁及調味料，包括燒肉醬、洋蔥醬、奧羅拉醬、蒜香辣椒醬、日式芥末鹽麴、沙茶醬、黃芥末醬以及胡椒鹽。食客可以根據喜好自由搭配。另外，餐廳的米飯、蜆肉味增湯、西蘭花都是無限添加，漢堡扒送飯無需「就住就住。」
期間限定牛油果他他漢堡排
繼早前推出期間限定完熟蕃茄紅燴和牛漢堡排、和牛蟹肉漢堡排、和牛奶油松露漢堡、和牛奶油蘑菇漢堡後，「肉肉大米」又有新作。靜待新店開張之際，不妨到沙田店一試全新推出的牛油果他他漢堡排，一啖試勻他他醬、牛油果、特調照燒汁及漢堡扒的滋味。
▼回顧過往期間限定餐牌▼
肉肉大米九龍灣店
地址：九龍灣偉業街33號德福廣場1期1樓F23A號
開張日期：7月（具體日子稍後公布）
肉肉大米葵芳新都會廣場店
地址：葵芳興芳路223號新都會廣場2樓272-274號舖
開張日期：待公布
肉肉大米沙田店
地址：香港沙田新城市廣場一期1樓108號舖
營業時間：星期一至日 上午11時至晚上10時
來源：肉肉大米, Threads@hohoho_kly
-
日式料理
肉肉大米 （德福店）
德福肉肉大米漢堡扒🤤必食！
九龍灣德福肉肉大米食評:原味､芝士､期間限定忌廉菇菌漢堡扒 九龍灣德福廣場1期1樓F23號舖的肉肉大米(Niku Niku Oh! Kome),係日式漢堡扒專門店,人氣超高,經常排長龍!用九州黑毛和牛混美國牛肉手打漢堡扒,厚度足､Juicy爆汁,配日本東北虹煌米(即磨即煮),飯香軟糯一流｡套餐仲有無限添飯､味噌湯､西蘭花,食到飽! 原味漢堡扒:最經典推介!外層微焦香脆,內裡6-7成熟嫩滑多汁,咬落牛肉鮮味濃郁､肉汁四溢｡唔加任何醬都好食到飛起,最能突出肉質本身｡加生雞蛋+醬油拌飯,滑順又邪惡,食評一致讚｢原味最正､最尋味｣! 芝士漢堡扒:芝士控必試!師傅即場刨海量芝士碎落面,熔化後拉絲超澎湃,鹹香濃郁配肉汁,層次豐富似食豪華漢堡包｡多層次口感邪惡但好好食,份量足夠滿足重口味! 期間限定忌廉菇菌漢堡扒:最新推出,熱辣辣上碟!即炒三種菇菌(雜菇豐富)配新鮮煮出忌廉汁,淋上漢堡扒,菇香淡淡滲入肉裡,creamy滑順又唔膩,襯托肉香更上一層樓｡食評話｢菇味濃郁､忌廉汁香滑,層次爆燈｣,必試限定口味! 整體環境開放式廚房,可近距離睇師傅即製,服務貼心會講解配搭｡價錢$101-200,性價比高｡缺點係高峰期等位耐,建議平日早去｡OpenRice､IG食記滿分推介,食過返尋味!鍾意厚肉漢堡扒嘅你,呢三款絕對係德福必食~ #德福廣場#漢堡扒#肉肉大米#日本
閱讀更多
-
香港攻略
肉肉大米 （德福店）
肉肉大米
上班族👩💼🧑💼的快速加油站 ⛽️ 平時工作好忙,快食番餐都要高質 《肉肉大米》日式漢堡扒餐廳進駐到九龍灣啦, 仲要係地鐵站🚉上蓋,超方便,每個套餐都是西蘭花🥦､白飯､同湯任添,性價比高 漢堡排選用九州黑毛和牛與美國牛肉混製而成,白飯用上日本東北｢虹煌米｣及 日本🇯🇵新鮮雞蛋🥚 好吸引 漢堡扒套餐三件扒 原味漢堡扒 肉裡充滿肉汁,配上溫泉蛋拌飯增添口感 芝士漢堡扒 店負現場再刨芝士,芝士呈半溶狀態,最惹味十足 新出期間限定忌廉菇菌漢堡扒 漢堡扒已在忌廉汁裡,再加上三種菇菌:金菇､雞脾菇 和蘑菇,使人垂延! 肉肉大米 📍九龍灣偉業街 33號德福廣場1期1樓F23號舖 #日本菜#日本餐廳#網紅餐廳#打卡餐廳#肉肉大米漢堡排 lunch dinner 日本和牛 九龍灣 九龍灣德福 德福廣場 九龍灣美食
閱讀更多
-
香港攻略
肉肉大米 （德福店）
德福肉肉大米！和牛漢堡扒🤤！6點前衝呀🏃🏻♀️！
話說我真係忍咗好耐,終於搵到一個平日晚放工6點前衝去九龍灣德福,避開長龍,成功入座肉肉大米(Niku Niku Oh! Kome)!一入到去已經聞到陣陣和牛香同鐵板滋滋聲,個心即刻跳晒😍🔥 開放式廚房+U型吧枱,坐低就同師傅打眼交,睇住佢哋現絞現煎,煙火氣爆棚但完全唔油膩,超正! 今次目標係一次過試晒三款最強漢堡扒:經典原味､芝士瀑布､仲有新出嘅忌廉雜菌!直接叫咗$140三件套餐(任加飯任加湯任加西蘭花♾️),抵到爆燈💥 第一件上枱係原味和牛漢堡扒🥩✨ 師傅已經預煎到6-7成熟,粉紅色肉心超誘人!我忍唔住即刻一刀切下去……嘩!!!肉汁即刻似火山爆發咁噴出嚟,juicy到汁水濺到我副眼鏡😭💦💦 塊扒足足有150g,表面微焦脆,內裡粉嫩彈牙,牛味濃到衝上鼻!夾埋個生蛋黃撈虹煌米🥚🍚,蛋汁同肉汁混埋一齊,入口即化,滑到我差啲喊出嚟!呢啖飯我老咗十年都唔會忘🤤🤤🤤 單純落少少胡椒鹽同燒肉醬已經完美,牛味完全冇被搶走,係最能試到肉質嘅王牌! 第二件係芝士漢堡扒,呢個真係變態級🤪🧀🧀🧀🧀 師傅先放一片車打芝士,再即場用刨芝士機｢沙沙沙｣刨芝士雨落嚟🌧️❄️ 刨到成座芝士山⛰️😱 熱辣辣鐵板一焗,芝士即刻熔化成金黃色瀑布,拉絲拉到成條手臂長!撳落去｢啵｣一聲,奶香同和牛油脂即刻炸開😍💥💥 入口係邪惡到極點嘅幼滑口感,鹹香甜香一齊爆燈!芝士控見到呢幕即刻升天✈️ 我連食三啖都停唔到,肥到即刻原地封盤⚰️😂 配奧羅拉醬同日式芥末鹽麴,清爽解膩,否則真係會被芝士淹死(但係甘願)! 第三件係今季新品——忌廉雜菌漢堡扒😈🍄🍄 師傅將原味扒淋滿濃郁忌廉雜菌醬,仲有杏鮑菇､牛肝菌､羊肚菌等雜菇,creamy到癲狂🤤🤤 醬汁熱辣辣滲入肉汁,菇香奶香肉香三重奏!一啖咬落去,忌廉醬滑到飛起,菇味鮮到衝上天✈️☁️ 完全唔會太甜膩,反而好解原味同芝士扒嘅油!連平時唔愛食嘅西蘭花都變超好食,蘸少少忌廉醬即刻秒殺🥦✨ 呢個真係邪惡到我食完即刻想再叫多件😭💜 任食虹煌米超香彈,味噌湯仲有好大塊豆腐同紫菜,店員好nice,見我食得快即刻過嚟問｢要唔要加飯?加湯?加菜?｣完全唔嬲你加十次八次🍚🥄♾️ 我同朋友兩個女仔硬生生食咗五碗飯､加咗四次湯､啃晒成山西蘭花,最後真係撐到條褲頭爆煲🤰💥 埋單先發現$140一位,抵到喊! 走嘅時候已經7點半,門口排咗成條長龍🐉🐉🐉 真係慶幸自己6點前衝晒入去!下次一定要約多啲肉食怪一齊來掃三扒､四扒､甚至五扒都得!😂 總結: 原味=純粹牛味爆汁 5/5 🔥 芝士=視覺味覺雙重高潮 5/5 🧀 忌廉雜菌=creamy邪惡驚喜 4.8/5 🍄 性價比=10/5 💯 排隊指數=要提早!6點前必到!!! 肉食怪們,快啲mark低德福F23,今晚就衝啦!!!🏃♂️💨🏃♀️💨🔥🔥🔥 #德福#漢堡扒#肉肉大米
閱讀更多
港生活人氣本地熱話
↓【限時搶⚡】雙效抗敏牙膏↓
↓減輕酸軟不適、減少牙齦出血↓
↓【限時搶⚡】莓果櫻花味軟糖↓
↓柔軟Q彈、補充營養↓
U GO 本週好去處
