香港美利酒店下午茶買一送一！人均$236.5歎Tom Ford聯乘鹹甜茶點

rac_trav

香港攻略

Garden Lounge - 香港美利酒店

呢個「仲夏西西里下午茶」真係幾正，去到香港美利酒店Garden Lounge，感覺好Relax。個地方有大大塊落地玻璃，望出去就係成日聽到嘅聖約翰座堂，好靚，有啲似去咗地中海嘅感覺。下午茶嘅嘢食都幾特別，主要係用咗好多西西里嘅食材，好似開心果同熱帶水果，仲有啲海鮮，食落口感幾有層次，唔會太甜或者太鹹。飲品方面除咗普通咖啡同茶，仲可以加錢試下氣泡茶或者氣泡酒，幾有心思。 呢度嘅服務都好好，職員好親切，環境唔會好嘈，坐低就可以好好放鬆，啱啱朋友仔傾計或者自己嚟享受一個安靜嘅午後。整體講，呢個下午茶係一個好正嘅地方，結合咗好景色、美味嘢食同舒適環境，絕對係香港市中心逃離忙碌生活嘅一個好去處。想搵地方 chill chill 食下嘢，推介大家嚟試下呢度！ #哈囉喂全園祭

女乃花余

香港攻略

180度迷人維港景色下午茶

麗晶酒店 (前洲際酒店) 翻新重開後小編梗係要試一試佢地既下午茶😆 呢度環境好開揚，一整排對住維港既落地玻璃窗令成個景色一眼睇晒。同朋友悠閒地望住靚景傾住計嘆返個下午茶，仲可以坐到晚上6點睇埋個黃昏。   下午茶 ($888/兩位) 【甜點】 ・青蘋果蛋糕👍🏻 上層係清甜微酸既青蘋果果涷，入面有爽口蘋果粒，下層就係慕絲蛋糕。因為酸酸甜甜所以食落清爽開胃，幾唔錯！   ・草莓蛋糕 上面既草莓都係酸酸甜甜，下面蛋糕體鬆軟，外層朱古力就甜。呢個就普通少少，味道正常。   ・開心果泡芙👍🏻 開心果醬好濃稠，食得出係真材實料，用烤焗過純果仁打出黎。慢慢咀嚼既時候開心果味充滿成個口腔，中意開心果既一定要試下。不過泡芙就唔係脆嗰款，如果係脆面就完美。   ・瑪德蓮蛋糕👍🏻 呢個貝殼形小蛋糕色澤金黃，奶香濃郁，口感鬆軟綿密。食落有少少濕潤唔會太乾，甜度恰度好處。   ・英式鬆餅 外面略微酥脆，入面鬆軟，食落唔會撻口。套餐會配埋自家製濃縮鮮奶油同日本日向夏果醬。鮮奶油絲滑帶奶香，食落唔甜；蜜柑果醬就酸酸甜甜，呢個配搭令人食完成個鬆餅都唔覺得膩。   【鹹點 - 三文治】 上枱後侍應會建議返客人跟返以下次序，由淡味食到濃味。 ・蟹肉牛油果 麵包鬆軟，牛油果軟滑，蟹肉再加上酸忌廉醬，清新得黎又有層次。   ・黑松露蟹肉 蟹肉份量幾足，入口黑松露味香濃，但略為蓋過左蟹既鮮味。   ・魚子醬玉子👍🏻 魚子醬口感唔太明顯，係帶出少少鹹味。個蛋質地非常特別，軟滑到似係結實少少既蒸蛋咁，蛋味好香，入口輕輕用舌頭一頂就化開😆   ・蟹子煙三文魚 煙三文魚既咸香配上蟹子卜卜脆既口感，好味但就係想像到既味道。   【飲品】 ・草本茶 - 蝶豆花 蝶豆花茶顏色好靚，打卡一流！飲落就偏清淡，帶有微微草本香，好多人會形容為「無味」。但配茶點食就可以解膩，而且唔會蓋過茶點本身既味道。   ・白茶 - 茉莉花 呢個茶就正常發揮，好穩陣既一個選擇。   總括黎講，呢間下午茶所選擇既糕點都係走一個酸甜、偏清爽既路線，食完全部野都唔會覺得好濟好膩，真係幾難得！仲可以另外加配魚子醬同酒架～   The Lobby Lounge (大堂酒廊) 地址：香港九龍梳士巴利道18號香港麗晶酒店大堂 下午茶時間：中午 12 時至下午 6 時   綜合評分 環境：4.5/5 食物：4/5 衛生：4.5/5 打卡指數：4/5 CP值：4/5 人均消費：$490 (下午茶)   想睇更多食評請Follow女乃花余🤗 IG: milktea_foodie_good.west   #尖沙咀 #慶祝 #下午茶 #relax #慶生 #Afternoon Tea #打卡 #Chill #維多利亞港 #girl's talk 好地方 #室內好去處 #閨蜜聚會 #Igable #180度維港海景 #大堂酒廊 #麗晶酒店 #The Lobby Lounge #2023下午茶推薦 #提早預約 #窗邊位要預先講 (此文章由U Blog 同步發佈至社群)

HappyMargie

Afternoon Tea Set

帝京酒店

古韻今風下午茶

英式下午茶就經常都食到，結合傳統宮廷格調及新派元素下午茶就真是第一次🤩今日就同朋友去帝京酒店獅房菜享受一段典雅的中式風情下午茶時光🍵 在場還有古代頭飾，宮廷風撥扇，真係可約埋朋友仔一齊著住中式宮廷服來打卡📸 下午茶的食物造型加入中式元素，以天壇、故宮及毛筆等形象示人，打卡一流；而擺盤特別飾有「山水樓閣」 毛筆造型竟然係可以吃🤭全部吃完後，底層擺盤可見到全幅山水樓閣，真係邊吃邊欣賞畫😍 當中包括多款鹹甜美點，以下等我介紹吓： 🟣鹹點 🔹️清酒鮑魚配梅酒啫喱蘿蔔 新鮮鮑魚非常彈牙，與蘿蔔以日本清酒、豉油及味醂等秘調醬汁浸至入味，另外很喜歡用梅酒製作啫喱，味道清新開胃🌿 🔹️鱈場蟹肉魚子醬沙律青瓜杯 青瓜很爽脆清新🥒配上先以蜜糖及鮮青檸汁等調味的鮮味鱈場蟹肉，配上黑魚籽及金箔，清新鮮甜🌿 🔹️西班牙豚肉松露沙律脆泡芙 大廚選用了西班牙豬脢頭，以秘製醬料醃至入味炒熟，再加入日本沙律醬及松露醬拌勻，釀入餐廳自家製的泡芙之中，配搭新鮮👍 🔹️龍蝦仔脆多士 鮮嫩彈牙小龍蝦肉加入明太子蓉、蟹籽及溫室青瓜粒拌勻成餡，以花形脆多士夾住，多士很香脆美味 🔹️孜然牛肉批 牛肉濃味所以最後先吃，芝士酥外層焗到金黃香脆，芝士與牛肉味道是很夾的 🟡甜點 🔸️荔枝布甸 原粒「荔枝」外層為朱古力，內層為荔枝布甸，更有粒粒荔枝肉，味道真是很似荔枝，而「荔枝葉」是糖皮，上面更壓上葉紋，相當細緻，像真度高啊🍃 🔸️紫薯麻糬酥 一出場超震撼有噴煙效果，以毛筆造型登場，打卡一流📸 以酥皮包裹紫薯蓉製成「毛筆頭」形狀，內藏麻糬，酥脆之餘又帶煙韌口感，再用白朱古力將酥點黏在毛筆管上。再沾上「墨水」其實是黑糖蜜的，令到味道有層次感👍 🔸️芝麻慕絲蛋糕 以石獅子造型登場，非常吸睛👀石獅子真係可以吃，是用白朱古力加入牛奶、芝麻醬及忌廉製成慕絲，倒入石獅子模具之中製作，廚師用心之作🦁內裡芝麻流心餡及榛子薄脆，味道不會太甜👍 🔸️抹茶奶黃流心餅 面上有金箔非常名貴，以抹茶桃山皮裹上抹茶奶黃餡及奶黃流心；外層鬆化酥香，咬開是奶黃流心，香甜細膩👍 至於飲品方面，當然要點番個要襯托咁有特色圓肉紅棗杞子茶，食材有養血安神、健脾益氣的功效。 朋友就點了蓋山楂茉莉奶茶，有養顏瘦身效果，兩款特飲各有特色👍 平時high tea都唔會吃太耐時間，今次古韻今風下午茶真係好有驚喜，打卡打到暈😂每款鹹甜美點造型精緻及各有特色👍真心推薦 供應時間及價目 2024年8月16日至12月15日 (星期二至日下午3時至5時) 價錢：HK$548/兩位用 HK$278/一位用 須另加一服務費 @royalplazahotel 🍽獅房菜 📮旺角太子道西193號帝京酒店3樓 #lionrock #royalplazahotel #獅房菜 #中式下午茶 #下午茶 #帝京酒店 #moko #新世紀廣場 #旺角東 #旺角美食 #mongkok #旺角 #太子 #餐廳推薦 #hkfoodie #hkfood #hightea #hongkongfood #下午茶 #旺角 #帝京酒店 #hightea #mongkok #太子 #新世紀廣場 #hkfood #hkfoodie #旺角美食 #餐廳推薦 #旺角東 #hongkongfood #中式下午茶 #lionrock #moko #獅房菜 #royalplazahotel (此文章由U Blog 同步發佈至社群)