香港美利酒店下午茶買一送一！人均$236.5歎Tom Ford聯乘鹹甜茶點

Rachel

打卡熱點

呢個「仲夏西西里下午茶」真係幾正，去到香港美利酒店Garden Lounge，感覺好Relax。個地方有大大塊落地玻璃，望出去就係成日聽到嘅聖約翰座堂，好靚，有啲似去咗地中海嘅感覺。下午茶嘅嘢食都幾特別，主要係用咗好多西西里嘅食材，好似開心果同熱帶水果，仲有啲海鮮，食落口感幾有層次，唔會太甜或者太鹹。飲品方面除咗普通咖啡同茶，仲可以加錢試下氣泡茶或者氣泡酒，幾有心思。 呢度嘅服務都好好，職員好親切，環境唔會好嘈，坐低就可以好好放鬆，啱啱朋友仔傾計或者自己嚟享受一個安靜嘅午後。整體講，呢個下午茶係一個好正嘅地方，結合咗好景色、美味嘢食同舒適環境，絕對係香港市中心逃離忙碌生活嘅一個好去處。想搵地方 chill chill 食下嘢，推介大家嚟試下呢度！ #哈囉喂全園祭

Dusttobestar

甜品

六國酒店 - Le Menu

六國酒店x GLYCEL 下午茶！靚爆你🤩！

📣最近六國酒店聯乘瑞士頂尖肌膚細胞再生專家GLYCEL推出咗｢活肌昇華｣下午茶套餐🫖 菜單以 GLYCEL｢全護高效細胞再生系列｣為靈感🌟結合｢細胞營養師｣理念🤝打造7️⃣重修護能量🫶🏻象徵肌膚重獲｢水､嫩､亮､白､緊､彈､潤｣極緻狀態🥰 鹹點: 龍蝦芝士香草包多士 鮑魚酥皮盒 鵝肝醬配紅桑莓醋啫喱 香草烤牛柳串燒 煙三文魚檸檬忌廉芝士卷 意大利風乾火腿哈蜜瓜 甜點: 綠茶歌劇院 士多啤梨奶凍 芒果慕絲蛋糕 馬卡龍 焦糖燉蛋 英式鬆餅 飲品: 咖啡或茶 (加$22升級至手工咖啡或港式奶茶乙杯/加$38升級至紅/白餐酒乙杯/加S68升級至紅/白餐酒兩杯) 🎁每位顧客可獲贈GLYCEL美肌禮品乙份(價值港幣$282),當中包括高效鎖水活膚修護乳(3毫升)､高效活膚滋潤日霜(3克)､高效緊緻滋潤眼霜(3克)及憑療程換領信可於指定香港GLYCEL美妍中心免費享用指定療程乙次(只適用於持有香港身份證及年滿18歲之全新女性客戶)｡ 💗大家都快啲約埋好姐妹👭一齊嚟六國酒店🏨享受一個｢靚住食｣嘅Afternoon Tea啦🫖 🫖六國酒店 x GLYCEL 活肌昇華下午茶 - ｢龍蝦•鮑魚•鵝肝醬｣ 📅供應期:即日起至11月30日(每日3pm-5pm) 📍灣仔告士打道72號六國酒店1樓 🔗網上預約訂座:bit.ly/3FPIBFK ☎️預約電話 :2866 3808 GLYCEL Gloucester Luk Kwok Hong Kong #GLYCELHK#六國酒店#打卡美食#護膚甜點#灣仔好去處#限定優惠#GLYCEL#瑞土肌膚細胞再生專家#lemenu#灣仔美食#灣仔餐廳 #美食推介#下午茶#hkblogger#hkfoodie#foodiehk#skincare#護膚#美容

女乃花余

Afternoon Tea Set

180度迷人維港景色下午茶

麗晶酒店 (前洲際酒店) 翻新重開後小編梗係要試一試佢地既下午茶😆 呢度環境好開揚，一整排對住維港既落地玻璃窗令成個景色一眼睇晒。同朋友悠閒地望住靚景傾住計嘆返個下午茶，仲可以坐到晚上6點睇埋個黃昏。   下午茶 ($888/兩位) 【甜點】 ・青蘋果蛋糕👍🏻 上層係清甜微酸既青蘋果果涷，入面有爽口蘋果粒，下層就係慕絲蛋糕。因為酸酸甜甜所以食落清爽開胃，幾唔錯！   ・草莓蛋糕 上面既草莓都係酸酸甜甜，下面蛋糕體鬆軟，外層朱古力就甜。呢個就普通少少，味道正常。   ・開心果泡芙👍🏻 開心果醬好濃稠，食得出係真材實料，用烤焗過純果仁打出黎。慢慢咀嚼既時候開心果味充滿成個口腔，中意開心果既一定要試下。不過泡芙就唔係脆嗰款，如果係脆面就完美。   ・瑪德蓮蛋糕👍🏻 呢個貝殼形小蛋糕色澤金黃，奶香濃郁，口感鬆軟綿密。食落有少少濕潤唔會太乾，甜度恰度好處。   ・英式鬆餅 外面略微酥脆，入面鬆軟，食落唔會撻口。套餐會配埋自家製濃縮鮮奶油同日本日向夏果醬。鮮奶油絲滑帶奶香，食落唔甜；蜜柑果醬就酸酸甜甜，呢個配搭令人食完成個鬆餅都唔覺得膩。   【鹹點 - 三文治】 上枱後侍應會建議返客人跟返以下次序，由淡味食到濃味。 ・蟹肉牛油果 麵包鬆軟，牛油果軟滑，蟹肉再加上酸忌廉醬，清新得黎又有層次。   ・黑松露蟹肉 蟹肉份量幾足，入口黑松露味香濃，但略為蓋過左蟹既鮮味。   ・魚子醬玉子👍🏻 魚子醬口感唔太明顯，係帶出少少鹹味。個蛋質地非常特別，軟滑到似係結實少少既蒸蛋咁，蛋味好香，入口輕輕用舌頭一頂就化開😆   ・蟹子煙三文魚 煙三文魚既咸香配上蟹子卜卜脆既口感，好味但就係想像到既味道。   【飲品】 ・草本茶 - 蝶豆花 蝶豆花茶顏色好靚，打卡一流！飲落就偏清淡，帶有微微草本香，好多人會形容為「無味」。但配茶點食就可以解膩，而且唔會蓋過茶點本身既味道。   ・白茶 - 茉莉花 呢個茶就正常發揮，好穩陣既一個選擇。   總括黎講，呢間下午茶所選擇既糕點都係走一個酸甜、偏清爽既路線，食完全部野都唔會覺得好濟好膩，真係幾難得！仲可以另外加配魚子醬同酒架～   The Lobby Lounge (大堂酒廊) 地址：香港九龍梳士巴利道18號香港麗晶酒店大堂 下午茶時間：中午 12 時至下午 6 時   綜合評分 環境：4.5/5 食物：4/5 衛生：4.5/5 打卡指數：4/5 CP值：4/5 人均消費：$490 (下午茶)   想睇更多食評請Follow女乃花余🤗 IG: milktea_foodie_good.west   #尖沙咀 #慶祝 #下午茶 #relax #慶生 #Afternoon Tea #打卡 #Chill #維多利亞港 #girl's talk 好地方 #室內好去處 #閨蜜聚會 #Igable #180度維港海景 #大堂酒廊 #麗晶酒店 #The Lobby Lounge #2023下午茶推薦 #提早預約 #窗邊位要預先講 (此文章由U Blog 同步發佈至社群)