銅鑼灣麵館皇年底恐結業！屹立31年香港首間引入刀削麵老店

hhhomecafe

中式料理

麵館皇 (銅鑼灣店)

再見了❤️麵館皇～曾經係我銅鑼灣食堂

銅鑼灣麵館皇真係由細食到大!我小時候對於刀削面係冇乜好感,因為喺出面好多餐廳嘅刀削麵,都係又厚身,又勁大麵粉味~ 曾經見到麵館皇師傅一手攞住麵團,一手攞刀,逐片逐片削麵~真材實料,難怪咁多年來佢嘅刀削麵口感維持高水平:唔會好厚身,好彈牙,中間厚兩邊薄,食落口好滑 以前食親都係口水雞,今日試一試鎮江骨~雖然同想像有出入,不過係入味既,啖啖肉👍🏼👍🏼 還記得當年第一次食,佢地嘅藥膳湯底十分驚豔!真係可以飲晒成個湯~而家個湯鹹咗好多,飲唔落去 往日既好味道,不知香港還剩多少~ 味道:⭐⭐⭐⭐ 環境:⭐⭐⭐⭐ 服務:⭐ 性價比 :⭐⭐⭐ #中菜餐廳#UCreator#打卡美食#美食推介#香港美食#九龍美食#港島美食#新界美食#旅行美食#ghd雪葩粉紅慈善限量系列#全方位護齒三步曲#敏感肌防曬攻略#童您放暑假#chill玩夏水禮#我想變身蚊界透明人#chill賞同陽光玩遊戲#chill嘆旅行#chill賞放大假

peonyiuu

香港攻略

麵館皇 (銅鑼灣店)

隱藏刀削麵老字號

🔷主食部分🔶 刀削麵系列全部手工現削,彈牙有咬口!
秘製麻辣口水雞刀削麵:(轉藥膳味)藥膳味唔算濃但雞肉嫩滑
手切牛頸脊刀削麵:牛頸脊厚切肉多,配上藥膳湯底,層次豐富 🔷小食部分🔶 香酥炸大白菜及小棠菜雲吞:外皮金黃脆口,但皮偏厚,食得多都幾滯,無特別不推薦 蔥油餅:非常酥脆,蔥香撲鼻,熱辣辣好正 🔷後記🔶 店內位置很少,所以要預早排隊｡ 份量大大份,無論刀削麵定係小食,雖然可以自己斟酌點餐份量 🔷小食部分🔶 秘製麻辣口水雞刀削麵 $69
手切牛頸脊刀削麵 $76 香酥炸大白菜及小棠菜雲吞 $38 蔥油餅 $29 不設加一服務費 - 🍴:麵館皇 📍:銅鑼灣登龍街32號地舖 #刀削麵#麻辣口水雞#蔥油餅#ucreator#打卡美食{{hket:campaign display="越食越靚"}}{{/hket:campaign}}#好去處#打卡#隱世打卡點#香港美食#ucreatorhk#foodie#hkfoodie#港玩港食

feijaichoy

香港攻略

The Upper Pinery 松牧尚館

【美食】再見！18樓海景餐廳 🌃😭

近年百物騰貴，本地消費低迷，零售餐飲業受到正面嘅衝擊，無論小店定集團倒閉嘅消息，都不時出現係新聞報導之中。而係今個月尾，有一間融合中西風格嘅居酒屋由於租約期滿，要同大家講再見喇😭。佢就係位於銅鑼灣至灣仔之間嘅【松牧尚館】。 餐廳位處18樓，一入去就見到半數座位對住窗口，居高臨下，飽覽維港對岸景色🏞。相信去到夜晚，尤其是有煙花/無人機/燈光匯演嘅日子，景色會更加震撼🌃。可惜，當日我無預約上去，只可以坐係入面嘅位置，影唔到個靚景畀大家睇喇！ 叉燒蒟蒻飯 $98 🥘 今次真係有驚喜！好多人都會覺得燒味飯唔健康，又驚肉嘅口感太乾柴/太油膩，而依個飯就正好解決咗呢堆問題。上菜個陣賣相已經唔錯，有青菜配微焦嘅半肥瘦叉，加上低卡零脂嘅蒟蒻飯，滿足我想飲食均衡又色香味俱全嘅願望。 整體嚟講，叉燒肉質鬆化爽口，表面嘅焦香同裡面嘅肉汁混合，帶出獨有嘅蜜香味。搭配口感軟糯 Q 彈嘅蒟蒻飯同味道濃郁嘅生蛋黃，既可以增加飯粒嘅濕潤度，又可以增添口感嘅層次，簡直係絕配！唯一不足係份量太少啦，食過返尋味想 encore！ 雜菇湯麵 $85 🍜 要食得健康嘅話點少得素食菜式呢！不過，無論係賣相定係味道方面，呢個餐就相對失色喇。湯底味道較清淡，可能係煮嘅時間未足夠，以致雜菌嘅鮮味未能融入湯中。菇菌種類較少，加上麵條偏腍身，未能帶起口感上嘅層次，對我嚟講性價比就一般啦。 由午市套餐搖身一變，變成晚市嘅居酒屋，餐廳係最後時光推出優惠。由即日起，經 openrice 訂座於 free flow 時段可享 $130/位優惠，詳情可以留意 openrice 或者官方 ig the.upper.pinery_hk。記得訂座留番個靚位，對住海景享用美食啦！同時希望餐廳可以東山再起！ 松牧尚館 地址：灣仔告士打道229-230號宇宙商業大廈18樓 ⏰️ 營業時間：12:00 - 00:00 💸 人均消費：$100/位 😋 味道：4/5 🏞 環境：4.5/5 🤵‍♂️ 服務：4/5 💰 性價比 ：4/5 #松牧尚館 #結業潮 #叉燒飯 #fusion菜 #居酒屋 #香港攻略 #香港美食