港島兩餸飯店新推$20套餐！良心價大陸都無咁平！網民大讚：益街坊到蝕本
灣仔兩餸飯價格戰持續升級！雖然兩餸飯龍頭「添飯餸」退出戰局，但區內競爭不減。近日「佳記美食」推出震撼價$20下午茶掂飯連例湯，加餸僅需$8，即$28有兩餸飯食。網民大讚「大陸都無咁平」，更讚老闆良心經營，直呼「益街坊到蝕本」。掂飯菜式每日不同，老闆更預告之後會推出更多選擇，值得期待。
灣仔佳記美食推$20掂飯
灣仔區兩餸飯競爭激烈，食肆為求爭客各出其謀，早前更有餐廳推出三餸飯放題，齊齊鬥平。雖然兩餸飯龍頭「添飯餸」灣仔店不敵結業，不過當區競爭未有因而減退，有網民於Facebook群組「香港兩餸飯關注組」分享「佳記美食」的抵食之選。
窮人恩物$20有飯有餸有湯
灣仔佳記美食推出下午茶優惠，於下午2點半至6點期間供應$20掂飯連例湯，款式每日不同，包括菜遠排骨飯、滷水雞翼飯、咖哩雞配時菜飯、黑醋排骨飯等。雖然只有一餸，不過指定菜式都不會乾噌噌，好送飯，如果想加購一餸變雙餸飯，亦只需加$8，換言之只要$28就食到兩餸飯，價格實惠。
從網民分享的餐廳的其他菜式可見，佳記食物質素不錯，菜式選擇多，比較特色的有枝竹炆腩仔、牛尾、腐乳通菜、蕃茄斑腩、蒸魚等。
網民大讚：大陸都食唔到咁平
網民大讚抵食，益街坊，更直言「$20真係平到笑」、「大陸都食唔到咁便宜」、「良心店。」亦有人心疼老闆，稱「您擺明養業主，自己不賺錢？做老板真的不容易。」當被問到其他分店會否推出優惠，老闆回覆「搞好咗灣仔，再加碼再擴展其他店舖。」老闆更保證優惠飯份量不變一樣多。雖然$20掂飯下午2點半後才供應，無法當午餐，不過市民亦可以在6點前買定當晚餐醫肚，一樣超值抵食。
來源：Facebook
活動資訊
- 地點
港生活限時優惠情報
↓請您去英匯劍擊學院小小劍士體驗及實戰班↓
↓額外免費體驗一次Fencing Night實戰班↓
↓勁賞KAGOME升級版「野菜生活100」體驗套裝↓
↓甘筍蔬果汁、提子蔬果汁↓
