「糧尾恩物」荃灣公園小食亭6.19結業！$14早餐成回憶！網民：露天茶座夏天好難做
荃灣公園小食亭因「$25午餐送熱飲」的親民價成為街坊熱話，卻難敵經營壓力，宣布將於6月19日結業。店方坦言成本攀升致無法營運，引來網民惋惜，感嘆員工貼心服務與「糧尾恩物」的消失。戶外座位受天氣與環境限制，更凸顯小本經營的困境，網民紛嘆：「呢個位真係好難做！」
荃灣公園小食亭下周結業
有網民在Facebook群組「荃灣人」發文，指早前因$25午餐送熱飲而爆紅的荃灣公園小食亭宣布結業。小食亭貼出告示通知將營業至6月19日（星期四）上午11時，通告稱「由於成本不斷增加，經營環境十分困難，無法繼續正常運作，感謝各位多年支持。」
發文者對小食亭結業感到惋惜與不捨，「我嘅早餐食堂要結業了。佢地已經好努力撐住 不過無辦法⋯」她又大讚小食亭員工有食客心，「店員姐姐成日都問我做咩唔落多啲醬，話多醬先好食，真係好為客人著想。」小店難抵經濟寒冬，不少網民同感可惜，紛紛於帖文留下「慘慘」反應。
網民：喺呢個位更加難做
小食亭用餐區為戶外茶座位，加上附近有草叢，盛夏來臨勢必影響生意，這個攤檔位要守業實在不容易。有網民表示「夏天冇冷氣又多蚊真係好難搞～」、「飲食好難做,佢喺呢個位更加難做」、「天氣熱好難頂，而且坐位唔多。」
「糧尾恩物」$25午餐爆紅
今年年初有網民在Facebook群組「香港茶餐廳及美食關注組」中推介餐廳的抵食午餐，只要$25就有一碗湯麵連熱飲，三餸粉麵跟飲品亦只要$30。
雖然獲網民大讚，更有人認為可以推動公園茶座經濟，不過亦有街坊認為生意唔易做，「呢個位好難做……露天，日曬雨淋，冬凍夏熱，附近冇商厦學校，人流少」、「天氣一泠一熱好大影響，所以好難做。」
活動資訊
- 地點
-
港式美食
荃灣
【荃灣】幸福麵館食完真的會令人覺得幸福
一直都知荃灣多好嘢食,所以每次去荃灣都不會去搵食咩,基本上都是睇到邊間想食就食邊間｡咁啱見到呢間個店名,就諗住試吓到底有幾幸福🤣 八寶心意滿足 $58 推薦指數💥:🌝🌝🌝🌝🌝 八寶分別牛筋丸､牛腩､豬皮､豬紅､咖喱魷魚,大魚蛋､蘿蔔和時菜,全部都好入味,尤其個咖喱魷魚,咖喱味超香,食落爽口彈牙 牛筋丸食落彈牙之外,仲會爆汁;蘿蔔食落冇渣,好適合咩都想試嘅人 加$6轉左刀削麵,食落唔會太淋,有口感 4餸車仔麵 $52 推薦指數💥:🌝🌝🌝🌝🌚 分別叫咗魚片頭､香茄貢丸､蟹棒和白菜豬肉餃,雖然魚片頭和蟹棒都好普通,但呢度都唔會馬虎 而個白菜豬肉餃拍得住出面嘅餃子鋪,好吃 ✨整體來講,價錢合理,環境唔會夾迫,可以一戰 📍幸福麵館 地址💬:荃灣享成街10號香城大廈地下6號舖 #UCreatorHK#BESTFOODwithUCreator#香港美食#新界美食#香港隱世美食#香港地道美食#ucreator#BESTFOODwithUCreator#打卡美食#好去處#港玩港食
閱讀更多
-
泰國菜
泰玖
荃灣泰玖
特別推介見到羽葉金合歡煎蛋 即係臭草煎蛋🍳係泰國常見小食 加埋雞蛋一齊煎係非常香 金柚沙律都無叫錯 柚子肉好大粒又甜 泰式串燒可以叫雞牛豬各1串~岩哂兩個人食剛剛好 叫咗個青咖喱雞好惹味 一定要配埋香脆蒜蓉包食先係正 #泰菜
閱讀更多
-
港式美食
【荃灣】一人小火鍋🍲其實一個人都可以好開心
最近好多火鍋店都新增左一人火鍋套餐,價錢都非常抵食,今次我就去試呢間都幾出名嘅呷哺呷哺 一人歡樂時光 $78 推薦指數💥:🌝🌝🌝🌝🌚 可以選牛肉或豬肉,湯底也有三款可選,雖然肉的份量不多,只有四片,不過質素都唔錯,唔會淨係好肥得啲肥膏,而且都幾大一塊,其實配埋啲蔬菜一齊食,其實都飽,再加上佢哋有提供,配上佢哋提供的肉燥一齊食,真係超級惹味✨ 佢哋仲可以自己整刨冰食,小料你想放幾多就幾多,簡直就係大滿足,就算你唔想食刨冰,淨係食小料都得,簡直就好似實現夢想咁,小料自由,而且佢哋提供嘅小料款式都唔少 飲品方面,我就覺得正常,中規中矩 ✨整體來講,係同湊湊同一個集團,食物質素可以放心,有時候想打邊爐又唔想食咁貴,淨係想過吓口癮嘅話,佢係一個唔錯嘅選擇 📍呷哺呷哺 地址💬:荃灣大壩街4-30號荃灣廣場L3樓315號舖 #香港美食#香港隱世美食#雙聚嚐月#護脊書包要識揀#秋日養生#夏日炎炎啤啤佢#夏日排毒瘦身#ucreator#打卡美食
閱讀更多
港生活人氣本地熱話
【家長必睇👀】全港最受歡迎親子室內遊樂場！🛝
1000+港媽港爸票選🗳️ 即睇完整排名✨
【小小KOL招募中‼️】解鎖無限親子體驗，好物／好去處搶先試！
假日好去處