「糧尾恩物」荃灣公園小食亭6.19結業！$14早餐成回憶！網民：露天茶座夏天好難做

Chan Zoey

香港攻略

小越廚

越式家常菜，$208就得！😋

❣️小越廚(荃灣) 荃灣享和街49號都城大廈地下D號舖☎️ 小越廚整體嘅定位係越式家庭食堂嘅路線~先用小食拼盤打底,跟住再食兩碗主食,最後用甜品或者飲品平衡口味~ 二人套餐 $208 越式小食拼盤 拼盤嘅食物種類都多,蝦餅春卷雞翼都有,不過因為炸物,所以食物都會比較熱氣 生牛肉湯河粉 湯底偏清,生牛肉份量都多,牛肉一落湯,熟度啱啱好 冬蔭公豬扒湯檬粉 冬蔭公食落帶有鹹香,豬扒比較厚身,檬粉口感正 泰式班蘭醬多士 二人餐會送一份斑斕醬多士!班蘭醬味道明顯👅食落唔算太甜,以送嘅甜品嚟講其實都算唔錯~ 凍泰式檸茶 檸茶可以解膩,飲落幾清爽 凍龍眼冰 龍眼冰偏甜,比較啱螞蟻人飲~ 整體嚟講,小越廚係主打平民路線,二百幾蚊可以食到2個主食+1個小食+2杯嘢飲+1個甜品,其實係幾抵食｡食物味道大致正常,如果想平平哋食一餐都OK,不過衛生環境建議可以加強改善~ #荃灣#荃灣美食#荃灣美食篇#荃灣越南菜#小越廚#越南菜

charon

港式美食

荃灣

【荃灣】幸福麵館食完真的會令人覺得幸福

一直都知荃灣多好嘢食,所以每次去荃灣都不會去搵食咩,基本上都是睇到邊間想食就食邊間｡咁啱見到呢間個店名,就諗住試吓到底有幾幸福🤣 八寶心意滿足 $58 推薦指數💥:🌝🌝🌝🌝🌝 八寶分別牛筋丸､牛腩､豬皮､豬紅､咖喱魷魚,大魚蛋､蘿蔔和時菜,全部都好入味,尤其個咖喱魷魚,咖喱味超香,食落爽口彈牙 牛筋丸食落彈牙之外,仲會爆汁;蘿蔔食落冇渣,好適合咩都想試嘅人 加$6轉左刀削麵,食落唔會太淋,有口感 4餸車仔麵 $52 推薦指數💥:🌝🌝🌝🌝🌚 分別叫咗魚片頭､香茄貢丸､蟹棒和白菜豬肉餃,雖然魚片頭和蟹棒都好普通,但呢度都唔會馬虎 而個白菜豬肉餃拍得住出面嘅餃子鋪,好吃 ✨整體來講,價錢合理,環境唔會夾迫,可以一戰 📍幸福麵館 地址💬:荃灣享成街10號香城大廈地下6號舖 #UCreatorHK#BESTFOODwithUCreator#香港美食#新界美食#香港隱世美食#香港地道美食#ucreator#BESTFOODwithUCreator#打卡美食#好去處#港玩港食

Whatthefood.hk

香港攻略

台灣麵 (荃灣)

荃灣台灣麵🇹🇼 $228瘋狂餵飽2人🤤

以前去開荃灣成日都見到呢間｢台灣麵｣,印象中佢開咗超過廿年,主打紅燒牛肉麵｡今次終於同朋友嚟試佢個雙人餐,$228成枱都係嘢,食完真係捧住個肚走｡ 🍲 湯品 海帶貢丸湯清清地,貢丸彈牙;酸辣湯夠濃夠開胃,兩款都唔馬虎｡ 🍗 小食 鹽酥雞炸得脆卜卜,點蜜糖芥末醬好夾;皮蛋豆腐正常發揮,豆腐滑溜｡ 🍜 主食 雞扒肉燥飯:雞扒超大塊,皮脆肉嫩,肉燥份量多,撈飯一流｡ 牛三寶刀削麵:呢個要讚!牛腱､牛筋､牛肚三款都炆得極之腍滑,入口幾乎唔使點咬｡牛腱肉味濃郁,牛筋軟糯黏口,牛肚爽脆有嚼勁,三種口感一次過滿足｡湯底係招牌紅燒湯,濃郁得嚟唔會過鹹,刀削麵煙韌掛湯,成碗麵好有層次｡難怪佢哋嘅紅燒牛肉麵可以賣足廿幾年｡ 🧋 飲品 珍珠奶茶唔使加錢就有,大大杯,正常好飲｡ 💡 總結 $228兩個人,人均100多啲,有齊主食､小食､湯､菜､飲品,仲食到咁飽,性價比真係高｡下次再嚟荃灣,一定會再幫襯｡ 📍 台灣麵 荃灣青山公路荃灣段185號荃勝大廈地下A1舖 #荃灣美食#台灣麵#紅燒牛肉麵#牛三寶#雙人餐