餐飲業低迷「楊局長」拍短片自救？20年老牌火鍋奇招吸客推任飲任食
近年餐飲業陷低迷，食肆結業屢見不鮮，不少老字號品牌不敵大環境退場，但仍有部份本地店家繼續苦苦堅持，積極「求變」尋求生存空間。最近一間已有逾20年歷史，主打潮汕牛肉的老牌火鍋放題花園酒家，連月來加入社交媒體的世界「自救」吸客，由店長上鏡，自稱是「楊局長」親自上陣拍短片，宣傳任飲任食火鍋之餘，不時更創作餐廳劇情，連網民都笑指「又幾過癮，老牌都識咁玩」！
花園酒家「楊局長」拍片自救？
本港消費市道欠佳，結業潮不斷，餐飲食肆等行業備受衝擊。位於油麻地的一間本地牛肉火鍋店開業超過20年，多年來主打牛肉火鍋放題，過往靠不少街坊熟客捧場，近期都加入網絡宣傳陣容「轉型」大玩拍片，由店內員工親自上陣，介紹店內美食特色及最新優惠。雖然拍片並非嶄新做法，但最令網民感到津津樂道的是，餐廳竟派出獨家「楊局長」打頭陣？緊貼社會時事之餘，亦不忘加入創意話題作宣傳。
20年牛肉火鍋諗計吸客推任飲任食
根據餐廳社交平台發布的創意影片，幾乎都是由店長「Gordon哥」擔任上鏡主持，他在片中打趣自稱「我係楊局長」、「我就響佐敦嘅花園酒家做店長」作開場白，而驟望其外貌與文化體育及旅遊局前局長楊潤雄有幾分相似，更笑指「楊局長叫你過嚟食牛肉火鍋放題了啦」，疑以此作為噱頭吸引網民注意。不過他在片中都有澄清：「講吓笑啫，我咧就叫Gordon哥」，順道介紹火鍋店的特色美食。
楊潤雄此前擔任本港文化體育及旅遊局局長，於去年12月5日突被免職。同期運輸及物流局局長林世雄亦被免職。
餐廳幽默風格創作短劇情
此外，餐廳亦以幽默風格創作短劇情，例如講述店長在餐廳後廚房與切肉師傅的對話，嘗試呈現部份員工心聲。影片在Instagram共獲得近65萬瀏覽量。（部份）劇情如下：
網民：生意難做到要咁樣賣廣告
有關影片在網上成功獲得部份網民關注，有人留言戲稱：「楊局長失業去左做酒樓部長？」「花園酒家有冇焗腸食」、「又幾過癮，老牌都識咁玩」。都有網民表示驚訝：「由細食到大，估唔到而家生意難做到要咁樣賣廣告」、「依家連花園都要做呢啲」、「應該唔掂。好好地唔駛拍呢啲片賴（懶）係風趣好笑咁，成間公司樓面同廚房冇一個細個50歲，條片完全唔吸引冇活力」；反之有人覺得「一間全部都係老夥記肯搵人拍廣告po IG好好啦已經，唔吸引冇活力（係）一回事」。
曾經幫襯的食客認為：「食過真心覺得OK，肉類唔止新鮮仲好有肉味，飲品種類就爭啲」、「呢間算係咁啦！呢幾年嚟都捱得過！雖然嘢食一般，但勝在酒水任飲又無限時！好多時收工臨時搵地方都係呢間」，質素如何最終見人見智。翻查資料，鮮牛肉火鍋放題現時正價每位收費$338，晚上9時後入座每位$248，提前預約有額外優惠。
花園酒家 詳情
地址：油麻地彌敦道469號2樓
營業時間：07:30 - 23:00
電話：2626 9908
資料及圖片來源：IG@garden._.restaurant
活動資訊
- 地點
-
旅遊攻略
倫敦
跟🐤去食: vol.4 寧記潮汕牛肉火鍋 🥩
👼🏻👼🏻👼🏻👼🏻👼🏻/5 呢間火鍋店係佢未開始做任食之前 有來食過 係好食但每人30幾磅食唔飽 個陣仲諗應該會要有閒錢先再來食 😂 但無見佢一排 原來開始攪任食 而且都係£30.95/人 認真講係超抵食 平日中午來食 環境乾淨好加分 肉供應有:匙仁﹑三花趾﹑匙柄﹑胸口油 仲有海鮮蝦﹑蟹同青口 菜種都好多 全部食材都好新鮮唔係講笑 絕對可以有下次兼推介俾朋友 🐤💡正宗既潮汕火鍋極度挑剔，一隻牛只有大約 37% 嘅肉（好似吊龍、匙仁）夠資格被切片上枱。剩低嗰啲唔夠嫩嘅位，通通會被拎去打成牛丸 #出遊零煩惱 #法式科學護膚 #去新酒店Staycation #321開始想像
閱讀更多
-
香港攻略
牛大帥天天鮮牛肉火鍋
$328食勻十款潮汕牛部位放題
近年身邊不少朋友都鍾意北上覓食，尤其潮汕牛肉火鍋大家都讚好。不過諗到要花時間排隊過關再加來回交通，我真係寧願留港消費。今晚行開旺角T.O.P商場，發現原來深圳人氣品牌「牛大帥」已經靜靜進駐，開設香港第一間分店。門口大大個標語「新鮮不隔夜，美味不過時」，$328就有120分鐘任食十款不同部位的牛肉，咁就入去食下啦。 入座後店員就送上新張期間限定嘅刺身頭盤，有三文魚、北寄貝同甜蝦。刺身水準中規中矩，以跟餐附送嘅質素嚟講收貨有餘，畢竟今晚嘅主角好明顯係檯上嗰一碟碟鮮紅色的牛肉。 最欣賞佢哋係一人一鍋設計，自己食自己嘅節奏，唔使就住朋友嘅進度。湯底選擇方面有麻辣、沙嗲、蕃茄薯仔同皮蛋芫荽，唔算太多，如果店家將來可以增加多些湯底選擇就更好。 牛肉款式方面，最鍾意嘅係吊龍，食落又香又滑；匙仁都唔錯，肉香同油香兼備；五花趾同極品雪花呢兩個頂級部位，極品雪花比較肥，口感滑嫩；五花趾就爽滑有嚼勁；仲有口感豐富嘅雙層肉，同入口爽滑嘅匙柄。其他仲有嫩牛肉、牛鍵子、牛胸油、牛舌，整體肉質都唔錯，新鮮現切，每片有一定厚度，真係日日新鮮直送嘅質素。一次過食勻十款牛肉，任飲任食都算幾抵。 除咗牛肉，仲有其他小食選擇。必試嘅一定係牛丸，一咬落去肉汁噴出，牛味超濃。墨魚滑同蝦滑都唔錯，熟食方面嘅牛坑腩、牛爽腩同牛雜都幾好。 蔬菜區選擇好多，而且眼見全部都新鮮，食咁多肉之後一定要淥返啲菜平衡吓。自助小食區仲有炸丸、薯條等，麵食就有出前一丁、刀削麵、辛辣麵同烏冬。飲品方面真係花多眼亂，汽水、紙包飲品樣樣齊，最驚喜係連啤酒都係任飲唔使額外加錢，呢點可加分。 牛大帥天天鮮牛肉火鍋：旺角彌敦道700號T.O.P This is Our Place地庫R1號舖 #放題 #火鍋 #牛肉控 #潮汕牛 (此文章由U Blog 同步發佈至社群)
閱讀更多
-
香港攻略
麻甩爐海鮮雞煲私房菜
潮牛放題+肌肉猛男！🤤🐮🕺
今次去咗旺角食潮汕牛肉火鍋放題,呢間火鍋最特別係逢星期三至六夜晚,有肌肉男狂歡之夜🤭🤭｡店舖位置好方便,喺油麻地地鐵站行兩分鐘就到,喺562對面｡ 店入面嘅猛男會同你傾偈､餵食😍,叫指定款式嘅酒,仲有公主抱互動🤭;夜晚9:30仲有猛男show,可惜我食6:00,無緣睇到｡相信成場氣氛應該勁熱鬧｡ 肌肉男超大隻,如果你係生日,仲有專屬嘅猛男驚喜🤣,好適合為你一啲好朋友慶生,等佢有一個難忘嘅生日😆｡ 餐廳主打潮汕牛肉,呢幾個部位我特別鍾意: -牛舌滑身爽口､彈牙唔韌; -牛頸脊肉質嫩滑,油脂均勻適中; -封門柳比一般牛肉更腍,脂肪少,牛肉味濃郁｡ -五花趾,呢個係我最鍾意食,係牛後腿嘅大腿內側腱肉,口感爽脆彈牙､筋肉感十足｡ $328食足150分鐘,除咗無限任食潮汕牛肉外,仲有伊比利亞橡果豬肉片､即叫即炸小食､炸乳鴿(必食翻本系列🤭)等｡ 自助區有超過50款配料,包括海鮮(蟶子､沙白､墨魚､青口等)､肉丸､蔬菜､涼拌小食､甜品等;啤酒同無酒精飲品都係任飲｡我提早落訂訂座,所以免費送海鮮盤,海鮮盤有生蠔､蝦､鮑魚､沙白同沙蜆,啲蝦仲係好生猛､鮑魚好彈牙｡ 加咗$48要鴛鴦鍋底,揀咗特濃沙嗲湯底同特濃雞鍋雞湯,雞鍋有好多雞件,全部都好滑,沙爹湯底濃郁｡ 如果你都想睇肌肉男💪🏻,記得要逢星期三至六,非常建議你預訂7:30至8:00呢個時間,因為有互動之餘仲有猛男show睇,如果你都去過,歡迎你將你嘅開心相share到留言🤣,期待睇到你哋嘅相😆｡ 另加10%服務費 價錢如有更改,一概以餐廳現場公佈為準 餐廳:麻甩爐海鮮雞煲私房菜(旺角) 地址:旺角彌敦道565-567號銀座廣場LG樓 #麻甩爐#潮汕牛肉#旺角美食#猛男show#香港夜繽紛
閱讀更多
港生活人氣本地熱話
↓【免費🎁】零食世界2026電子門票🍭 ↓
↓ 同一門票可入埋「香港書展」及「香港運動消閒博覽」↓
↓【請您睇優先場🎞️】↓
《電影多啦A夢：新・大雄之海底鬼岩城》
U GO 本週好去處
