糖水舖雨夜送外賣上大帽山！苦等半個鐘冇人影電話打極唔通揭做緊1件事？

文: 溫藹紅

2025.07.17

近日一間糖水店「超佛心」送貨經歷引發網民熱議，該店昨晚（19日）在社交平台發文求救，指接獲大帽山訂單後，冒著大雨在大帽山郊野公園苦等逾30分鐘，期間狂打客人電話均無人接聽。最終仍聯絡上客人，經了解後客人「失蹤」真相是因為在做一件事？

糖水舖雨夜送外賣上大帽山等足半個鐘電話打極唔通

位於佐敦的糖水雄昨晚10時40分左右，透過社交平台發帖文哀號，稱接獲一宗外賣訂單送上大帽山，惟苦凡：「求吓你！求吓你訂單編號601請快啲聽電話啦，我們已經致電了你多次了」，小弟又急尿又驚你搵唔到我，望住夜景等到好Dry啊！」更表明若至晚上11時之前仍無回音將取消訂單，並會退款予客人。正當網民以為店主「被人耍」之際，客人竟然戲劇性地現身？但真相竟是對方「瞓着咗」忘記叫了外賣。

點擊圖片放大

店主表示：「客人聯絡咗我了，原來他剛才瞓着咗，忘記了嗌外賣。啱啱揸咗落去川龍順利交收完成了。」對於交收地點改變，有網民再為其抱打不平，店主解釋客人原約在大帽山郊野公園交收，可能誤會只限郊野公園及特定涼亭站點。

網民不贊成退款做法：等咁耐都唔出現

事件曝光後網民群情激憤，狠批客人離譜並不同意退款做法：「夜麻麻送上大帽山玩嘢咩！有啲人都冇性嘅」、「唔好退錢啦，等咁耐都唔出現，比著第二啲人送外賣，最多打2、3次電話唔聽就走人。你如果咁都退錢，一定引好多人嚟玩你，所以千祈唔好退錢」、「指定時間唔攞又唔聽電話就一律當棄單處理，錢都無得退」、「呢啲客都退錢只會做壞規矩」。

▼原帖文▼

點擊圖片放大

食客感動：大帽山都送勁好

都有從事外賣步兵留言表示理解，感嘆：「可惜你係老闆，你俾着我哋平台兵做，5 分鐘聯絡唔到會馬上聯絡客服，然後我諗大概過多15分鐘，我哋同客服都冇辦法，就可以自行處理。不過算啦自己生意係咁辛苦」。

今次「大帽山外賣」事件亦引來大批網民力撐店主，並欣賞其送單善意：「連大帽山都送太感動」、「大帽山你哋都送，好癲，勁好」，因此有人好奇「大帽山都送？張單好大？」獲店主回覆指該訂單外賣「麻辣燒賣，同埋薄荷朱古力西米露」。

糖水雄詳情

地址：佐敦渡船角文匯街30號文景樓地舖
營業時間：17:00 - 01:30（星期二至日，星期一休息）
電話：2771 4628

資料及圖片來源：糖水雄

活動資訊

地點
荃灣佐敦

更多真實評價

ewa.tobey.coco

甜品

紅磡

紅磡糖水舖甜得喜

改咗名叫做「甜得喜」地址 : 磡紅湖光街1-7號聯成大廈地" 10F號舖清甜暖胃嘅番薯糖水好好味, 再加埋我鍾意食嘅湯圓, 就係我至愛. 番薯本身嘅天然甜味，加上片糖或者冰糖嘅甘香，煮出嚟嘅糖水甜而不腻。熱辣辣咁食一碗，成个人都暖笠笠，好舒服。佢口感豐富, 番薯煮到軟糯綿密，入口即化. 薑味濃郁，帶出微微辛辣，仲可以驅寒. 仲有喳咋, 佢嘅材料極其豐富, 用咗多種豆類同粗糧一齊煲成，有眉豆、紅豆、三角豆、腰豆、紅腰豆、芋頭、西米、椰漿等等。每一啖都係唔同嘅口感同味道！口感層次多, 有豆嘅粉糯、芋頭嘅綿軟、西米嘅煙韌，加上椰漿嘅香滑，口感超級豐富. 仲有佢嘅精髓在於將各種豆類煲到起沙，豆香完全融入糖水之中，再加上濃濃的椰漿，令到成碗糖水變得香滑濃郁，味道同香氣都提升到另一個層次。食落去係一種好滿足、好充實嘅感覺。#Dessert #我想試下整甜品 #甜品控集合吧 #打卡美食 #ucreator #香港美食

閱讀更多
Chiplo903

甜品

糖水雄

糖水雄外賣1人

🧉薯家推薦外賣糖水餐🚗 #糖水雄 @desert_hero_hk 識佢地都知佢地有鋪係佐敦🧈 最近開始多左每日不定期外賣糖水服務🚙🚙 唔好以為外賣唔熱，佢地d熱野可以擺1個鐘都仲熱辣辣😋 勁過某d外賣平台😆 難得今次來到婆婆個區，緊係唔可以錯過😎 佢地每日外賣單會係晚上6點截止，並且係Facbook網頁落落就可以💛💛 外賣邊區可以留意佢地ig或Facebook 限時動態😎 所以真係每日每刻要update😆😆 今次order左佢地1人套餐，超抵食又多款❤️ 可以食到佢地必食推介鴨腎菜乾豬骨粥外，仲可以食到XO醬炒米，加埋個芝麻糊都$90唔使👏🏻👏🏻 可能有人會覺得價錢偏貴少少，但佢地分量同質量成正比👍👍 所有粥及炒麵都會落足料，啖啖肉同真係有豬骨係裡面，唔會好似街邊幾十蚊貨仔，糖水更加唔使講，喜歡‘’傑‘’身都一定喜歡食，平時出面食嘅都係比較水，但糖水雄嘅糖水永遠都會有驚喜🥰 因為佢地所有野都良心製作，香港好小小店會做到甘有良心❤️ 所以大家記得Follow 佢地ig及Facebook, 有機會試下佢地外賣糖水，感受良心小店製作💛💛 #香港小店#良心小店#糖水雄#鴨腎豬骨菜乾#xo醬炒米#芝麻糊#特選編輯 #ghd雪葩粉紅慈善限量系列#Dessert

閱讀更多
Valerytang_

甜品

糖水雄

佐敦平民糖水舖

同朋友喺尖沙咀食完晚飯想搵間糖水食但價錢偏貴兼質素麻麻🥲 決定行遠啲去佐敦食離遠已經見到排長龍,就知一定冇伏等咗三四個字終於入到喇😍 糖水舖除咗糖水之外,仲有得食魚蛋燒賣,XO醬炒蘿蔔糕😂 我比較鍾意食糖水,佢哋啲糖水配料除咗芋圓之外,仲有紫薯圓同地瓜圓我叫咗個紫薯圓芝麻糊,食落去口感好煙靭份量都唔少😆 仲叫咗芋圓紫米露,一樣好食｡朋友佢哋叫咗啲港式小食, 燒賣同埋XO醬炒蘿蔔糕都好惹味👍🏻 #Dessert#糖水#糖水舖#打卡美食#佐敦#佐敦甜品

閱讀更多