MC張天賦推出全新個人大碟《Sweet & Sour》 親揭潛力大熱新歌《東邪》最有意思

MC張天賦推出全新個人大碟

新碟概念源於MC認為，音樂無分高低，故他從不會抗拒任何類型的音樂，希望透過他的每首作品，分享更多不同的音樂類型與風格，以音樂大同的態度，唱雅俗共賞的歌！一向為食的他更以「咕嚕肉」這道菜餚比喻新碟的主題概念。 MC說：「我最新嘅專輯《Sweet & Sour》其實呢個名同埋佢概念係源自於我同A&R同事嘅一個對話，當時佢問我如果要用一個字或者一個詞語去形容你過去一年嘅生活，你會點樣回答？於是乎我就話「悲喜參半啦！」咁佢靈機一觸就話不如呢隻專輯就叫《Sweet & Sour》啦，所以其實嗰個概念係同情感生活中嘅對比有關，例如甜蜜同苦澀、快樂同悲傷。然後講起”Sweet & Sour”，喜歡食嘢嘅我一定會諗起「咕嚕肉」，佢（咕嚕肉）不但有中式同西式嘅做法，老少咸宜之外，佢亦非常代表香港呢個地方！同時你都可以喺唔同嘅場合都會見到佢（咕嚕肉），無論係一啲高級嘅宴會或者係大家喺屋企嘅住家飯都好容易會見到呢款菜式！咁所以我覺得佢（咕嚕肉）非常之切合呢個專輯嘅概念！」

MC由出道至今產量極高，一直密密出碟，問他是否已有下一隻專輯的構思及計劃？他笑說：「出一隻碟當然開心同埋多謝「賦二代」嘅支持！咁其實（專輯）背後要有好多人一齊去努力先至能夠有呢個成果，況且出咗呢隻碟之後都仲有一個華納家族澳門演唱會，所以都要小休一陣先，先至繼續努力創作， 如果下一隻碟可以以黑膠形式或者以卡式帶形式推出嘅話我諗都應該幾正！而且我都會希望加入多啲唔同嘅元素啦，或者唔同嘅語言，或者係同唔同嘅音樂人合作。 」

+5

+4

點擊圖片放大

推出最新專輯《Sweet & Sour》的同時，其新歌《東邪》亦同步於各大音樂串流平台上架，MC更分享他認為這首歌曲是他新碟之中，其中一首最有意思的歌曲，他說：「《東邪》呢一首歌應該係《Sweet & Sour》呢隻專輯入面，我認為最有意思嘅其中一首歌，其實呢首歌大家憑歌名都應該估到係講緊金庸小說入面嘅黃藥師，佢本身係一個好獨立、好不羈、充滿反叛同埋神秘嘅個性， 呢首歌其實有首好浪漫嘅歌，以中國風嘅形式去講述佢對愛情嘅睇法，至於佢不羈、固執同埋自由嘅個性，我覺得呢一首歌就係《反對無效》嘅古代版！」

+4

+3

點擊圖片放大

MC更宣佈8月19日將於旺角麥花臣場館舉行《A sweet & sour night》 新碟發布音樂會，他亦分享當收到消息時的心情，他說：「今次係開呢張專輯嘅會議上面，公司就同我講話不如我哋今次除咗出碟之外，不如做一個新碟嘅發布會啊？咁我聽完之後我非常之同意，好開心有呢個idea！因為唔單止可以一口氣唱哂新碟入面嘅所有歌，而其實有啲歌都未必會有好多機會可以唱live比大家聽，咁我覺得可以藉住呢個發布會可以令觀眾現場體驗一下 “Sweet & Sour＂嘅感覺同埋（知道）呢隻專輯究竟係咩嘅一回事！咁我覺得呢個亦都係一個同Fans見面同埋接觸嘅一個好好機會！」

參加活動方法

1. 將KKBOX更新至最新版本
2. 打開App到右下方「我的」，到「聆聽成就」
3. 到是次活動徽章任務，再按「我要參加」
4. 跟著活動指示就可以成功參加活動
5. 活動勝出者可收到專屬資格碼購買是次活動門票組合
6. $880 門票組合包括「KKBOX 3個月無損音質音樂服務＋限量紀念小卡＋海報＋入場門票」(名額 500 名，每位得獎者限購兩組）

得獎要求、得獎公布詳情

1. 完整收聽MC張天賦《Sweet & Sour》專輯次數最多的前 500 名 KKBOX 用戶；以及
2. 於完整專輯聆聽30次後將活動分享到IG story，獲得活動徽章。
3. 得獎人將於8月5日或之前透過電郵收到KKTIX專屬購買連結，可於指定日期內購買，最多購買兩組門票組合

《A sweet & sour night》with MC Cheung Tinfu 音樂會詳情

• 演出日期 ︰2025年8月19日（二）
• 演出時間︰晚上8時
• 演出地點︰麥花臣場館

來源︰KKBOX, IG@mcheung1201

MC 張天賦演唱會 | MC 張天賦 "A sweet & sour night" 新碟發布音樂會 2025演出日子及地址詳情

MC 張天賦將於 8 月 19 日在麥花臣場館舉行新碟發布音樂會，屆時他將首次演唱全新專輯《Sweet & Sour》中的所有歌曲，同時也會演唱其他受歡迎的歌曲。《Sweet & Sour》的概念源自香港的「咕嚕肉」，象徵著「雅俗共賞」的音樂追求，如同生活中的酸甜。 參加者可透過 KKBOX 聽歌活動贏取活動入場機會。完成指定聽歌及分享任務，並在 7 月 17 日至 7 月 31 日期間完整收聽《Sweet & Sour》專輯次數最多的前 500 名 KKBOX 用戶，將有資格購買 $880 組合，包含 KKBOX 3 個月無損音質音樂服務、限量紀念小卡、海報和入場門票（名額 500 名，每位得獎者限購兩組）。

MC 張天賦演唱會 | MC 張天賦 "A sweet & sour night" 新碟發布音樂會 2025票價

這次MC 張天賦演唱會的門票價格為： 參加活動，贏取門票購買資格$880。

水上音樂會《TrendyToo SPLASH!》｜演出嘉賓

水上音樂會《TrendyToo SPLASH!》嘉賓包括「世一偶像」MC張天賦與「聲夢女神」姚綽菲（Chantel）重磅登陸，聯同青春女團VIVA、「音樂女神」海兒、「實力唱將」CY 陳宗澤及樂隊Zpecial，與大家一同歡度一個最Trendy的盛夏音樂會！

+4

+3

點擊圖片放大

水上音樂會《TrendyToo SPLASH!》｜演出日期、場地

水上音樂會《TrendyToo SPLASH!》將於2025年8月16日舉行，地點在海洋公園水上樂園。

水上音樂會《TrendyToo SPLASH!》｜門票詳情

今次活動門票不設公開發售，各位中銀香港客戶需完成理財任務，才可贏取指定活動門票，屆時園內指定地點將安排電視直播，持Super Pass門票人士更可進會場近距離欣賞！任務詳情連結︰https://www.bochk.com/dam/more/trendytoo/splash2025_tc.html

水上音樂會《TrendyToo SPLASH!》｜官方海報

點擊圖片放大

水上音樂會《TrendyToo SPLASH!》

日期︰2025年8月16日

入場時間：下午3時至晚上8時

音樂會開始時間：晚上7時30分

場地：海洋公園水上樂園

開始日期任務：2025年7月16日至2025年7月20日

任務詳情連結︰：https://www.bochk.com/dam/more/trendytoo/splash2025_tc.html

<< 提醒大家，購買前留意訂購平台的使用條款及細則，一切以訂購平台及餐廳公佈的價錢為準。數量有限，售完即止；所有優惠細則更新至文章發佈日期，訂購平台及餐廳保留更改優惠權利，U Lifestyle 概不負責。>>