生日壽星免費搭紅帆船遊維港！70周年慶限時半價上船出海體驗！
前身是漁船的中式帆船「鴨靈號」現正進行生日及港人優惠，壽星在生日前後3天內登船，即可免費享受維港遊之旅。另外，為迎接「鴨靈號」70歲生日，特別推出港人優惠，只需$70就可以上船打卡，感受氣氛及了解歷史！
生日之星免費搭鴨靈號遊維港
凡於上船日子前後3天生日的人可以免費享受約一小時的維港遊之旅，同伴者（最多3位）可用原價7折優惠購買船票一同上船。鴨靈號早於1955年已經在維港出現，是名副其實的漁船，後來轉班為觀光船之後，鴨靈號一度於2014年沉了3個月。幸得老師傅修復，再次在維港航行。（按圖睇預約方法）
鴨靈號70週年港人優惠
為慶祝全港最老的中式帆船「鴨靈號」航海70週年，即日起至9月30號將進行慶祝活動。帆船將變身為海上概念博物館，港人可享限時優惠價$70上船（原價$176）。乘客除了可以看維港風景，還可以看舊照了解鴨靈號歷史、近距離觀摩昔日文物及漁民工具，以及戴漁夫帽與標誌性紅帆打卡。
對象：香港身分證持有人（3歲以下免費）
優惠日期：即日起至2025年9月30日(特定日子休息) 任何4:30PM班次
上落船地點：星光大道尖沙咀東部一號梯台 （星光大道李小龍銅像附近星巴克對出，Google Map: Dukling Tour Boarding)
-
打卡熱點
維港遊
擁有七十年歷史既中式帆船一鴨靈號 身為香港人既我要親身去乘坐下船上有好多值得觀賞既地方 而且有船員續一講解所有關於船隻既歷史全程船可以隨便影相仲可以欣賞維港景色 值得帶小朋友黎體驗一下 #維港#尖沙咀好去處#香港好去處#香港#尖沙咀 #旅行打卡#UCreator#打卡#親子活動#維港熱氣球之旅#放假好去處
閱讀更多
-
打卡熱點
🎂香港人生日前後3日，可免費坐有70年歷史嘅中式帆船⛵鴨靈號🦆 預先whatsapp預約，可選1630或1730時段，而同行親友可享7折優惠（1630成人票價HK$220 (7折後HK$154)，小童/長者$150 (7折後HK$105)。1730 成人票價HK$250 (7折後HK$175)，小童/長者$175 (7折後HK$122.5)，逢星期三及聖誕休息。 我就搵咗一個早我兩日生日嘅朋友一齊去，兩個都免費😁 早半個月book，閒日1730時段已滿，於是選擇1630。今日大約20人，當中有6、7個係壽星。包一罐汽水/獅威（之前係是紙包飲品，升級咗）。全程45分鐘，前段兩文三語錄音廣播，講解鴨靈號嘅歷史。後段就播輕音樂。員工都好友善，有問必答，會幫手揸機影相。有蜑家帽👒可以借戴打卡。免費寫許願掛牌🏷️吹住海風傾吓計好chill好舒服。 少少美中不足係賣緊全運會廣告，冇咗經典嘅紅色帆。生日優惠暫時去到年尾，各位天蠍♏人馬♐山羊♑把握機會。 鴨靈號曾經沉過落海底，長滿藤壺畀人遺棄，得到有心人出錢出力復修先重見天日，來之不易，且珍惜❤️ #倒數聖誕
閱讀更多
-
打卡熱點
香港唯一航行的古董中式帆船 — 【鴨靈號】⛵️ 相信大家經過維港海旁都見過呢隻紅色帆船，你哋又坐過未呢？ 我覺得佢好靚好有特色，但一直未坐過 晴晴鍾意坐船船，今次就帶埋佢一齊坐吓先⛵️ 船上有職員講解鴨靈號的歷史。 船身好有特色，好多位置都適合影相留念📸 包括在大大面紅色帆布下打卡，好宏偉呀！ 更可以戴住漁民帽、拎住咸魚及船輪道具影相，晴晴玩得好開心呢😜 在船上360度欣賞維港美景，吹住海風真係好寫意呀！ 鴨靈號建於1955年，今年已經有70周年歷史了！佢係香港嘅標誌，見證住香港70年嚟嘅變遷，係全港歷史最悠久的古董帆船。 佢同維港其他仿古帆船唔同，鴨靈號之前真係有漁民在船上生活，在船上捕魚🐟 鴨靈號曾經在2014年颱風期間下沉過，好彩後來打撈返上嚟。經過修復後，現在保存了9成原本嘅模樣。 在船上可以見證了古董帆船的模樣及歷史痕跡，好有feel，係一個幾有趣及特別的體驗，值得推介俾大家👍🏻 #XmasMoments
閱讀更多
港生活人氣好去處
姜濤忠粉鑑定所
即刻入嚟挑戰🏆 測下您有幾了解姜濤🍬
↓【免費請您試用！】↓
Mustela嬰幼兒夏日防護套裝！
搵好去處