伊藤潤二恐怖體驗展覽2香港站5大亮點！鬼屋體驗/珍貴原畫展示/限定周邊
伊藤潤二恐怖體驗展覽2旺角登場9月開鑼！被譽為「日本當代恐怖漫畫大師」的伊藤潤二，其筆下充滿詭異美學的驚悚恐怖作品，廣受全球讀者喜愛，今個萬聖節《伊藤潤二恐怖體驗展2》將來到香港，由9月19日至11月9日，為粉絲帶來極具壓迫感的日式鬼屋體驗。其中有5大展覽亮點包括動畫複製原畫展示、《漩渦》立體場景重現、限定周邊及主題 Cafe等，絕對不可錯過！
伊藤潤二恐怖體驗展覽2香港站9月登場
今個萬聖節由INCUBASE Studio將人氣展覽《伊藤潤二恐怖體驗展2》帶到香港，於9月19日至11月9日，在旺角創興廣場揭開黑暗帷幕。展覽結合鬼屋體驗及珍貴原畫展示區，讓觀眾全方位走進伊藤潤二筆下的詭譎世界，帶來視覺與心靈雙重衝擊，是粉絲最不容錯過的暗黑體驗！《伊藤潤二恐怖體驗展2》香港站展覽5大亮點如下：
亮點1. 沉浸式鬼屋挑戰膽量極限
以動畫《伊藤潤二狂熱：日本恐怖故事》為主題的體驗館，由大家熟知的經典角色富江、雙一領軍，一次完整呈現10部伊藤潤二經典恐怖作品，觀眾僅憑「救命繩」摸黑進入體驗空間，包括耳熟能詳的《隧道奇譚》、《閣樓的長髮》、《藏書幻影》、《富江：照片》、《無盡的迷路》、《人頭氣球》、《壞小孩》、《無頭雕刻》、《雙一的寵物》、《呻吟的排水管》。
整個展區嚴禁拍照及攝影，讓觀眾更易投入不被劇透、老師精心炮製的駭人場面，沉浸在精心鋪陳的立體化暗黑美學故事情節，彷彿置身深夜惡夢，毛骨悚然。
亮點2. 動畫複製原稿
完成鬼屋體驗後，觀眾可進入「神秘展區」近距離欣賞動畫複製原稿，窺探伊藤潤二的創作世界與其靈感來源。
亮點3.《漩渦》立體場景重現
展區更特設《漩渦》立體場景，以立體裝置再現漫畫中的經典瞬間，讓人彷彿被無盡的漩渦吞噬，感受那份絕望與瘋狂。這場景不僅是視覺盛宴，更讓人深刻體會超自然詛咒所帶來的無處不在的恐懼，為整個展覽增添最陰沉的色彩。
亮點4. 香港站獨家限定周邊＋主題Cafe
展覽設有限定周邊商店，推出多款香港站獨家商品，例如富江與雙一主題T恤、亞加力立牌、限量版精品等，恐怖漫畫迷絕對不能錯過。場館外B1層還有主題Cafe，提供靈感源自伊藤潤二漫畫的「暗黑料理」，將角色元素巧妙融合於餐點之中，為遊客帶來五感全開的驚懼美食體驗，讓人身臨其境感受恐怖氛圍。
亮點5. 購票入場隨機送富江或雙一面具乙個
為搶先體驗這場恐怖盛事，主辦方於已在INCUTix及Experience 11指定平台開售早鳥優惠門票。凡購票入場均隨機獲贈富江或雙一面具乙個（兩款隨機發放），另設經典禮品特典票選項。喜愛伊藤潤二作品的粉絲，可透過這次難得機會，一窺大師的暗黑美學與創作秘辛，必定成為今年秋季最令人期待的藝術與恐怖盛會。
展覽6大入場須知：
- 已購票人士只准攜帶手機、錢包等重要物品入場，禁止攜帶超過A4尺寸（21cm×30cm）的手提袋或背包，如隨身物品超過指定尺寸，可寄存於臨時付費寄存處。
- 寄存時需要出示展覽門票，付費後需於2小時內取回物品，逾時會當作失物處理。
- 每次入場人數為8至10人，請依照指定路線行走，切勿奔跑或推擠，尊重其他參觀者的空間與體驗。
- 建議穿著適合活動的鞋子，因為你可能需要快步走。安全第一！
- 進入A館與B館時，禁止拍照攝影、禁止飲食，嚴禁觸碰或與演員互動。
- 自C館起（包括秘密區［經典］、［漩渦］與周邊商店）方可拍照及攝影，禁止飲食，嚴禁觸摸展品。
《伊藤潤二恐怖體驗展2》香港站展覽 詳情
活動地點：旺角創興廣場 B2 INCUBASE Arena
活動日期：2025年9月19日至11月9日
開放時間：
星期一至五｜17:00 - 23:00
星期六至日｜15:00- 23:00
萬聖節期間（限定）開放時間：
星期一至五｜17:00 - 00:00
星期六至日｜15:00- 00:00
預售優惠門票（2025年8月15日10:00起至2025年9月18日23:59 ）
購買連結：指定平台
- 預售雙人票：HK$299 / 套（兩人需一同入場）
- 預售特典票 A：HK$229 / 套（含單人票＋漩渦主題亞加力立牌）
- 預售特典票 B：HK$369 / 套（含單人票＋展覽限定富江Tee）
- 預售特典票 C：HK$369 / 套（含單人票＋展覽限定雙一Tee）
獨獨驚嚇香港站限定 - 萬聖節展期門票 (2025年10月11日至10月31日)
- 萬聖節單人票：HK$199 / 張（適用於10月11日至10月31日的場次，購票時需要先預定進場時段）
一般展期門票（2025年9月19日起）
- 展期單人票：HK$179 / 張
- 展期特典票 A：HK$259 / 套（適用於9月19日至10月10日及11月1日至9日的場次，展期特典票A包含1張入場票及亞加力立牌）
- 展期特典票 B：HK$399 / 套適用於9月19日至10月10日及11月1日至9日的場次，展期特典票B包含1張入場票及1件展覽限定富江Tee）
- 展期特典票 C：HK$399 / 套（適用於9月19日至10月10日及11月1日至9日的場次，展期特典票C包含1張入場票及1件展覽限定雙一Tee）
- *所有購票入場人仕獲贈送面具一個（2種款式隨機送出）
資料及圖片來源：官方資料
香港臥底電影「光影邊緣」展覽$25入場！10大經典場景
香港展覽2025｜中環大館推出全新展覽，以8部涉及臥底探員題材的香港電影為題，於大館複式展室打造10大經典場景，包括奧斯卡殿堂級《無間道》及港產片經典 《英雄本色II》等等，帶大家走進港產片的臥底世界，現場更有多個打卡位和珍貴文物，以及限量電影精品發售，只須$25即可入場參觀，即睇下文了解更多！
-
打卡熱點
INCUBASE Arena
伊藤潤二展👻！鬼屋體驗超正！😱
多謝 @ulifestyle @ucommunity.hk @incubasearena @uncubasestudio 邀請去睇我偶像 - 伊藤潤二恐怖體驗展😍 我真係超級fans,睇過佢漫畫,今次有鬼屋體驗真係堅正! 最鐘意就係玩呢啲鬼屋類型😂😂,仲會同啲“鬼”傾傾偈,成件事又刺激又好玩😆😆😆😆! 展覽分開兩邊,一邊係沉浸式恐怖鬼屋體驗,另一邊係賣souvenir + 小食站｡注意喇,入到鬼屋範圍係唔可以攝影/錄影,但相信我,細膽一定會畀裡面嘅氛圍嚇到😂!但玩開既就可能無乜野😂 鬼屋入面啲演員超專業,細細地但佈置勁有心思,每個場景都好有伊藤潤二嗰種恐怖feel!不過鬼屋體驗有啲快完,玩得唔夠喉,唔知你敢唔敢再挑戰😂 最好笑係本來有個男仔帶頭,行行下變咗我帶隊😹! 行完鬼屋出返嚟,可以欣賞到伊藤潤二手稿同佢漫畫靈感展區;行到尾就到小食/紀念品站,啲Tee同電腦枱墊､杯都真係有驚喜,好精美!🛍️💖 要大讚現場staff,後生但好有組織,每一part都好清楚流程,感覺整體安排好順暢｡ 鬼屋場景其實分咗4-5個部份,愈後愈有氣氛,backdrop設計超靚! 如果你係伊藤潤二粉絲,或者萬聖節都想試下刺激啲,真係要去一次,機會唔多!🥹 溫馨提示:離場前有個小任務,做完會送貼紙Set,勁cute! 展覽臨近萬聖節期間會收夜啲,平日開到11點,特別場次仲可以玩到凌晨12點;不過只開到9/11,把握last chance!🎃 📍活動地點 伊藤潤二恐怖體驗展2 旺角創興廣場地庫 INCUBASE Arena B2 地址:Hong Kong, Mong Kok, Nathan Rd, Chong Hing Square, B1及B2 🗓活動日期:2025年9月19日至2025年11月9日 ⏰開放時間: – 平日(週一至五):下午5:00 – 晚上11:00 – 週末(週六至日):下午3:00 – 晚上11:00 – 萬聖節特別場次(10月11日至10月31日)延長至凌晨12:00 體驗時間約60分鐘 快啲tag埋朋友一齊去,鬼屋打卡衝一波!🫣👻 #伊藤潤二#伊藤潤二恐怖體驗展2#漩渦#鬼屋#展覽#incubasestudio#incubasearena#ucreatorhk#UCreator#好去處#junjiito#全新景點#halloween#打卡#halloween2025#horror#lifestyle#hongkonger#copperlui
閱讀更多
-
打卡熱點
伊藤潤二恐怖體驗展2
伊藤潤二恐怖體驗展2
我係喺九月頭透過INCUTIX網上訂飛嘅，當時有早鳥優惠，$299 for 2人入場。我都唔肯定如果依家買係咪都有呢個選擇，又或者可能喺指定日子仍然有呢個優惠，我買飛時見到係有唔同嘅選擇，有啲特典飛可能會連同一啲紀念品咁嘅但就唔同價錢，但依家有啲item可能已經售罄......如果你有興趣就上網睇下有邊種飛啱你啦。官方話展覽去到11月9號，不過可能有啲場次都full㗎喇，我今日去玩都好多人入場。 我印象中伊藤潤二主題展覽喺香港影係第三個㗎喇頭一次呢就喺中環PMQ，第二次喺荃灣嘅南豐紗廠，今次就喺旺角創興廣場地庫INCUBASE Arena，我諗幾次係由唔同嘅主辦單位搞嘅，各有特色啦，今次呢個主打一個互動，每次大概放8個人入場，大家拉住條救命繩，如果真係頂唔順嘅就撳着條發光手帶求救，否則唔可以中途離場，館內有啲真人演出，最令人印象深刻，我就覺得係飾演壞小孩裡面嘅栗子小姐啦，佢嘅打扮同講嘢嘅語氣維俏維妙，好想欺負故事裡面另一角色直哉，而我哋入場嗰組發生咗個小插曲令我覺得個演出者本人除咗演技幾好，佢仲幾醒目同埋其實係個好人嚟嘅😂（係咩就唔喺呢度多講因為講多咗就會穿咗佢哋橋），總之館內演出者嘅投入演出令到我覺得值回票價啦！ 玩完可以買啲鬚粉，我就買咗漩渦嘅貼紙同埋雙一嘅紋身貼紙，係有啲無聊不過我覺得幾靚，同埋我本人自小就鍾意買貼紙嘅😂。此外都有啲可以用嘅嘢嘅，豐儉由人，例如tee呀水樽呀杯呀袋呀，如果你係文青嘅佢甚至有書籤呀post card呀簿呀立牌呀等等。 買完嘢出到嚟有個位置賣小食飲品，都係以伊藤潤二啲故事內容做主題嘅，吸唔吸引就見仁見智啦，我哋就冇食，因為場館樓上係食肆林立嘅地方，我哋離開上咗樓上食火鍋所以先冇食啫。😬 總括嚟講我覺得都玩得幾開心，如果你有睇開伊藤潤二啲作品，就更加投入同知道每個主題到底出自咩故仔就更有意思啦。 #伊藤潤二 #旺角 #甜品控集合吧
閱讀更多
-
日本之行
高円寺 Gallery Studio ～写真とアートが際立つ「黒い」ギャラリー
🔥日本恐怖展覽🔥
不經不覺到了社群創作有價企劃第三階段,感謝大家一直以來既眷顧🙇♀️我希望能繼續運用我日文一級能力為大家搜羅日本期間限定既活動資訊,提供旅遊書都冇咁update既最新情報💫 ———————— 無可厚非恐怖片､鬼屋､鬼故係有佢地既市場價值, 我地又要驚, 又會忍唔住想俾佢嚇｡ 有種說不出的酸爽感🤣 可能正如呢個展覽話齋, 用眼去睇､用耳去感受, 透過追求果種深層次既恐懼既同時, 反証番現實既自己係安全既｡ 呢個展覽由13組唔同界別既artist提供各種恐怖作品, 佢地包括漫畫家､怪談師､宗教家､便利店店員等等, 佢地分別透過不思議的繪畫作品､影像作品､音樂､怪談等手法, 建構出這個恐怖展 ｡ 走入去呢個展覽, 讓你親身體驗一下果種毛骨悚然既感覺｡ 例如, 遠處傳來細碎既哭聲笑聲⋯ 音樂中,有某種音色, 硬係好似係你耳邊陰啲陰啲咁發出聲響⋯⋯ 總覺得背後有人企喺度, 但擰轉頭又咩都冇⋯⋯ 等等呢啲似有還無､疑神疑鬼既感覺🤣 我寫呢個展覽, 其實係想讚嘆下日本人既創意｡ 講下鬼故､搵下恐怖作品､恐怖音樂, 咁又做到一個特別既展覽了! 同你去鬼屋/睇恐怖片又係另一個層次 ｡ 你睇下圖3個時間表, 佢全日除左都有恐怖作品展及販賣之外, 佢全日(仲要日日都唔同), 搵左唔同人去keep住講鬼故､玩恐怖音樂 ｡ 如果我去到, 我都會有興趣想睇啲作品究竟邊度恐怖囉😄 如果呢個展覽係中文或者大家係識日文既, 我會建議大家去俾佢嚇一嚇, 享受下恐怖展覽所帶來既樂趣 ｡ 但如果唔識日文既話, 咁你就預左係聽唔明佢啲鬼故架啦! 活動日期:2025年4月18日~20日 OPEN 10時30分 CLOSE 19時00分 (最終日:18時30分 CLOSE) 地點:高円寺 Gallery Studio 〒166-0002 東京都杉並区高円寺北1-17-5 上野ﾋﾞﾙ 1F 由於我通常介紹一啲期間限定既資訊, 想快速一覽你出遊既時候有冇相關活動資訊, 我按月份為我既文章加左hashtag ｡ 歡迎按下文章最尾的相應月份瀏覽仲有咩好野玩😉 去開日本玩既可以睇埋我另外一啲post, 或者去我地圖睇下, 睇下附近會唔會有我介紹過既地方? 全部都幾有趣既分享黎架! ———————— 所有圖片來自官網(https://www.tokerusakana.jp/kowaimono)& X(@kowaimono_)｡ ———————— 想知道更多日本新奇有趣既event記得關注我啦‼️你既關注為我帶來寫文章既動力🤝 THANKS🥰 #ucreatorhk#ucreator#momentswithucreator#日本好去處#日本之旅#日本#日本食玩瞓#日本旅行#日本自由行#日本旅遊#日本攻略#日本旅遊攻略#日本好玩景點#日本展覽#東京#東京自由行#東京攻略#東京景點#日本event#event#打卡#打卡好去處#打卡必去#打卡able #人人生日快樂#恐怖#apr2025#翻譯君睇騎呢展
閱讀更多
港生活人氣好去處
《U GO 》請您去CON-CON HONG KONG 2026！
超強音樂陣容＋動漫IP沉浸式體驗🔥
《U GO》請您睇《末日聖母號》！
史詩科幻電影🌌Project Hail Mary🚀
假日好去處