連鎖台式火鍋人均$71起套餐買1送1 90分鐘任食海鮮+牛頸脊+台式飲品

Falav

香港攻略

份量岩岩好就係最好@馬祖 (Tower 535)

終於覺得晚上有涼意，心思思走去打個邊爐，醒起呢頭有呢間。 共有12款特色湯底選擇，大部份都係台灣藥膳類。一人一鍋，岩自己口味之餘又夠衛生。 90分鐘定量火鍋，一個價錢 ($138 - $198)包括套餐指定肉類，火鍋配料BAR任食 A-H套餐，今晚點選F套餐美國極上牛頸脊，每人份量約150g。肉色靚仔，脂肪分佈均勻，呢4盤係2人份量。 用藥膳台灣麻辣湯(可選辣度)黎先灼牛頸脊，薄片略略一灼即食得。入口肉味香濃，唔係嚡口，果然牛頸脊係火鍋嘅好朋友。 丸類及其他火鍋配料就出去自助區拎，大路種類都應有盡有。 蔬菜及菇類就另一個凍櫃，喜歡嘅羽衣甘藍及松蟲花都有 萵荀片，木耳，芋頭貢丸，芝士包，蟹柳，魚片頭，芫茜燒賣，粟米都拎少少先。 用藥膳椰子清鷄湯黎烚芋頭貢丸，多一份椰子甜味。 掃二維碼，仲有火鍋配料可落單，有鷄肶肉，五香牛肉片，韮菜餃及魚柳。 鷄肶肉相當嫩滑，係咁加單。 除咗一般罐裝及紙包飲品外 仲有台式手調飲品，就好似呢2枱台式檸檬烏龍茶及Latte香雪，後者係凍Latte 再加脆片，可以自選甜度及多少冰，好好飲喎。 仲有甜品時間，多款雪糕雪條。 連M記雪糕杯都任食，椰子味原來都好食架喎。 雖然話係定量放題，肉嘅份量其實岩岩好，仲可以有位食其他食物，仲要價錢最貴都唔過$200位，性價比唔低。   #ULifestyle應用程式 #ULifestyleApp #社群 #ULifestyleApp社群 #ULifestyle社群密密送 #UCreatorHK #MOMENTSwithUCreator #社群創作有價企劃 #創作有價 #hkblogger #hkbeauty #hklifestyleblogger #bloggerhk #hkfoodblogger #hkfoodblog #hkfoodie #KOL #hkkol #打卡 #旅遊 #ublog #倒數聖誕 #社群每週活動推送 #UCommunity社群 #送禮 #GIVEAWAY #麗珠蘭 #位元堂 #阿膠糕 #邱鋒澤 #防疫 #流感 #消毒 #聖誕倒數日曆 #驅蚊 #送禮 #旅遊 #位元堂 #hkbeauty #hkblogger #hkfoodie #打卡 #hkfoodblogger #KOL #hkfoodblog #hklifestyleblogger #hkkol #社群 #ublog #bloggerhk #ULifestyle應用程式 #ULifestyleApp #GIVEAWAY #阿膠糕 #邱鋒澤 #ULifestyle社群密密送 #ULifestyleApp社群 #MOMENTSwithUCreator #UCreatorHK #社群創作有價企劃 #麗珠蘭 #創作有價 #倒數聖誕 #UCommunity社群 #社群每週活動推送 (此文章由U Blog 同步發佈至社群)

Blue

港式美食

鍋霸吃到飽台式養生火鍋 (旺角)

旺角首選養生火鍋

今次去左旺角食養生火鍋😍😍 湯底選擇勁~多 我就揀左藥膳養生花膠雞湯 食野之前一定要飲番碗暖暖身 今次食Lv2 120分鐘限時火鍋套餐 升級海鮮有蟶子,鮑魚,蝦,廣島蠔 極上牛頸脊及西班牙伊比利亞黑毛豬 另外仲送大大杯台式飲品 值得一提係大部分食物落單都係用件數計,真正食幾多叫幾多😍 而且超過100款食物選擇 飲品方面仲有暖櫃提供暖笠笠既飲品,真係好貼心 甜品方面可以任食Movenpick😋 最最最重要嘅係 如果120分鐘唔夠喉嘅話,佢哋係有無限嘅套餐選擇架! 真真正正既吃到飽!😌😌 #情人節甜入心#UCreatorHK#BESTFOODwithUCreator{{hket:campaign display="糕興過肥年"}}{{/hket:campaign}}#打卡美食#打邊爐

Asura Queen

香港攻略

鍋霸吃到飽台式養生火鍋 (佐敦)

388蚊120分鐘任食靚牛+海鮮

最近成日心思思想食台式火鍋，心癮起即刻約friend去咗佐敦呢間放題店止一止渴。呢度最特別係可以揀兩小時或者無限時任食，價錢當然有分別，但兩小時嘅LV2餐 ($388/位) 真係性價比最高，唔單止食物選擇多，仲送特大台式飲品，連Stella生啤同韓國燒酒都任飲。 湯底有成20款揀，我哋揀咗藥膳養生花膠雞鍋，一上枱已經聞到陣陣藥膳味，飲落口清香得嚟唔會太過搶，花膠同雞件份量俾得大方。 肉類首推呢款Prime Grade牛頸脊，雪花分布均勻，厚薄切得啱啱好，淥八至十秒入口，有油香之餘仲保留到牛肉嘅咬口。另一款牛胛肉就牛味更濃，肉質結實有嚼勁。黑毛豬油脂分布靚，淥到變色就食得，嗰種油香同肉味平衡得好好，同平時食開嘅豬肉片完全係兩個層次。至於無激素豬肉片就肥瘦適中，淥完都唔會柴皮。 呢個餐另一個亮點係海鮮陣容。蟶子皇完全冇沙，淥完捲起嚟食，爽彈到似食緊新鮮魷魚。廣島蠔隻隻都肥嘟嘟脹卜卜，淥完都冇縮水。鮑魚、九節蝦同游水海蝦夠新鮮。沙白蜆吐沙吐得乾淨。白鱔片同脆肉鯇都切得厚身，好食。 手工火鍋料驚喜連連，黑松露墨魚滑係必食Item。潮汕手工丸入面，爆醬濃芝牛丸最過癮，一咬開真係流出熱辣辣芝士漿。麻辣牛丸就辣得過癮。仲有幾款自家包嘅水餃，香菇雞軟骨餃口感好特別。最估唔到係有芫茜燒賣，芫荽控見到一定會瘋狂點嚟食。 仲有好多夜市小食夠晒台灣Feel，炸花枝丸真係有台灣夜市水準，外層金黃香脆，入面仲食到花枝粒。炸雞翼醃得入味，炸到乾身唔油膩。 最後甜品有我最愛嘅Movenpick雪糕，另外仲有dreyer's、牛奶公司同幾款香港製造嘅雪糕牌子可以揀，真係大滿足。 鍋霸吃到飽台式養生火鍋：佐敦彌敦道219號莊士倫敦廣場6樓 #火鍋 #任食 #放題 #性價比高 (此文章由U Blog 同步發佈至社群)