文華東方酒店自助餐買一送一！任食即開生蠔/波士頓龍蝦/鮑魚/雪蟹腳

A美食焚化爐

擦餐勁

Clipper Lounge

載譽重來 X 殿堂級陣容 @ 快船廊 ( 中環文華東方酒店 )

大家食自助餐，不單要食物種類夠多，而且要有保夠回本位，最好係遍地開花樣樣齊。 文華東方酒店的快船廊自助餐，近日已成了城中焦點，尤其是包含酒店內幾間星級餐廳的名物。 即開法國生蠔 雖然不是當面開，但吃得出的新鮮肥美，蠔味重之餘，更喜歡邊位的爽口。 城中自助餐往往是有生蠔就無龍蝦，想不到快船廊可以把兩者並存，厲害。 龍蝦是揀手貨，好多都有膏，當然係任食啦！ 除了上述兩款回本海鮮，更有好受歡迎的鮑魚，當然又係free flow。 其他海仲有扇貝、蟹腳、麵包蟹、龍蝦鉗、翡翠螺及海蝦，單係食海鮮已經半飽。 刺身 有油甘魚、甜蝦、吞拿魚、三文魚及鯛魚，夠新鮮，蘸點一下醬汁味道更鮮。 壽司 有蟹柳壽司、玉子壽司、三文魚壽司 及八爪魚壽司，不過我就會留返胃納食其他菜色。 燒味 即是由文華廳出品，有海南雞飯及油雞，當然有雞油飯相配，澆些少黑醬油上去，真是人間美味。 湯麵吧 今次係矜貴版新加坡喇沙， 因為配料有龍蝦鉗代替了“螄蚶”？又有魚蛋、魚丸、青口、牛丸、生菜及芥蘭，都好豐富，而且辣辣地好開胃。 Carving Station 文華扒房一向有名，今次烤牛扒同烤羊架都係任食，簡單的切了片試試，肉味濃又有嚼口；羊架烤得啱啱好，肉質粉嫩，正。 大堂一角，有即製Carbonara，尤其是al dente的質感，更是處理得宜，就算幾飽都要食返碟。 湯品 西湯是濃稠的龍蝦湯；而另一款是蟹肉粟米羹。 熱葷 麵豉蒸鱸魚伴日式燒汁 中日融和的味道好特別，鱸魚啖啖肉好啱自己這類怕碎骨的懶人。 黑椒炒大蝦 蝦殼脆卜卜又大隻，不過都幾辣下。 XO醬帶子燴粉絲 微辣的口感，粉絲炒得毫不油膩，有水準。 鮑魚豉油王炒麵 即是豉油王炒麵加入了鮑魚，畢竟是文華酒店，所有菜色都是昇華版。 臘腸叉燒炒飯 雖然看似簡單，但炒得不油膩及有油香就是功夫所在。 白酒忌廉汁煮蜆 蜆肉肥美又有酒香，尤其是個汁用來蘸麵包一流。 其他有烤美國牛柳、香草燒春雞、印式咖哩三文魚、小籠包及清蒸時菜，都是精心出品。 沙律 想食得清少少，可以選擇泰式牛肉沙律、雞肉藜麥沙律及凍肉拼盤煙三文魚，夠晒健康。 芝士 有山羊芝士、金文畢芝士、高達芝士、古岡左拉藍芝士及莫城布里芝士，喜歡芝士的朋友大可自製芝士platter。 甜品 一架Homemade雪糕車，完美展示出熱情果、朱古力、香草以及奶茶四款口味，最好當然係4款盡要，放係脆脆盞入邊，再灑上topping，然後慢慢嘆。 講到文華酒店甜品，首選一定係文華芝士蛋糕，氣味芳香，入口圓滑，最好真係配杯Earl Grey。 另外橘子Tiramisu鬆軟濕潤的口感，又是令我吃不停。 同行朋友就喜歡藍莓栗子金寶批，甜酸間平衡度拿捏得好好。 最值得推薦的，必定是維多利亞蛋糕，芳香馥郁，軟熟可口，水準極高。 加上堅果蛋糕、杏仁杏脯柚子奶凍、雜錦cupcake、紅莓朱古力紙杯蛋糕、乾果朱古力片 、核桃撻及馬卡龍，全是自家餅房出品，無得輸。 新鮮水果拼盤 色彩繽紛，種類又多。 麵包專區 城中自助餐好少有如此陣容，佔了大堂一角之餘，仲選擇多多。 有法式長麵包、多穀物麵包、意大利蕃茄香草麵包、 牛油卷、酸棗包及黑麥麵包，配以蜜糖及士多啤梨果醬，畢竟是homemade，所以都有好多人欣賞。 雖然好多人都北上消費，但香港餐飲仍有可取的地方，至少自助餐好多都減價，但質素不減反加，網上仲有不少優惠，大家要找不難。   Facebook專頁 : 文華東方酒店   地址 : 中環干諾道中5號香港文華東方酒店閣樓   電話 :  2825 4007   味道 : 4  環境 : 4  服務 : 4  衛生 : 4  抵食 : 4  位置 : 5   如果喜歡這篇文章,請在我的專頁上剔"LIKE",當是給我小小的鼓勵吧!謝謝!   http://www.facebook.com/foodiephilip #酒店 #中環 #自助餐 #香港文華東方酒店 #美食焚化爐 #Buffet # Mandarin Oriental # Hong Kong (此文章由U Blog 同步發佈至社群)

肥豬計劃

擦餐勁

Le Menu

$499任食海鮮自助餐！🦞🦀🍷🍻😋

💓$499 自助晚餐 仲包酒果汁､紅白酒 ､啤酒汽泡酒 任飲任食|最尾食甜品仲有咖啡茶｡ 回本位: 波士頓龍蝦 🦞 ､加拿大雪花蟹腳 ､連小有既麵包蟹都有得任食❗️欣賞佢龍蝦 ､麵包蟹呢類海鮮都會不停補貨,唔會話好耐至出一轉｡ 🦀芝士蘑菇焗蟹蓋 入面超多蟹肉 🦆鴨肝多士 好厚‼️ 🦆片皮鵝 師傅即叫即切,必試💕 🦪酥炸生蠔 好酥脆 🫕龍蝦蟹肉湯 好濃好濃 🍜仲有好多野食,如拉麵 餐廳個場唔算大,但麻雀雖小 五臟俱全,仲有好多平時出面沒有提供既,包括飲品同表演,好有心!最緊要係做緊特價,$499(服務費包埋)就食到,輕鬆回本‼️ 仲有表演精彩睇,酒店大廚現場烹調, 敲殼時超香,睇到隻雞勁滑;火焰好吸晴｡ 《每日有三場表演》 表演時段: 18:45 堂弄原隻鮑魚鴨掌 18:45富貴雞 19:15 火焰雪山 (單數日子)/ 美酒煮櫻桃 (雙數日子) 📍Le Menu (灣仔) 灣仔告士打道72號六國酒店1樓 #酒店自助餐#自助餐#任食#生日餐廳#生日派對#酒店餐廳#香港美食#香港酒店自助餐#自助晚餐#自助餐優惠#六國酒店#六國酒店自助餐#自助餐吃到飽#任飲任食#抵食#香港旅行#香港美食

麵包超人的尋味玩樂之旅

擦餐勁

至愛拿破崙！

早前友人問及那裏有好吃的芒果拿破崙，不期然便想起這裹，原來距上次到訪已有大半年了，那就不用多想、行動為上。 餐廳現正推出「尋味海鮮之旅自助晚餐」，推廣期由即日至5月31日止。 晩餐供應時間，由每日18:00 至21:00； 價錢：星期一至四，每位成人HK$598/長者 HK$508/小童HK$438；星期五、六、日、公眾假期及前夕，每位成人 HK$638/長者 HK$568/小童 HK$498。 凡於酒店 eshop 預訂星期一至四自助晚餐，每位成人或長者可享 8折優惠，同行一位小童可享半價優惠；而預訂星期五至日、公眾假期及前夕則可享 85 折優惠；另外，於星期一至五首 100 名預訂，更可享額外9折優惠；凡每4 位成人或長者惠顧自助晚餐，可享「皇牌香芒の戀下午茶」買一送一優惠券乙張！ 喜吃生蠔的，這裏每日有其中兩款(由法國、美國或愛爾蘭)空運到港的即開生蠔；鮮甜爽脆，而且可盡情吃過飽；凍海鮮則有鮮甜juicy的俄羅斯雪花蟹腳、嫩滑細緻的龍蝦鉗、更有鮮爽的海螺，還有…..還有，加拿大皇后蟹腳、大蜆、青口及海蝦等，食材源源推出，無限任食！只怕你的胃裝不下！ 一向喜歡燉湯，這款滋潤清甜的「花膠螺頭燉雞湯」應該無人不喜吧，雖然知道會漲肚，但也忍不住連喝了兩大碗，超級滿足！ 鮮鮑魚被置於鐵架上慢燒，塗上秘製醬汁，加添惹味，必吃美食之一。 軟殼蟹天婦羅、燒特級牛肉及燒羊髀咁吸引，當然亦是焦點之一。 這裏的刺身壽司有玉子、蟹柳、鯛魚、三文魚、吞拿魚、鯖魚、甜蝦等，每樣取一兩件，也屬正常吧。 吃熱葷前可先吃冷盤或沙律，當中有鮮果碟、煙鯖魚柳、煙三文魚、韓式芝麻涼拌菠菜沙律、涼拌燻蹄、泰式鳳爪、和風秀珍菇沙律、意大利扒菜伴水牛芝士、特色醉雞翼、蒜香鴨腎、意式雜椒沙律、雜錦凍肉盤、芝士碟、菜絲沙律、翡翠苗、蘋果沙律、薯仔沙律、蕃茄沙律、田園雜菜沙律、粟米及羅馬生菜等；我就要了大大碟沙律菜及煙三文魚，加上適量油醋汁，嘅健康又美味；但因腸胃有限，還是快點跳到熱葷上吧。 熱葷屬全場最多選擇的類別，包括：蒸點心、豉汁涼瓜炆鴨、蔥花蟹籽三文魚炒飯、野菌京蔥牛肉、辣酒煮花螺、俄羅斯燴牛肉、香草烤羊扒、香草白汁燴雞、泰式大頭蝦咖喱、焗燒排骨、豬肉炒四季豆、煙肉椰菜、西蘭花炒雜海鮮、古法香橙骨、椒鹽荷蘭比目魚、燒春雞、白酒煮藍青口、香煎煙鴨胸伴砵酒、香煎三文魚配香檳汁、咖喱雞、咖喱雜菜、咖喱牛腩、烤脆薄片、忌廉蘑菇湯、懷舊碗仔翅清蒸石斑、燒鴨、脆皮豬腩；這半隻泰式龍蝦，配上泰式醬汁，口感酸甜、爽口彈牙、也是必食之選；拿了些最想吃的，一輪狂風掃落葉之下已吃至半飽。 食物保持酒店應有的水準，各人喜好不同，各自選擇心頭好便是吃自助餐最大的優點。你又喜歡那些食物呢？ 終於到我最愛的環節 - 甜品，今次的選擇包括葡撻、牛奶包、提子包、綠茶朱古力心太軟、豆腐花、蛋白杏仁茶、雪糕配鬆餅、牛油麵包布甸配雲喱嗱汁、香桃撻、奧利奧芝士蛋糕、雲石芝士餅、雜果香檳啫喱、芒果拿破崙、雜錦蛋糕、果汁啫喱、意大利芝士餅、草莓慕絲蛋糕、白朱古力慕絲、法式焦糖燉蛋、榴槤慕絲餅、Movenpick 盒裝雪糕…. 等等。 如果要我選三樣最好味的甜品，首選必然是這裏最最出名的芒果拿破崙；香甜酥脆且帶新鮮芒果肉，美味感100分；其次便是綠茶朱古力心太軟，外層鬆化，切開時仍保持流心狀態；綠茶味道超級濃郁，好吃！其三是雪糕配鬆餅，採用Movenpick雪糕，水準自然要看高一線，加埋香脆的鬆餅，更令我忍不住連吃了兩大件，實在太罪惡！ 這裏有五款飲品，包括：可樂、蘋果汁、橙汁、紅茶 及 咖啡，飽餐一頓後當然要飲番杯熱辣辣的紅茶以助消膩啦。 8度餐廳 地址: 土瓜灣九龍城道199號8度海逸酒店地下 電話: 21261960 (此文章由U Blog 同步發佈至社群)