萬聖節好去處2025｜全港9大萬聖節親子活動 主題樂園/商場活動/市集

➤立即下載U Lifestyle App
➤詳情懶人包

【招親子KOL】參加親子合作配對計畫，優先參加合作試用/活動！

想同小朋友一齊參加更多節日限定活動及品牌活動優先體驗？即刻登記《社群》「親子合作配對計畫」 ，完成後就有專人為您配對試用活動！有豐富親子品牌活動、產品試用定工作坊體驗、自助餐及酒店優先試住體驗等限定合作，輕鬆共度難忘親子時光！

立即登記創造難忘親子回憶！

萬聖節親子好去處｜1. 海洋公園哈囉喂全園祭

「海洋公園哈囉喂」絕對係每年萬聖節首推嘅活動！唔好以為淨係得恐怖嘅鬼屋，其實「海洋公園哈囉喂」都有好多合家歡嘅萬聖節表演同活動，例如今年都繼續有猛男Oppa Show、盲盒打卡位、玩攤位遊戲羸公仔等等，再同一眾亡靈演員互動！氣氛超high，大人小朋友都一定會好盡興！

地址：香港仔黃竹坑道180號海洋公園
活動日期：2025年9月6日至11月2日

> “Jessica Law” 拍片詳細分享今年海洋公園哈囉喂有咩搞作！<

+10

+9

點擊圖片放大

萬聖節親子好去處｜2. 香港迪士尼樂園「Disney Halloween Time」

萬聖節梗係要去香港迪士尼樂園同經典惡人角色一齊開party！今年適逄香港迪士尼樂園20周年，為大家呈獻全新「惡人反轉大街派對」，黑魔后帶住11個惡人登場，而且每個經典迪士尼角色都換上萬聖節造型準備一齊開party！同小朋友一齊入場同萬聖節主題經典人物合照，再觀賞花車巡遊同煙花。而且依家仲可以買雙重暢玩優惠門票，HK$879入園2次，過一個夢幻又難忘嘅親子Halloween！

> “e2rachelchen” 帶您睇香港迪士尼樂園Halloween有咩玩<

地址：新界大嶼山竹篙灣香港迪士尼樂園度假區
活動日期：2025年9月19日至11月2日

+8

+7

點擊圖片放大

萬聖節親子好去處｜3. 萬聖節開篷巴士團

城巴Citybus 首次聯乘We嘩藍屋Viva Blue House推出香港最有萬聖節特色嘅經典路線H1W，登上觀光開篷巴士，由解說員用廣東話為您導覽香港島灣仔及北角一帶充滿靈異及都市傳說嘅聚集地，認識當地歷史及文化，最適合家長帶小朋友一齊增廣見聞並感受懸疑氣氛！

出發日期：2025年10月25、26、30、31日及11月1日

> 更多萬聖節開篷巴士團資訊及報名詳情 < 

+2

點擊圖片放大

萬聖節親子好去處｜4. Monchhichi萬聖節期間限定店

Monchhichi粉絲一定要打卡時代廣場Monchhichi萬聖節期間限定店啦！現場設有換上萬聖節裝嘅Monchhichi巨型打卡裝置，仲可以影到Monchhichi版本人生四格，發售400多款萬聖節主題及秋日主題Monchhichi精品，如果小朋友鍾意Monchhichi嘅您要留意啦！

地址：銅鑼灣時代廣場 B1層
活動日期：2025年10月7日至10月30日

> “iloveskype8” 分享萬聖節造型Monchhichi打卡位<

+4

+3

點擊圖片放大

萬聖節親子好去處｜5. KUROMI怪異影院

提到最有人氣嘅反派角色，KUROMI一定榜上有名！朗豪坊4樓通天廣場化身成KUROMI專屬影院，設有三米高Kuromi巨型打卡裝置、影院座位同燈箱，粉絲打卡打到手軟！而且場內獨家發售300多件KUROMI商品，仲有Kuromi 20周年特別紀念系列，萬聖節同小朋友一齊打卡最萌反派啦！

地址：旺角亞皆老街8號朗豪坊4樓通天廣場
活動日期：2025年9月30日至11月2日

> “Creamyball & Pancake” 帶您同KUROMI一齊闖入電影世界<

+6

+5

點擊圖片放大

萬聖節親子好去處｜6. 紙飛機親子空間  

萬聖節唔想去室外同人群手擠迫，不妨帶子女一齊進入佈置好萬聖節主題裝飾嘅「紙飛機親子餐廳」，換上空間提供嘅萬聖節裝扮，度過愉快親子專屬時光！佢除咗係親子餐廳之外，佢仲係一個Playhouse！場內設有波波池、迷你超市、兒童換裝區等等，小朋友放電完之後仲可以同時用餐補充能量，玩全日都唔係問題！餐龐現時做緊萬聖節優惠套餐，邊影相邊食飯邊打卡！

地址：九龍灣承豐道33號啟德郵輪碼頭B區北面平台
活動日期：即日起至2025年10月31日
預約方法：https://book.bistrochat.com/origamikids-cafe 

>家長 “Karkarkarliehui” 同您打卡萬聖節主題紙飛機親子空間<

+7

+6

點擊圖片放大

萬聖節親子好去處｜7. 香港樂高探索中心萬聖節

如果小朋友係LEGO®粉絲就一定要趁萬聖節帶佢哋去香港樂高®探索中心打卡期間限定嘅Halloween主題裝置，參加「小魔怪狂歡派對」，玩盡多個萬聖節限定活動！當中有一系列搗蛋任務需要小朋友們協作完成，包括有4D動感體驗「小魔怪追逐戰」、魔法廚房尋寶任務等等。小朋友可以發揮小宇宙，完成指定任務換取小禮物，超有成功感！

地址：尖沙咀K11 MUSEA B131-133
活動日期：即日起至2025年11月3日

> “Pinkpinkyogamama” 分享香港樂高®探索中心萬聖節限定活動攻略<

+6

+5

點擊圖片放大

萬聖節親子好去處｜8. 南豐紗廠萬聖節市集

南豐紗廠一連2個周末會舉辦萬聖節主題市集，鍾意行市集嘅一家大細唔好錯過啊！一到門口就會見到個超大型吹氣南瓜及直徑6米嘅火星裝置Mr.MARS喺門口迎接大家，而市集都安排咗一系列萬聖節限定工作坊同小遊戲俾大人同小朋友玩，例如｢萬聖節鬼口水工作坊｣︴Trick or Treat等等，無論家長、小朋友，定係毛孩都可以一齊享受萬聖節歡樂氣氛！

地址：荃灣白田壩街 45號南豐紗廠地下紗廠坊
活動日期：2025年10月18、19、25、26 日

> “Biancamama” 詳細分享南豐紗廠市集限定活動<

+5

+4

點擊圖片放大

萬聖節親子好去處｜9. JOYPOLIS SPORTS

日本最大室內遊樂園JOYPOLIS上年喺香港新開設首家海外旗艦店，開幕至今都係家長們帶小朋友放電嘅熱門好去處！JOYPOLIS近期就推出萬聖節限定｢時空南瓜飛船：萬聖節歷險記｣活動，參加者須完成任務收集能量印章！而且著住萬聖節服飾即場買飛仲有85折優惠，好玩又可以感受萬聖節氛圍！

地址：九龍城啟德體育園運動健康中心G樓至3/F
活動日期：2025年9月29日至11月2日

> “kumikofindfun” 拍片開箱JOYPOLIS萬聖節限定活動有幾好玩<

+7

+6

點擊圖片放大

🔔 Follow《U Community社群》Instagram 同讚好 Facebook 專頁 ，睇更多U Creator品牌活動招募丶送禮丶緊貼最新美食丶旅遊打卡熱話或創作者流量密碼教學等。

招募親子U Creator l 分享親子生活賺額外收入！
立即登記➡️ https://ulapp.hk/a5qge

圖片來源：IG帳戶@citybushongkong、社群U Creator @Jessica Law 、@itxchas 、@e2rachelchen、@iloveskype8 、@Creamyball & Pancake 、 @Pinkpinkyogamama、 @Karkarkarliehui、 @Biancamama 、 @kumikofindfun

#ULifestyle應用程式 #ULifestyleApp #社群 #UCreatorHK #TRAVELwithUCreator #MOMENTSwithUCreator #萬聖節好去處 #我的打卡地圖 #100個港人推介親子好去處 #萬聖節 #親子好去處 #海洋公園 #香港迪士尼樂園 #JOYPOLIS #Legoland