連鎖日式燒肉牛太全線結業！網民不捨：好食過牛角/為但馬屋、牛陣同公司品牌

Tummytaleshk

香港攻略

EaT燒肉 (坑口) Yakiniku Tabeyo

👽EaT燒肉🛸 外星人登陸地球燒肉基地！

今次發現呢間由外星人開嘅燒肉店超有驚喜👽 最正係佢哋新推出咗火鍋選項 可以一次過滿足燒肉+火鍋兩個願望 同朋友爭抝食咩好嘅問題即時解決晒!🤯 〰️〰️〰️〰️〰️〰️〰️〰️〰️ 🥩 163 宮崎A5和牛(肩胛肉眼心､上等牛肩胛､肩胛腋板) 呢個set絕對係今晚嘅主角😍 200g嘅A5和牛三拼 肩胛肉眼心油花分佈勁靚 入口即溶嘅感覺真係會忍唔住嘩一聲 上等牛肩胛肉味濃郁啲 燒到外層微微焦香入面仲係粉紅色 肩胛腋板就比較有咬口 一次過試勻三種唔同部位嘅口感同油脂比例 跟餐嘅紫菜溫泉蛋飯係神來之筆 白飯用咗日本越光米🍚 將溫泉蛋篤穿撈勻紫菜 再夾住和牛一齊食 個組合邪惡到一個點🤤 跟餐仲有泡菜同和風湯可以轉換吓口味 🍲 A5宮崎和牛肩胛翼板､安格斯Prime Grade肩胛牛柳､澳洲和牛肩胛 (200g) 火鍋套餐 湯底揀咗壽喜燒配日本生雞蛋🥚 和牛肩胛翼板油脂豐富 輕輕灼一灼就食得 點埋蛋液更加滑溜 安格斯Prime Grade肩胛牛柳肉質軟腍 牛味明顯比和牛突出 澳洲和牛肩胛就介乎兩者之間 三種肉輪住灼輪住食 配合返個甜鹹適中嘅壽喜燒湯底 不知不覺就食完一碗紫菜溫泉蛋飯 🍉 超新星推進劑(西瓜柳橙梳打) 個名夠晒外星風格🛸 西瓜同橙嘅組合估唔到又幾夾 梳打底夠氣 飲落清新爽快 入面仲有好多果肉添! 🍑 不二家白桃果汁 經典嘅不二家果汁 白桃味清甜解膩 食燒肉必備嘅飲品之一 〰️〰️〰️〰️〰️〰️〰️〰️〰️ 兩個人食咗$596包埋加一 以呢個質素嘅A5和牛嚟講 性價比真係唔錯 仲要可以同時享受燒肉同火鍋 滿足晒兩個願望✨ 🛸 EaT燒肉 📍 將軍澳坑口重華路8號東港城1樓101號舖 🕚 11:30am-11:00pm #EaT燒肉#和牛放題#坑口美食#將軍澳美食#日式燒肉火鍋#香港美食攻略#香港美食#社群共創攻略

chiikawakaka

日本之行

福岡必食燒肉6選🇯🇵A5黑毛和牛放題😍低至$2xx‼️附預約連結

去日本一定要食燒肉,之前介紹過東京大阪,食次當然唔少得介紹埋香港人大熱旅遊地福岡啦🇯🇵 🌟 NIKULAB 肉らぼ 國產黑毛A5和牛放題 位於博多站附近地理位置方便! 低至¥3480($180)有燒肉放題｡而必食嘅國產黑毛A5和牛放題 ¥5080($258)有141款食物任叫,超抵食! NIKULAB 肉らぼ 📍福岡市博多区博多駅東2-1-24 ｷﾞｬﾗﾘｰ博多ﾋﾞﾙ5F 🌟 焼肉すとﾞう春吉 高級燒肉之選,以炭火燒肉為主~係Tabelog燒肉百名店!有職員幫你燒,當中套餐提供九州黑毛和牛😍而呢款牛肉三明治更係必點,塗上特製的番茄醬,襯托出肉的甜味｡牛肉肉質柔軟,超級好食!套餐價錢: 上燒肉 ¥13,200 特上燒肉 ¥16,500 焼肉すとﾞう春吉 📍福岡市中央區春吉3-11-19 1樓 *記得提早預約:https://www.tablecheck.com/shops/yakinikusudo-haruyoshi/reserve?fbclid=IwAR2ihcnxkGe4ay7-7HmpHfTQBosnjlWWVFAUNZ4PrG7JLO4DXMf4CwqYYQE 🌟大東園 老字號燒肉店,按時令提供不同品質肉類,例如有佐賀牛,宮崎牛,鹿兒島牛等｡低至¥3800($192)有燒肉定食(到圖9睇menu) 大東園 本店(ﾀﾞｲﾄｳｴﾝ) 📍福岡市博多區上川端町1-1-1 🌟利花苑 除咗食到黑毛和牛,燒肉種類有提供稀有部位,如肩里肌,食落有豐富油脂感!亦入選Tabelog燒肉百名店｡套餐低至¥6500($329)起~ 利花苑 大名本店 📍福岡市中央区大名2-3-12 🌟焼肉食放題ﾆｸｾﾞﾝNIKUZEN 推岀黑毛和牛燒肉放題及無限暢飲~用餐時間2小時!低至¥4800($243)食到🤩 焼肉食放題ﾆｸｾﾞﾝNIKUZEN大名店 📍福岡市中央区大名2-12-17 2F 🌟 焼肉の牛太本陣博多ﾊﾞｽﾀｰ 嚴選大分和牛燒肉放題90分鐘任食,共5款套餐,價錢¥2838($145)-¥5500($280)左右｡地理位置佳近JR博多站! 焼肉の牛太本陣博多ﾊﾞｽﾀｰﾐﾅﾙ店 📍福岡市博多区博多駅中央街2-1 博多ﾊﾞｽﾀｰﾐﾅﾙ8F 想食睇更日本食買玩記得follow我啦‼️ 圖片來源:NIKULAB 肉らぼ,焼肉すとﾞう春吉,大東園,利花苑,焼肉食放題ﾆｸｾﾞﾝNIKUZEN,焼肉の牛太本陣官網,HOTPEPPER,TABELOG #日本好去處#UCreator#旅行打卡#旅遊行程#燒肉#燒肉放題#打卡美食#日本必食#日本美食#福岡美食#福岡自由行#攻略

sakuracw

擦餐勁

和牛燒肉一郎 (荃灣廣場)

超喜歡食日本和牛嘅我，一定唔可以錯過有和牛放題嘅餐廳「和牛燒肉一郎」，位於荃灣廣場6/F，非常容易搵。餐廳環境非常舒服闊落。 雖然係燒肉店，但店內都冇乜油煙味。 最得意係每次有新餸到，就會播放音樂。 列車會將火鍋料送到我哋枱面側面。 按掣打開門先拎餸，非常衛生。拎完就關上自動門。 另外餐廳，亦好貼心，送上圍裙俾我哋，驚彈到我哋啲衫污糟邋遢。 平時自己去買一盤黑毛和牛回家都要近$300盆。現在$598一位無限食日本黑毛和牛，真係抵到爛。 A: 特選牛及嚴選牛 72款+舟、盛合 $298 B: 特選牛及嚴選牛 102款+舟、盛合 $448 C: 日本黑毛和牛（四款）110款+舟、盛合+桶、盛合+是日寶箱+極上花盛合 $598 D: 日本黑毛和牛（九款）118款+舟、盛合+桶、盛合+是日寶箱+極上花盛合 +4天梯+極上夏多布里昂部位 $888 我哋揀咗中間價 C set ，享受到黑毛和牛之餘，又唔會太貴，仲可以打卡一流。 C set 仲包以下 舟盛合（特選牛、豚、雞、海鮮、野菜） 桶盛合 （牛肋肉、牛里脊肉、豚肉、雞） 極上花盛合（和牛肋肉、和牛里脊肉、里脊肉、牛外橫隔膜、豚肋肉、牛舌、蔬菜） 任食四款日本黑毛和牛如下 -大判壽喜燒牛里脊肉 -和牛牛肉角切（一口牛） -和牛里脊肉 -和牛薄炙脊肉 店員攞出嚟嘅寶盒飄出白煙好夢幻。入面載住和牛西冷，仲有金箔喺上面。和牛入口即溶，油脂比例均勻，好重牛味超juice。 極上厚切牛舌/薄炙蔥花牛舌 好少見成條牛舌上，切到好薄燒完之後食到一陣牛舌味，同平時食開一粒粒厚切牛舌嘅口感唔同，食落去唔會好濟。 和牛牛肉角切（一口牛） 估唔到燒完一口牛，唔會覺得好韌。脂肪比較多，所以食落好爽脆，有入口即溶嘅感覺。 大判壽喜燒牛里脊肉 薄切牛里脊肉，脂肪比較少，牛味比較重。適合想追求健康嘅嘅人士點選。 食得太濟，仲可以叫泡菜、白蘿蔔、青瓜去去油膩。 餐牌仲有好多生牛肉他他選擇，炙燒拌生牛肉及生牛肉刺身。但因為之前叫得太多牛肉已經制度，再叫唔到其他食物。所以試唔到。 除咗燒肉愛，仲有好多料理/熟食可以叫。 例如明太子薯仔沙律黑松露薯條、烤和牛卷等、炸吉列蠔、石鍋飯、拉麵等。 如想烤海鮮，也有好多大蝦、帶子、多春魚、魷魚等。所有海鮮都非常新鮮，燒完後嘅海鮮特別鮮味。 最後當然唔少得食甜品呀，雪櫃裏邊好多選擇。有朱古力脆皮雪糕雪條、牛奶冰條、草莓冰條、菠蘿冰條、藍莓乳酪冰條、宇治金時冰條、牛奶紅豆冰條等等。 見到好多都係日本入口，非常好食，而且唔會過甜。 #社群生日快樂 #燒肉放題 #荃灣美食