親子好去處｜全港9大親子必去工作坊 地毯槍/陶藝/盆景DIY/農莊體驗

U Lifestyle

親子

親子好去處｜全港9大親子必去工作坊 地毯槍/陶藝/盆景DIY/農莊體驗

趁小朋友放假，除咗同佢哋去旅行、去Playhouse玩之外，本地仲有好多互動感十足而且有教育意義嘅工作坊，可以俾大人同小朋友一齊坐定定，落手落腳發揮小宇宙！今日小編就整合咗香港9大最適合親子體驗嘅工作坊，save低帶小朋友一齊DIY小禮物！🎁✂️ ----------------- 【港爸港媽留意】填親子合作配對計畫，優先參加合作試用！ 想同小朋友一齊參加各大品牌活動？立即登記《社群》「親子合作配對計畫」 ，完成後就有專人為您配對試用活動！有豐富親子品牌活動、產品試用定工作坊體驗、自助餐及酒店優先試住體驗等限定合作。立即登記，創造難忘親子回憶啦！ 立即登記➡️ https://ulapp.hk/p8pck ----------------- 親子工作坊推介｜1️⃣ Jungle Arts感官藝術體驗 如果您有個鍾意藝術創作而且活潑好動嘅小朋友，Jungle Arts呢個「感官藝術體驗」就好適合您哋！色彩繽紛嘅空間類似室內遊樂場，但更多令小朋友激發創造力嘅活動，例如有水彩、感官遊戲、塗鴉、藝術工作坊等等，子女可以盡情玩，跳出框框發揮創意！場內仲可以包場搞party，可以幫小朋友搞一場難忘又充滿笑聲嘅生日會！ 地址：尖沙咀廣東道68-80號CANTOYAMA > “蓁蓁日常Diary” 同子女展開感官藝術體驗< ----------------- 親子工作坊推介｜2️⃣ 合味道紀念館 合味道杯麵就食得多，不如同小朋友一齊去「合味道紀念館」，認識由細食到大嘅杯麵製作過程，同時體驗親手由搓揉麵粉、壓麵團、壓薄麵布到切麵，製作一盒專屬自己嘅合味道杯麵！除咗合味道之外，場內仲有出前一丁工作坊及穀物麥片工作坊，親手DIY重現兒時回憶！ 地址：尖沙咀廣東道33號中港城2座樓26-35號 > “Little K” 分享兩姊妹製作合味道杯麵過程及心得< ----------------- 親子工作坊推介｜3️⃣日落實驗室「盆景DIY」體驗 如果小朋友鍾意比較文靜嘅活動，可以同佢哋一同製作精緻盆景手工！「日落實驗室」就提供一系列植物工作坊，有多肉植物盆景工作坊、生態瓶等等，盡情發揮想像力。工作坊全程有導師悉心指導，由製作過程到如何打理植物。大人可以享受寧靜，小朋友專注創作，製作同時都獲益良多！ 地址：荔枝角永康街55號金百盛中心19樓1906室 > “Desiree Yi” 分享盆景DIY體驗心得< ----------------- 親子工作坊推介｜4️⃣ Art.hunt_ceramics慢遊陶記「陶藝工作坊」 陶藝都係其中一個熱門親子活動。位於沙田嘅慢遊陶記唔單止提供一系列陶藝碗、碟、裝飾品製作班，而且佢仲係一個寵物友善空間，貓狗主子都可以入場共度假日時光！在場有導師指導，就算小朋友係第一次製作陶瓷都唔怕。通過製作陶瓷，可以訓練小朋友專注力同協調能力，絕對係工作坊其中一個必玩項目！ 地址：香港火炭坳背灣街61-63號盈力工業大廈 官方網站：IG@art.hunt_ceramics > “紫藍色西瓜” 分享陶藝工作坊體驗< ----------------- 親子工作坊推介｜5️⃣ POPduction「PopArt人像噴漆畫工作坊」 鍾意畫畫嘅小朋友一定要帶佢哋過嚟，體驗自由奔放嘅藝術創作！POPduction主打人像、寵物及星空噴畫，全程有專業導師指導，就算零基礎都可以輕鬆上手！通過噴漆將看似浮誇嘅色彩碰撞埋一齊，組合出意想不到嘅成果，過程充滿驚喜，仲可以帶返屋企或者作為禮物送俾重要嘅人，意義非凡！ 地址：中環中和里6號號 地下 官方網站：IG@popduction ----------------- 親子工作坊推介｜6️⃣ Penguin Studio「Tufting地毯槍工作坊」 近年Tufting成為唔少情侶、親子週末其中一個休閒活動，通過織槍親手打造出專屬自己獨一無二嘅手工地毯，收獲滿滿參與感同成就感！尖沙咀「Penguin Studio」設有一系列烹飪班、 DIY工作坊等活動，其中Tufting地毯槍工作坊都係其中一個人氣活動。事先決定好做咩圖案，再由導師指導用織槍打出織線，需時約3小時。場地仲會提供小食同飲品任飲，口渴都可以即時補充能量，係親子活動嘅最佳場所！ 地址：尖沙咀寶勒巷27號東滙商業大廈 ----------------- 親子工作坊推介｜7️⃣ Build-A-Bear毛公仔DIY工作坊 親手製作屬於自己嘅毛公仔機會嚟啦！Build-A-Bear喺世界各地有700多家分店，香港分別喺山頂廣場同尖沙咀都有分店，主打客人親手製作專屬毛公仔，由揀公仔、填充棉花、選擇配件，全部都係落手落腳自己整！仲可以為公仔製作出世紙，盎情發揮想像力，鍾意毛公仔嘅小朋友一定好開心！ 地址：分店地址查閱官網 官網：https://www.buildabear.com/ > “German Mama” 同您分享Build A Bear毛公仔製作過程< ----------------- 親子工作坊推介｜8️⃣ 微影夢工場「組裝車仔工作坊」 如果您嘅小朋友鍾意玩具車，依家有個workshop可以帶您親手組裝車仔！微影夢工場一直為安排唔同玩具製作工作坊，俾大人同小朋友都可以用創意親手製作童年玩具。由設計到選擇零件、螺絲批，再到組裝同裝飾，打造專屬車牌，全部都喺呢個workshop 1小時搞掂！ 地址：啟德啟德體育園啟德零售館2, 3樓 311號舖 日期： 2025年6月起，星期一至日 官方網站：IG@tiny.steamfactory ----------------- 親子工作坊推介｜9️⃣ 山林里農莊摘龍眼 除咗參加市區workshop之外，不妨同子女去一場戶外親子一日遊，一家大細去農莊體驗野外生活！山林里農莊除咗係一個營地之外，佢仲有一系列如陶藝班、雕刻小木櫈、叫化雞炭燒等工作坊，等小朋友親自製作，體驗自給自足嘅樂趣。即使唔留低營地過夜，玩一日都好足夠！ 地址：元朗朗廈新潭路 官方網站：forestpathway.com  > “anahkbabys” 帶小朋友去山林里農莊放電< 🔔 Follow《U Community社群》Instagram 同讚好 Facebook 專頁 ，睇更多U Creator品牌活動招募丶送禮丶緊貼最新美食丶旅遊打卡熱話或創作者流量密碼教學等。 ----------------- 圖片來源：IG帳戶@popduction、社群U Creator {{hket:tag-user display="蓁蓁日常Diary"}}939585{{/hket:tag-user}} 、 {{hket:tag-user display="Little K"}}442610{{/hket:tag-user}} 、 {{hket:tag-user display="Desiree Yi"}}254347{{/hket:tag-user}} 、 {{hket:tag-user display="紫藍色西瓜"}}759954{{/hket:tag-user}} 、 {{hket:tag-user display="Superlover920 "}}789643{{/hket:tag-user}} 、 {{hket:tag-user display="German Mama"}}40690{{/hket:tag-user}} 、 {{hket:tag-user display="anahkbabys"}}842313{{/hket:tag-user}} 、 {{hket:tag-user display="babychan_adrian"}}830976{{/hket:tag-user}}  #ULifestyle應用程式 #ULifestyleApp #社群 #UCreatorHK  #MOMENTSwithUCreator ##100個港人推介親子好去處 #我的打卡地圖 #本地工作坊 #親子工作坊 #親子workshop #親子好去處 #親子 #農莊 #DIY #親子DIY #Tufting

Desiree Yi

家居

香港

做盆景

【🌵親子工作坊🪴】 享受寧靜沒有煩惱的兩小時,集中於創作,專注而忘我😌 我最鍾意睇住兩兄弟,專心地､天馬行空地創作自己嘅作品😍 我哋去咗🌞#日落實驗室@sunsetlab_,做咗幾款同植物有關嘅擺設｡ 澄兄嘅 #多肉植物盆景🌵, 湜弟嘅 #生態瓶🌱, 我嘅 #永生苔畫🖼️｡ 工作坊有導師姐姐細心指導,由製作盆景,到如何打理,小朋友交俾姐姐處理🤣｡ 我就全心全意地用馴鹿苔🌱砌出我嘅畫作~浪花大海🌊與入秋森林🌳｡大海由爸爸動出生動🩵🤍🫶🏻,小貝殼🐚係兩兄弟擺嘅｡ 好開心,屋企將會掛上第一幅由全家合作嘅畫🥰｡永生苔畫唔需要淋水,好易打理😌 小朋友嘅用色大膽,但效果好靚~ 我嘅作品就比較有秩序,好襯我嘅性格🤣｡ 🟢 日落實驗室 @sunsetlab_ #澄兄湜弟去邊玩 #盆景工作坊 #盆景DIY#多肉植物 #文化#創意#藝術#工作坊#親子活動 #親子活動好去處#文青#小文青

Seacole Law

親子

沙畫親子工作坊有趣又減壓😍 老師由易到難教技巧，由抓沙畫井字過三關，灑沙整底層，推沙整太陽☀️/雲☁️，點沙整雨水💧，指按畫雷電⚡️/竹，刮沙整太陽🌅光邊，倒沙整山🌄的層次，指潑整眼眉/微笑😊，仲可以自由創作，囡囡畫左彩虹🌈 用手指代替畫筆，用沙代替顏料，真係又環保又獨特❤️ #遊學玩樂