尖沙咀凱悅酒店點心放題買2送2 人均$264！2小時任食點心 叉燒、蝦餃皇、肥牛伊麵

Krystal

珠海攻略

珠海點心放題推介😋每位¥168任食3個鐘‼️ 6歲以下小童免費～必點黑松露鮮蝦燒賣 / 石鍋臘肉炒飯 / 酸菜魚

唔少港人都喜歡在周末北上尋找美食，最近發現一間珠海酒店餐廳有點心放題！可以任食逾70款點心，唔使入住酒店都可以食到～一齊睇下呢間珠海酒店嘅餐廳同點心放題套餐詳情🔎 餐廳主要食粵菜，可以食到金銀蒜蒸糯米蟹、XO醬清東星斑球、炭燒蜜汁黑豬叉燒皇等精緻又好食的菜式。餐廳環境闊落，冷氣充足，並設有包廂。 🌟其中最推介大家嚟食招牌午市點心放題！全部是每日現做手工點心～ ✅19款精美點心 三色蝦餃皇、黑松露鮮蝦燒賣、金醬蒸鳳爪、金鉤鹹水角等點心。 ✅5款現拉腸粉 包括羅漢齋上素腸粉、鮮蝦脆皮紅米腸、蜜汁叉燒腸粉等腸粉。 ✅12款粥粉麵飯 可以食到燒鴨艇仔粥、乾炒牛河、廣府炸醬麵和石鍋臘肉炒飯等美食。 ✅11款精美涼菜 包括檸檬泡椒鳳爪、木瓜鮮奶凍、老湯鹹水鴨等涼菜。 ✅18款美味菜式 包括石鍋麻婆豆腐、特色酸菜魚、巴蜀水煮魚、金蒜粉絲蜆蒸絲瓜等～ ✅7款甜品 有薑汁撞奶、楊枝甘露、蓮子百合紅豆沙等甜品～ 套餐包括72款美食。 🌟套餐詳情 任點任食午市點心放題： ¥168/位，11:30 - 14:30（3小時內任點任食） 6歲以下小童免費，每位成人只能攜帶1名小童。 可以於大眾點評或微信小程序內購買。 享悅·粵菜·手工點心 (橫琴凱悅酒店) 📍地址：香洲區七色彩虹路1295號2層 👇🏻👇🏻立即關注我!第一時間通知你更多玩樂攻略🌟    圖片來源:橫琴凱悅酒店小紅書、微信小程序、大眾點評 #攻略 #珠海 #珠海一日遊 #珠海旅遊 #珠海打卡 #珠海攻略 #珠海玩樂攻略 #親子北上攻略 #親子北上一日遊  #北上避暑攻略#珠海放題 #珠海酒店 #珠海餐廳 #珠海點心 #點心放題 #珠海酒店放題

A美食焚化爐

擦餐勁

橫琴凱悅酒店

￥208 酒店點心放題 @ 享悅 ( 橫琴凱悅酒店 )

就係「蛇」年結束前，同大家分享返月前同太太三日兩夜遊中山橫琴之旅。   首先第一日去了中山，同成班太太閨蜜團唱K食宵夜，第二日就踢走大隊，轉移到橫琴凱悅二人世界。   雖然見好多網紅都拍親子片，但個人覺得橫琴凱悅幾清幽，而且自助餐又平又多野食，今次係第二次去，終於同太太去了中菜廳。   除了第一晚的中菜外，臨走前順便飲埋茶先走。   畢竟係老人家，曾經有食友講過，鍾意飲茶既，有幾何係後生仔？九成都50歲以上！ 不過現場所見都有好多年輕人，可能因為網上購票，都係人仔￥208，已經包晒所有費用，超過60款點心，有齊煎炸蒸煮炆焗炒及甜品，都幾抵吖。 百香果漬熗拌白菜絲 很清新爽朗，酸酸地令人胃口大開。  享悦蝦餃皇 押上了店名的蝦餃，果然是有點意思，蝦肉爽彈而沒有元素周期表成份，餃皮搓得通透有彈性，果然有水準，反正是放題，可以叫多幾隻。  黑松露鮮蝦燒賣 豬肉食得出夠新鮮，軟熟中帶蝦肉的彈口，放上黑松露令味道多了一份幽香。   和味醬香金錢肚 係深圳食金錢肚一碟經常要￥30，都幾貴下，雖然未必食得太多，但始終感覺值租好多，而且炆得都幾稔身同入味。   金鈎咸水角 油份瀝得清，外層煙煙韌韌，餡料填得飽滿，不錯。  鮮蝦脆皮紅米 一口咬落，有點脆脆的口感，豉油調得濃淡合宜，加分位。   乾炒牛河 師傅會按人頭份去炒，牛肉軟熟，河粉上色得不錯，但鑊氣就差了點。   麻油海蜇絲 好難失水準的前菜，麻油香、海蜇爽。   醬香滷鴨 滷得好入味，鴨肉有點結實，正好用來佐酒。  雞絲酸辣湯 酸辣度一點都不留手，我反而鍾意，玻璃芡埋得薄，我鍾意。   欖菜肉松四季豆 雖然太太沒說，但每次必點的菜色，四季豆炒得好入味，越食越想食。   山竹陳皮牛肉球 陳皮份量恰到好處，牛肉亦軟綿彈牙，處理得相當好。  瑤柱蔬菜粥 粥底是綿滑的廣東開花米粥，個人覺得瑤柱可以重手一些，新鮮蔬菜粥吃得很輕鬆。   雖然今次係兩個人用餐，但都可以清碟，除了份量有調節外，味道都好重要。 酒店專頁 : 橫琴凱悅酒店 酒店地址 : 廣東省珠海橫琴新區七色彩虹路1295號橫琴凱悅酒店2層 電話 : +86 756 299 1234 想知道更多深圳資訊 : 深圳美食玩樂團(更新版) 大灣區吃喝玩樂齊分享 小紅書 : 美食焚化爐 IG : foodiephilip  希望各位喜歡這篇文章的朋友，請在我的專頁上剔"LIKE"，當作小小的鼓勵吧!謝謝!   http://www.facebook.com/foodiephilip #放題 #中菜 #點心 #美食焚化爐 #大灣區吃喝玩樂齊分享 #珠海橫琴凱悅酒店 (此文章由U Blog 同步發佈至社群)

Jannis

擦餐勁

凱悅軒

逢星期三。抵食放題盛宴 。尖沙咀凱悅軒

自助餐吃得多, 今次的中菜自助餐幾有啅頭, 絕對是 ‘挑戰你個胃’!!! 尖沙咀凱悅軒推出逢星期三限定的放題盛宴, 一個價錢食盡龍蝦、和牛、斑腩、鮑魚, 兼包含紅白餐酒及汽水. 放題盛宴當中的前菜拼盤、湯及甜品是固定的.  先分享前菜之一: 蜜汁叉燒.  厚切、軟稔、外層焦香、甜度適中, 每人大概兩至三件都好夠. 另一款是涼拌川味羊肚耳菌, 麻辣味幾過癮, 而其爽脆度好有驚喜, 伴著青瓜片吃, 間隔的清新, 再吃一片羊肚耳菌, 正! 湯品有菜膽燉雞, 喝完一整碗, 本來冰冷的雙手立即暖過來. 湯頭清澈, 味道郁. 來到無限享用的四款美食~ 陳年花雕蒸波士頓龍蝦伴粉皮、椒鹽鮑魚、秘製剁椒蒸斑腩、山椒汁野菌澳洲和牛!! 蒸龍蝦的醬汁真是無敵, 酒味剛剛好, 不膩不滯, 好誘人! 龍蝦身彈牙、鉗肉夠滑, 每次encore都會是半隻龍蝦加鉗, 好滿足~ 碟內以粉皮去吸醬汁, 滋味十足~ 趁熱吃, 夠軟熟, 即使放涼了, 也不會硬繃繃. 大廚已細心地把鉗輕微敲碎, 可以輕鬆享用嫩滑龍蝦鉗~ 另一亮點 - 山椒汁野菌澳洲和牛.  每件大小均勻, 厚薄適中, 一口咬下, 肉汁滿滿也很嫩.  就連伴碟的野菌在山椒汁的襯托下, 都十分惹味!  此時, 再配一杯紅酒, 簡直是至高享受. 吃著和牛之際, 秘製剁椒蒸斑腩已上枱~ 喜歡吃剁椒的朋友表示十分喜歡這道菜. 辣勁夠、魚肉滑. 椒鹽鮑魚, 佐酒之物, 就來一杯白酒~  外脆內軟, 椒鹽味不死咸. 吃完以上的任食, 其實胃已沒太多空間再吃, 但蔬菜雞蛋炒絲苗又炒得頗好, 飯粒炒得夠乾身, 粒粒分明. 甜點是二選一.  我的是薑茶黑芝湯圓, 薑茶辣度恰好, 軟糯的湯圓裹著香濃芝麻餡, 太美妙~  朋友的是黑芝麻雪糕伴豆奶泡沫, 賣相都這般漂亮~ 味道也是有驚喜, 豆奶泡沬有實感, 但吃起來有空氣感兼絲滑. 放題盛宴逢星期三晚供應, 兩位起, 成人每位HK$688+10%, 小童每位HK$348+10%. 記得一定要訂位 ~ 凱悅軒 地址: 尖沙咀河內道18號尖沙咀凯悅酒店3樓 歡迎與我聯絡: jannis_tang174@hotmail.com Facebook Fanpage: Jannis Tang Through the looking glass  IG: JannisTang #放題任食 #hyatt tsim sha tsui #all you can feast #和牛龍蝦 #wagyu lobster #every Wed night (此文章由U Blog 同步發佈至社群)