東蒲萌愛Camp-On嘉年華活動詳情/日期/時間/地點一覽

Chiplo903

狗

新蒲崗

新蒲崗新蒲點-東蒲

新蒲崗新蒲點😍😍 📍 @tungpo.twghs 之前介紹過佢地地下有間寵物有善餐廳👏👏 依家就介紹佢裡面環境啦！ 佢地草地特別多，地下有個小草地，3樓天台就有大草地🤭可以俾主子們放電🐕🐕 連人仔放電都冇問題🤭🤭 同埋較早前仲有一個東蒲萌愛嘉年華活動，又可以見到好多朋友仔真係好正👏👏👏 Ii度唔搞活動都會每日開放，如果想hea又住係附近嘅朋友仔都係一個不錯嘅放狗之選🥰🥰

Moji

狗

沙田馬場

《2025狗狗🐶行善日》

【重大消息📢 狗狗可以入沙田馬場呀!】 🐶 全城狗狗行善日2025返嚟喇! 規模比以往更大型､更好玩! 2025年4月4日, 歡迎主人帶埋狗狗一齊參加慈善步行, 步行後喺沙田馬場度舉行嘅寵物友善嘉年華盡情玩｡ 毛孩街邀請咗｢🐔哥基兵團｣4/4一齊去參與呢項慈善活動 嘉年華活動內容包括: 慈善祝福龍虎榜,毛孩障礙挑戰賽,精彩打卡位, ｢行街街｣市集,狗狗衝刺跑,寵物遊樂場,毛斯卡頒獎典禮, 星級嘉賓台上分享等等…… ⚠️如果想參加嘉年華, 請自行上毛孩街app報名, 每位成人需付$20,兩位成人則需付$40, 要在app內付款, 入場券扣除成本開支將全數捐給SPCA, ‼️門票數量有限,售完即止｡ ⚠️如果想參加SPCA步行籌款, 請在SPCA官網自行報名&俾錢｡ (如果報左步行活動,就不用再喺毛孩街App內報名參加嘉年華) 可以兩樣都參加晒/只參與嘉年華❤️ ‼️‼️‼️最重點係: 如果未入｢🐔哥基兵團｣Whatsapp Group嘅🐶哥基, 請Dm我哋加你落去, 因為我哋要統計人數&狗數量,感謝❤️｡ #愛護動物協會#慈善步行#全城狗狗行善日2025

開心唐狗啦啦 ☻ NANA

寵物

新蒲崗東蒲 Tung Po🐶☕ 寵物友善cafe・獨立狗區＋泊車優惠實測 新蒲崗大發現!隱藏版寵物友善餐廳「東蒲」cafe 有超大寵物共享空間+獨立狗狗區 環境舒服唔怕人迫人,狗避狗 🐾帶毛孩hea下chill下食餐好。門口超大空間泊車位,仲有得消費免泊優惠,狗主帶狗開餐出門好happy~ 【交通+泊車】 - 位於TWGHs Tung Po 東華三院東蒲 青年活動中心,港鐵MTR 鑽石山站出口步行5分鐘 1. 港鐵鑽石山站A2出口 2. 穿過啟鑽商場後向前行,經斑馬線橫過彩虹道 3. 沿大有街直行,至八達街轉左,向前行即達東蒲(正門) · 門口私人停車場,堂食消費滿$200,可享一小時免費泊車 【現場實測】 · 環境:室內外寵物區分隔,玻璃房狗狗可自由活動,人狗互動chill。 · 人流:平日少人,假日狗主多但獨立區夠大唔太混亂。 · 寵物友善度:全場帶寵,水站狗廁所齊,服務員超友善。 【必試美食】 · 海鮮意粉配香草番茄醬:彈牙有咬口,推介真心好食!賣點係「三少」(少鹽、少糖、少油)健康選擇 · 試咗佢地嘅咖啡順滑,CP值高。 · Burger薯條set 夠飽,適合大食人士。 【優點】 · 寵物獨立區超寬敞,狗狗玩得開心主人hea餐。 · 泊車方便+免費泊車時數,開車帶狗最友善。 · 食物質素穩定,環境日系溫馨適合打卡。 【缺點】 · 意粉等主菜份量偏細,大食的話可能要再加份薯條/Burger。 · Burger同咖啡風味唔太match,建議分開點。 · 假日人多,獨立區太受歡迎先到先得。 【實用貼士】 · 最佳時段:平日中午或下午茶,避開晚市高峰。 · 必帶:狗狗玩具、便袋、摺疊碗(玻璃房可玩)。 · 注意:建議都係預先打電話問下餐廳實際情況先,點餐先要講明係狗狗區,要轉外賣盒。 特別推介東蒲呢間真係寵物友善餐廳Top pick之一!同狗狗食飽再去玩,完美週末嘅開始~ #新蒲崗東蒲 #東蒲cafe #寵物友善餐廳 #香港狗狗cafe #寵物共享空間 #新蒲崗美食 #海鮮意粉 #狗狗打卡 #petfriendlyhk #happynana9