3COINS香港第二分店登陸葵芳！推會員制享日本同價福利 非會員每件貨品貴咁多？
3COINS｜百元店｜日本超人氣雜貨店3COINS於香港開設第2分店，2月5日正式進駐葵芳新都會廣場！另外，為應對貴租及吸客，將推出會員年費計劃，會員可繼續享有「與日同價」福利，換言之，330日圓產品售價為港幣17元（現行價格為港幣18元）；而非會員價格將調整為330日圓產品售港幣26元，兩者相差$9。
3COINS 香港第2分店進駐葵芳
日本生活雜貨品牌 3COINS 繼2025年7月於銅鑼灣開設首間分店後，即將於 2026 年 2 月初進駐葵芳新都會廣場開設香港第2間分店。短短半年就開分店，YAICHI集團創始人及主席羅盛昌先生表示，雖然希望堅持以「與日同價」提供產品，但為應對貴租及和不斷攀升的營運成本，決定推出會員年費計劃，他續指「比起單一地上調價格，這次調整力求同時應對營商困境之上，繼續讓支持 3COINS 的忠誠顧客享有『與日同價』的購物體驗。」
全新會員計劃 享「日本同價」優惠
會員年費計劃於葵芳新都會廣場分店開幕時正式推出，年費為港幣99元。會員可繼續享有「與日同價」福利，根據3COINS香港的定價模式，330日圓產品售價為港幣17元（現行價格為港幣18元）；而非會員價格將調整為330日圓產品售港幣26元。未來亦研究推出如專屬優惠、限時推廣、現金回贈及沉浸式購物體驗等活動，加強會員互動。
此外，YAICHI即日起推出「早鳥優惠」：首100名參加年費計劃的顧客可享首年年費5折優惠（港幣49元），第101至1,000名則可享7折優惠（港幣69元），並於即日起在希慎廣場發售會員卡。此外，3COINS香港網上商店將於會員年費計劃啟動首三個月（2026年2月5日至5月5日）舉行特別促銷，非會員期間仍可享「與日同價」購物優惠，萬勿錯過！
▼同場加映銅鑼灣店▼
3COINS 官方網店現已登場
另外，同步 3COINS 香港官方網店現已全面啟動，所有商品價格將秉持與日本同步的理念。涵蓋生活用品、時尚配飾至家電等多元品類。一系列人氣生活雜貨商品都有，如衣物收納袋、微波爐用蒸煮器、貓眼指甲油等等。
3COINS 香港店舖資料
網上平台
網址：香港官方網店
葵芳店
地址：葵芳新都會廣場
開幕時間：2026年2月
銅鑼灣店
地址：香港銅鑼灣希慎廣場 B2 層 B209B & B210-212 號舖
營業時間： 上午 11 時至晚上 9 時
來源：3COINS
<< 提醒大家，圖片只供參考，實際款式視乎分店存貨！購買前留意訂購平台的使用條款及細則，一切以訂購平台及餐廳公佈的價錢為準。數量有限，售完即止；所有優惠細則更新至文章發佈日期，訂購平台及餐廳保留更改優惠權利，U Lifestyle 概不負責。>>
3COINS網店｜正式登陸谷日百貨
日本國民雜貨店「3COINS」開設線上購物平台！3COINS網店繼續秉承品牌「為顧客實現小確幸」的理念，售賣多款日本優質商品，包括季節推薦、居家好物、收納好物、美妝及時尚等多元化分類，更延續「與日同價」的承諾，$18起即可購入實用好物！
👉🏻3COINS網上平台：按此
3COINS網店｜8大超人氣熱賣商品
3COINS網店貨品種類應有盡有，包括居家好物、收納好物、兒童用品、時尚美妝等，有超過2,500款日式雜貨，只須進入「谷日百貨」網上平台即可購入！其中，有8大超人氣熱賣商品，長居3COINS網店的「人氣商品」分類，包括$18微波爐蒸煮器、$18貓眼指甲油及$30輕量拖鞋等，以下為大家逐款推介，排名不分先後～
熱賣商品1：行李滾輪保護套｜$18 (9件套裝)
專用於雙輪設計滾輪，採用矽膠材質保護滾輪，有效降低行李箱移動時的輪胎噪音，並免受污損與衝擊，於玄關處拆卸即可保持室內清潔，附送1個備用保護套。
熱賣商品2：膠傘套 (可伸縮＋附掛繩)｜$18
長傘及摺傘也適用，是可以直接收納濕傘的伸縮式傘套，附送掛繩可扣於隨身包袋，防滴漏設計方便室內攜帶，底部的排水蓋設計可輕鬆排除積水。
熱賣商品3：微波爐用蒸煮器｜$18
超人氣微波爐蒸煮器推出全新色系，可用於蒸熱冷藏食品或冷凍包子等，附有瀝水籃設計，可兼作蔬菜瀝水盆使用，只須使用微波爐即可輕鬆製作溫熱蔬菜，耐熱溫度約140℃。
熱賣商品4：微波爐用太陽蛋模｜$18
適用於微波爐，可以快速製作太陽蛋，是早餐及便當的省時好幫手，容器內加入1小匙水潤濕後打入雞蛋，蓋上模蓋以微波加熱約40至500秒即可。
熱賣商品5：彩色指甲/ 貓眼指甲凝膠棒｜$18
超人氣棒狀指甲膠升級為HEMA FREE配方，添加透明質酸成分，美甲同時護理甲面，筆式設計適合新手，搭配UV燈即可輕鬆完成，可剝式設計方便卸除，有10款全新色系。
熱賣商品6：雙頭輕量拖鞋｜$30
採用超創新前後雙向穿脫設計，只須踩踏後跟即可穿上，手持物品也可以輕鬆穿著拖鞋，適合放置在陽台使用，可用清水洗淨清潔。
熱賣商品7：兩用式噴油瓶｜$30
超方便二合一設計，噴霧＋倒出兩種方式，噴嘴可均勻霧化出油，氣炸鍋或烤箱料理必用，更可減少料理油分，防塵蓋硅膠設計，鎖住不易漏油，瓶蓋大口徑設計，輕鬆清洗及裝油。
熱賣商品：自動開合摺疊傘｜$60
只須單手按鈕即可快速開合的便攜摺傘，出外購物雙手提著物品時，也可以輕鬆開傘使用，雨傘的肋骨長度為55cm，面積寬闊可供雙人使用。
資料及圖片來源：IG@3coins_hk及YAICHI谷日百貨
<< 提醒大家，購買前留意訂購平台的使用條款及細則，一切以訂購平台及餐廳公佈的價錢為準。數量有限，售完即止；所有優惠細則更新至文章發佈日期，訂購平台及餐廳保留更改優惠權利，U Lifestyle 概不負責。>>
-
著數報料
3COINS
快閃人氣 3coins
日本人氣國民雜貨店3COINS在香港已經開業一段時間，親民價錢，加上made in Japan 呢幾隻字，已經值得到此一遊。 店舖位於銅鑼灣心臟地帶希慎廣場B2層，位置便利，唔算難搵，但去到都有d失望，因為以雜貨店嚟講，舖位其實算係幾細間。 貨架擺位一如日本嘅整齊、潔淨，大致分有廚房用品區、寢室區、飾物區、電子周邊產品、輕著、推介熱賣等區間。價錢全部以日圓對照，最便宜係￥330(稅込)=hk$18，最貴￥4180=hk$228。 * 廚房用品 廚房收納用品簡潔實用，收納層架、掛鈎等，走簡約風，大部份$18就可以帶回家。杯碟、食物盒等一樣簡單清新，主要係大自然色系，以淡啡、淡緣為主調，啱晒想走田園風格嘅家居。 * 家居用品 洗衣袋、衣架等，甚有無印風格，但價錢就超實惠。大熱產品兩面拖鞋只售$30，賣點係超方便實用，唔洗轉身、扭腳都可以輕鬆自如著到。另一推介係衣物芳香噴霧，細細枝可以放喺手袋除時用，啱晒去完人多擠擁嘅地方，或者食完火鍋燒肉，噴一噴，咩異味都無晒。 * 電子周邊產品 勝在價錢實惠。當中嘅電話繩，公主少女味甚濃，都只係$48，啱晒襯衫用。 * 飾物區 最受歡迎嘅區域，大部份產品都只係$18，多款耳環、頸鍊，設計精緻、花巧，甚受學生歡迎；而髮飾種類繁多，髮夾、頭箍、橡筋圈多種不同風格設計，一定會揀到啱心水選擇。 * 輕著區 首推Threads大熱產品防水襪，$18就賣到啱晒而家時晴時雨嘅天氣著，不過可惜當日只剩餘黑色船襪。另一啱而家天氣用嘅就係外著防水鞋套，只要套上，就算大大力踩水氹行街都唔洗驚。 總結係舖頭細細，但貨品種類都唔算少，價錢性價比極高，$50以內都已經可以買到大部份精美嘅日系家居用品。 #美妝 #銅鑼灣 #時尚 #精品 #3COINS #家居用品 #性價比高 #人氣品牌 #日本製造 #日本雜貨 #日系風格 #打咭熱點 (此文章由U Blog 同步發佈至社群)
閱讀更多
-
著數報料
葵芳3coins掃貨攻略🔥$99入會抵到爛！
上星期日下午去左葵芳新開既3 coins分店 就係3樓以前lowrys farm個位 葵芳站天橋直行轉左出玻璃門就見到 因為有$99會員制度 可以同日本🇯🇵同價 所以專登去掃貨同做會員 當日都要排隊入場買野 因做人流管制 等左15分鐘左右 首先擺係樓口位有香港限定版既3coins飯盒袋､Tote bag同遮袋賣,價格由$17-28左右(會員價) 我都買左個$28 黑色Tote bag(大)既留念🤩 同埋買左兩盒$17(會員價)30個立體口罩🤩🤩 好多粉色系揀😍 真心好值得買🤭🤭 即場在收費處/自助收費機同職員講:想做會員 佢就會幫你掃個barcode 張單即場加$99 即場有會員價‼️‼️買野 比完錢,記得一定要掃個qrcode填個人資料先可以激活張會員卡‼️💯😛 {{hket:campaign display="清潔神隊友"}}{{/hket:campaign}}#日本#3coins#好去處#香港好去處 #購物優惠#購物攻略#購物分享#購物
閱讀更多
-
日本之行
日本3COINS即將登陸香港🇯🇵！網民熱議：定價會唔會變「3個十蚊銀」？😂🪙🪙🪙
🛍️ 3COINS進駐希慎廣場 網民瘋狂洗版 去日本旅行，點少得去平價雜貨店掃貨？3COINS一向係香港人嘅尋寶勝地，而家終於殺到香港！近日有網民發現銅鑼灣希慎廣場出現3COINS圍板，寫住「OPENING IN JULY」，消息一出即時引爆全城熱話💥帖文短短17小時內狂吸24萬瀏覽！ 網上更流出一則招聘廣告，間接證實3COINS即將進駐銅鑼灣，不過今次並非日本直營，而係由日本官方授權，聯同本地電商平台「谷日百貨」合作經營🤝 💬網民熱議：香港定價會唔會「十算」？ 消息一出，網民反應兩極，最關注嘅當然係價錢問題！日本3COINS主打「300円均一」，但香港會點定價？網民紛紛發揮創意估價： 「百円店賣$12，咁3COINS會唔會賣$36？」 「3粒咩coins先😭睇下香港係咪變十算」 「3coins = 3個十蚊銀？」 「$30其實都OK」 雖然大家都預期香港定價會貴過日本，但唔少網民仍然表示支持：「正喎！雖然實貴過日本，但唔係成日飛嘅人都好想買3COINS！」 今次3COINS登陸香港，相信會吸引大批粉絲朝聖，尤其係鍾意日系生活雜貨嘅朋友！雖然定價仲係未知數，但能夠喺香港買到3COINS嘅精緻小物，已經夠令人興奮。大家記住mark低7月，去銅鑼灣希慎廣場睇睇啦！❤️ 你對3COINS來港又有咩睇法？留言分享下！ 資料來源：Threads, moovup.com , palcloset.jp #攻略 #3COINS #日本過江龍 #日本必買 #日本好去處
閱讀更多
港生活人氣本地熱話
《U GO》請您去國際潮流文化盛事ComplexCon香港2026！
匯聚最新潮流、流行文化、音樂、藝術等🌟
↓【限時搶⚡】保關捷4+4升級配方↓
↓緩解關節痛感、提升靈活性↓
假日好去處