尖沙咀九龍酒店自助餐優惠｜獨家快閃5折！晚餐$399任食海鮮／熊貓聖誕盛宴／無限暢飲

A美食焚化爐

著數報料

The Haven

母親節的優惠 @ 再臨閣 ( 尖沙咀YMCA )

仲有幾日就母親節，有無諗過同多年來不辭勞苦的媽咪去邊度慶祝呀？   今次又有好介紹，位於尖沙咀YMCA的再臨閣，佔盡地理位置，交通便捷，而且網上平台有買一送一優惠，晚上自助餐最平可以$443起，又真係幾實惠。  KKDay 專屬優惠 : https://www.kkday.com/zh-hk/product/137849?cid=19434 當然，都要食物夠水準，大家食得開心最緊要。   海鮮 最鍾意食波士頓龍蝦、琵琶蝦同龍蝦鉗，因為所有都啖啖肉，龍蝦更係隨便夾隻都有膏，好啱我。   仲有蟹腳、小龍蝦、海蝦、海蜆同青口，水準都不錯。   Carving Station 食肉獸大可來一片肉味濃郁的燒牛肉肋骨。   自己就每次都必食即煎大虎蝦，煎得好香口。   刺身及壽司 磯煮鮑魚係必食之選，鮑魚炆得柔韌入味，不過擺係刺身區，帶點隱藏美食的感覺。   其他刺身有三文魚、立魚、希靈魚與八爪魚刺身。   湯 中湯是很有家庭湯水feel的蓮藕椰汁雞湯。   西湯是幼滑的木瓜甘筍忌廉湯，個人就好鍾意用來配餐包。   熱葷 因為今次主題是泰國菜，所以有幾款特別菜色。   泰式咖哩魚麵檔可以選擇河粉、米粉或油麵，澆上即煮咖哩魚塊，熱辣辣又有辛勁，好正。  布吉街頭小食處有魚條、腸仔及丸類，都幾特別。  泰式海南雞飯應該係最受歡迎菜色，雞肉的確好嫩滑，配上雞油飯又真係好好味。   好惹味既巴東牛肉最啱送白飯。   泰式酸辣豬手就好得意，皮爽滑，味道酸酸辣辣。   又係一道辣辣地既檳榔葉蝦肉咖哩，其實今晚好多菜都可以拌白飯。   雞肉及豬肉沙嗲就正正常常。   其他熱葷仲有蟹肉冬陰蒸蛋、火山排骨、泰式炒菜、泰式椒葉燒鰽魚柳、黃金炒海鮮、馬沙文咖哩羊肉以及酥炸軟殼蟹。   前菜及沙律 都相當豐富，有黑松露蜜糖伴芝士、水晶肴肉、日式溫泉蛋、芥末薯仔沙律、櫻花蝦豆腐、泰式魚乾西瓜沙律、泰式免治豬肉沙律、煙三文魚、肝醬、海鮮沙律、青木瓜粉絲沙律、無骨黑椒豬柳以及白菌凍肉。   芝士 有高達硬芝士、藍芝士、車打芝士以及金文畢芝士。   甜品 有即焗心太軟，但實在太飽，今次無食。   泰式甜品點可以無芒果糯米飯？迷你版食得好輕盈。  即製泰式脆餅幾香同脆口。 泰式甜品當然有班蘭椰汁糕、椰汁西米糕、香茅焦糖燉蛋、香芒西米糕、椰子果凍及珍珠奶茶布甸，全部細細杯，食多幾款都無問題。  另一亮點是哈根大師雪糕，獨立杯裝好衛生，有比利時朱古力、Matcha綠茶、Mango and Cream 同埋Cookies and Cream口味。   大蛋糕有泰式奶茶焦糖蛋糕、班蘭戚風蛋糕、榴槤芝士蛋糕及荔枝朱古力慕絲餅。   水果 有西瓜、哈密瓜、火龍果及香橙。   飲品 除了咖啡及茶之外，還有蘋果汁、凍檸檬茶及維他命水。 如果仲未找到地方慶祝母親節，相信再臨閣是一個不錯的選擇。 Facebook 專頁 : The Haven  地址 : 尖沙咀梳士巴利道41號香港基督教青年會南座4樓   電話 : 2268 7818   味道 : 4  環境 : 4  服務 : 5  衛生 : 5  抵食 : 5  位置 : 5   IG : foodiephilip   小紅書 : 美食焚化爐   希望各位喜歡這篇文章的朋友，請在我的專頁上剔"LIKE"，當作小小的鼓勵吧!謝謝!   http://www.facebook.com/foodiephilip #尖沙咀 #母親節 #YMCA #自助餐 #美食焚化爐 #The Haven #Buffet (此文章由U Blog 同步發佈至社群)

Snowblue 雪藍

擦餐勁

Café 103

Ritz Carlton 高空海鮮甜品自助餐75 折！🤩

✨Ritz Carlton Hong Kong|Cafe 103 Dinner Buffet✨ 💡 優惠情報 • Klook 購買即享 75 折 • 輸入優惠碼 SNOWBLUEKLOOK,再享 額外無門檻 95 折 📍 餐廳資料 Cafe 103 位於九龍尖沙咀環球貿易廣場 103 樓,屬 Ritz Carlton Hong Kong 的高空餐廳｡坐擁維港景致,晚餐 buffet 一直以高質食材及多元主題聞名｡ 🍴 必食推介 • 凍盤海鮮:新鮮生蠔､波士頓龍蝦､雪蟹腳,冰鎮上枱,鮮甜爽口｡ • 甜品區:Ritz Carlton 出名的精緻甜品,朱古力蛋糕､法式小點､雪糕 station,甜品控必到此一戰｡ • 韓式美食主題(期間限定):韓式炸雞､泡菜煎餅､韓牛燒烤､辣炒年糕,地道風味加上五星級演繹,韓迷必試! Cafe 103 不單止有高空景觀,海鮮 + 甜品 + 韓式主題三重享受,配合 Klook 優惠,性價比極高｡想同朋友或另一半度過高質晚餐,呢個 buffet 絕對係首選!

Suki媽媽

打卡熱點

倚窗閣

九龍酒店生日午餐🥳！倚窗閣自助餐超正！😋 性價比高！

話說今年生日去咗九龍酒店食午餐😍倚窗閣自助餐係間性價比唔錯的選擇!開心慶祝,梗係要食得開心啦! 可能最近做優惠人山人海,但預早book位,都坐得比較靜少少及近窗邊｡多謝老公響生日叫職員幫忙響甜品上為我寫上生日快樂,之後同我打卡留念｡ 中午嚟講選擇都豐富,中午有鮑魚､有長蟹腳､有三文魚籽和基本刺身(蝦､北寄貝､三文魚等…)一應俱全｡仲有多款出色嘅甜品和Move pick雪糕和熟食令人回味無窮｡ 沙律又新鮮,款式多,沙律吧具多款沙律菜和漿料,配色好睇,解膩一流｡ 另有特別環節,氣氛好足是有次敲鐘,有特別菜式登場,就係疏乎厘｡疏乎厘新鮮出爐,熱辣辣又香滑,真有小驚喜加分,唔會悶場｡ 我哋2個人喺呢間自助餐渡過咗愉快嘅下午｡ #UCreator#打卡美食#好去處#全新景點#chill#打卡#歎住靚景staycation#請您食月餅#好去處#相機食先#港玩港食#轉季護膚必備#momentswithucreator#假期推介 #啖啖舒暢透心涼#哈囉喂全園祭#以油養膚締造水光肌#中秋q彈時刻