半山隱世聖誕自助餐優惠｜麥當勞道貳號8折！人均$448連加一／避開人潮歎節慶盛宴

U Lifestyle

節日限定

【聖誕自助餐2025】如心酒店3大自助餐推介 任食日本A5和牛/牛斧頭扒/伊比利亞黑毛豬鞍

🎄聖誕將至，點少得帶屋企人book枱食自助餐感受節日氣氛！各大酒店都推出聖誕主題自助餐及節日裝飾供客人打卡。而小編今日介紹嘅如心酒店集團旗下3️⃣間酒店都設有一系列聖誕限定餐飲體驗，而且仲有社群限時送禮活動簡單登記就有機會免費食！ 🍽️🍽️自助餐迷切勿錯過！ ----------------- 【聖誕送禮🎄】請您食如心酒店豪華雙人自助餐！ 踏入12月，係時候約埋親朋好友食聖誕大餐！社群今次請您食豪華雙人自助餐，從冰鎮海鮮、惹味肉類到特色甜品都應有盡有，包您大飽口福😋！即日起至2025年12月25日，簡單登記即有機會免費去如心酒店集團旗下Café Circles及I-O-N歎雙人自助晚餐！快啲叫埋身邊嘅朋友參加🍴！ > 登記免費食聖誕大餐 < ----------------- 聖誕自助餐2025｜1. 觀塘 I-O-N「節日豐盛半自助餐」 觀塘人氣半自助餐餐廳I-O-N主打菜式豐富嘅半自助餐，提供一系列前菜、多國熱食、精緻冷盤、海鮮刺身等菜式選擇。午餐時段分別推出帶子海鮮茄茸意大利飯、香煎豬斧頭配蘋果蓉醬及燒肉眼配青胡椒汁；而晚市亦重點推出M7和牛柳併鵝肝配羊肚菌燒汁、牛斧頭扒配 12 道海鹽，以及鴨胸、油封鴨腿及鵝肝三重奏，保證各位和牛控及鴨肉控食得滋味！ 地址：觀塘創業街38號九龍東如心酒店2樓 ----------------- 聖誕自助餐2025｜2. 黃竹坑 I-O-N「溫馨節慶盛宴」 黃竹坑I-O-N亦推出節日限定「溫馨節慶盛宴」，主打東南亞菜式，提供豐富嘅冰鎮海鮮、招牌湯麵吧、沙律等菜式及免費暢飲汽水。晚市提供香煎鴨肝多士、避風塘琵琶蝦，節慶日子更特設晚市限定烤燒澳洲草飼肉眼、慢燒香草羊鞍；甜品區更特設聖誕主題樹幹蛋糕、聖誕果餡金寶批，超適合打卡。平安夜晚設有聖詩獻唱環節，為您帶來一場溫暖嘅聖誕大餐！ 地址：香港仔黃竹坑道 55 號南灣如心酒店 P3 樓 ----------------- 聖誕自助餐2025｜3. Café Circles「樂饗聖誕自助餐」 位於荃灣西如心酒店嘅Café Circles提供豐富又多樣嘅聖誕主題美食。除咗提供冰鎮海鮮、芝士、凍肉拼盤、海鮮刺身及現場即製火炙皇帝蟹腳之外，更特設節慶日子限定燒日本A5和牛、香煎鵝肝、聖誕烤火雞、香烤牛肋骨、蜜汁烤火腿、燒伊比利亞黑毛豬鞍及即切油甘魚，用香噴噴嘅傳統節日美食滿足您味蕾！ 地址：荃灣楊屋道8號荃灣西如心酒店 9 樓 ----------------- 以上3間自助餐餐廳均於12月25日至26日期間，更特別安排聖誕老人現身為賓客送上祝福，提供精彩嘅扭氣球表演，無論大人定小朋友都感受到節慶歡樂！睇到呢度，您都想趁聖誕節帶同親友展開一場豐盛嘅聖誕自助餐盛宴，即刻完成簡單登記，免費贏走歎如心酒店雙人自助餐機會！ > 我想免費歎聖誕大餐 <   *餐飲供應視官網資訊作準。 【U GO x 社群倒數聖誕🎄】送上3000+份暖心禮物🎁！ 解鎖今日禮物/活動 👉 https://ulapp.hk/eaw3h  🔔 Follow《U Community社群》Instagram 同讚好 Facebook 專頁 ，睇更多U Creator品牌活動招募丶送禮丶緊貼最新美食丶旅遊打卡熱話或創作者流量密碼教學等。 ----------------- 圖片來源：如心酒店集團 #ULifestyle應用程式 #ULifestyleApp #社群 #UCreatorHK  #MOMENTSwithUCreator #限時送禮 #如心酒店 #我的打卡地圖 #美食攻略 #自助餐 #聖誕自助餐 #聖誕大餐 #黃竹坑 #荃灣西 #觀塘 #A5和牛 #早鳥優惠 #美食推介 #餐廳推介 #foodie

leewengii

香港攻略

$200 🦪生蠔任食酒店自助晚餐 灣仔Novotel內Le Cafe, weekdays半自助晚餐，openrice價 成人$200/小童$120，已連加一，weekends $230。要主菜另加$100。 坦白講，呢啲平價酒店自助餐，多數伏，我去之前個心態都係200蚊唔好咁大期望，但呢度令我喜出望外，我完全feel到餐廳嘅誠意，收你蔗渣嘅價錢但盡量做到燒鵝嘅味道畀你，食物質素我覺得甚至好過唔少五、六百蚊嘅酒店自助餐。 首先所有食物賣相絕不馬虎，自助區食物種類繁多。蟹腳係我近年食過最甜嘅，生蠔比較薄身，但至少新鮮。三文魚魚生極厚切極肥美極新鮮，贏哂所有放題舖。炸物係熱係脆嘅。有煙三文魚、少量凍肉、芝士。普羅旺斯燉菜、西班牙蛋餅、意式風味嘅水波蛋同烤香腸。連預伴沙律都調味得宜，真係冇乜邊樣嘢係難食。我今日weekday嚟大約七、八成滿，大約50人左右，全部客都好斯文，唔使排唔使搶，可以由六點半食到九點半，就算去到尾聲啲食物都繼續有refill而且繼續保持賣相整潔。 甜品款式琳瑯滿目，tiramisu同巴斯克蛋糕都極高質，仲有mövenpick雪糕任食。 第一次openrice訂預付套餐滿$500用個code"Menu50"可以減$50，所以我同一張單買咗一個冇主菜$200+一個$300有主菜，total $500減$50，變相多$50多個主菜。埋單再用雙倍+Fun dollar優惠。 主菜揀個牛扒都dope, 好香炭燒味，唔好話加50，其實加100都抵，唯一「唔抵」嘅原因係自助區本身已經好多好嘢食。旋轉樓梯落半層酒吧仲有live music。服務都好好，收碟好密。 呢間我係會再encore同埋推薦畀朋友。 #步步糕升

A美食焚化爐

節日限定

Le Menu

龍蝦･鴨肝･佛跳牆 @ Le Menu ( 灣仔六國酒店 )

好快就做聖誕節，大家會同朋友或家人去邊度慶祝？ 早前就同朋友去了灣仔六國酒店Le Menu，預先慶祝了聖誕節。 今次佢地主題係【極緻細嚐･華麗自助晚餐 - 龍蝦･鴨肝･佛跳牆】。   大家好關心既收費問題，因為不同日子有不同價錢，所以直接出相等大家睇仲好。   言歸正傳，都要知道食物質素，對嗎？  海鮮 有開半波士頓龍蝦，500gm左右size，喜歡的，大可挑多蝦膏的品嚐。   另外，又有加拿大雪花蟹腳、麵包蟹、青口、翡翠螺以及熟蝦，種類算多，不錯。   刺身 是看得出的進步，因為有赤貝、甜蝦、八爪魚、鯛魚、劍魚以及三文魚，解凍處理得好好，毫無雪味，食得過。   湯 每位客人都有一張佛跳牆卡，憑卡可取一盅熱辣辣的佛跳牆，內裡有齊鮑魚、海參、瑤柱及花膠，湯色清澈，入口鮮甜，真係連湯渣都消滅了。   龍蝦湯 很濃稠的質感，入口絲滑，配麵包一流。   鐵板燒 即煎鴨肝多士，油脂滿滿，入口即化。   其實建議大家可以一次過要齊虎蝦、牛柳粒、蒜茸雞扒、豬扒、牛脷串、雞軟骨串、多春魚 同埋鮮菠蘿。  個人推介牛柳粒、虎蝦、雞軟骨同菠蘿，   肉車區 當然少不了聖誕火雞，切了兩片，感覺比起海南雞是較為結實，沒問題，都是氣氛為主。   滿有聖誕氣氛的還有蜜汁菠蘿焗火腿及威靈頓牛柳。   牛魔王當然要來一片燒肉眼扒。  坊間好多都係片皮鴨，但Le Menu卻是片皮鵝，皮下脂肪較多，油香更好。   熱葷 芝士蘑菇焗蟹蓋 雖然及不上中菜廳單點多蟹肉，但都是誠意之作，芝士味幾香。   鹹蛋黃金蝦 好邪惡，蝦殼脆卜卜好入味。   煎比目魚配白酒忌廉汁(銀獎菜式) 啖啖肉少碎骨，好啱老人家。   龍蝦海鮮瑪莎曼咖哩、蔥餡拉餅 除了好多海鮮料，仲可以用拉餅蘸汁食，好惹味。   其他熱葷有薑蔥炒龍蝦鉗、酥炸生蠔、香煎芙蓉蟹、蠔皇扣海螺片、紅燒獅子頭、蜜餞金沙骨、上湯菜膽雞、白汁燴雞皇、龍蝦海鮮茶碗蒸、意式炒雜菜、瑤柱鮮蝦蛋白炒飯及肉醬意粉。   沙律類 有龍蝦三文魚藜麥沙律、龍蝦蟹肉香芒沙律、燒牛肉菠蘿沙律及凱撒沙律，想清清地應該試下。   Cold Cut 有豬肉凍批、煙鮫魚、煙燻黑椒牛肉、凍火雞碟、莎樂美香腸、煙三文魚及意大利火腿。   甜品區 哈根大師雪糕 有迷你版雪糕芒果紅桑子雪糕、朱古力雪糕、士多啤梨雪糕、雲呢拿雪糕以及曲奇雲呢拿雪糕。   係凍櫃放滿了檸檬撻、聖誕樹頭蛋糕、紅絲絨蛋糕、聖誕杯子蛋糕、朱古力蜜柑慕絲蛋糕、椰汁西米糕 、核桃批、意大利芝士布甸以及Mont-Blanc。   至於旁邊就有泡芙塔、葡撻 、棉花糖、藍芝士撻及即製窩夫，種類都夠多。   其實中間仲加插了廚師即席烹調菜色。  當中就有法式龍蝦海鮮酥皮盒 (晚上6:45)，之後會放係熱葷區供大家享用。  而另一道就是火焰雪山 (晚上7:15 / 單數日子推出)。   如果是雙數日子，就會換上法國經典橙酒班戟 (晚上7:15 / 雙數日子推出)。 【每逢星期五、六、日及公眾假期都會進行兩款甜品表演】 想同朋友過一個開開心心既聖誕節，大可考慮一下。 Facebook 專頁 : 六國酒店 地址 : 灣仔告士打道72號六國酒店1樓   電話 : 28663808   味道 : 4  環境 : 4  服務 : 4  衛生 : 4  抵食 : 5  位置 : 5   IG : foodiephilip   小紅書 : 美食焚化爐   希望各位喜歡這篇文章的朋友，請在我的專頁上剔"LIKE"，當作小小的鼓勵吧!謝謝!   http://www.facebook.com/foodiephilip #灣仔 #聖誕節 #自助餐 #六國酒店 #美食焚化爐 #BUFFET (此文章由U Blog 同步發佈至社群)