半山隱世聖誕自助餐優惠｜麥當勞道貳號8折！人均$448連加一／避開人潮歎節慶盛宴

U Lifestyle

節日限定

Café Circles - 如心酒店自助餐

【聖誕自助餐2025】如心酒店3大自助餐推介 任食日本A5和牛/牛斧頭扒/伊比利亞黑毛豬鞍

🎄聖誕將至，點少得帶屋企人book枱食自助餐感受節日氣氛！各大酒店都推出聖誕主題自助餐及節日裝飾供客人打卡。而小編今日介紹嘅如心酒店集團旗下3️⃣間酒店都設有一系列聖誕限定餐飲體驗，而且仲有社群限時送禮活動簡單登記就有機會免費食！ 🍽️🍽️自助餐迷切勿錯過！ ----------------- 【聖誕送禮🎄】請您食如心酒店豪華雙人自助餐！ 踏入12月，係時候約埋親朋好友食聖誕大餐！社群今次請您食豪華雙人自助餐，從冰鎮海鮮、惹味肉類到特色甜品都應有盡有，包您大飽口福😋！即日起至2025年12月25日，簡單登記即有機會免費去如心酒店集團旗下Café Circles及I-O-N歎雙人自助晚餐！快啲叫埋身邊嘅朋友參加🍴！ > 登記免費食聖誕大餐 < ----------------- 聖誕自助餐2025｜1. 觀塘 I-O-N「節日豐盛半自助餐」 觀塘人氣半自助餐餐廳I-O-N主打菜式豐富嘅半自助餐，提供一系列前菜、多國熱食、精緻冷盤、海鮮刺身等菜式選擇。午餐時段分別推出帶子海鮮茄茸意大利飯、香煎豬斧頭配蘋果蓉醬及燒肉眼配青胡椒汁；而晚市亦重點推出M7和牛柳併鵝肝配羊肚菌燒汁、牛斧頭扒配 12 道海鹽，以及鴨胸、油封鴨腿及鵝肝三重奏，保證各位和牛控及鴨肉控食得滋味！ 地址：觀塘創業街38號九龍東如心酒店2樓 ----------------- 聖誕自助餐2025｜2. 黃竹坑 I-O-N「溫馨節慶盛宴」 黃竹坑I-O-N亦推出節日限定「溫馨節慶盛宴」，主打東南亞菜式，提供豐富嘅冰鎮海鮮、招牌湯麵吧、沙律等菜式及免費暢飲汽水。晚市提供香煎鴨肝多士、避風塘琵琶蝦，節慶日子更特設晚市限定烤燒澳洲草飼肉眼、慢燒香草羊鞍；甜品區更特設聖誕主題樹幹蛋糕、聖誕果餡金寶批，超適合打卡。平安夜晚設有聖詩獻唱環節，為您帶來一場溫暖嘅聖誕大餐！ 地址：香港仔黃竹坑道 55 號南灣如心酒店 P3 樓 ----------------- 聖誕自助餐2025｜3. Café Circles「樂饗聖誕自助餐」 位於荃灣西如心酒店嘅Café Circles提供豐富又多樣嘅聖誕主題美食。除咗提供冰鎮海鮮、芝士、凍肉拼盤、海鮮刺身及現場即製火炙皇帝蟹腳之外，更特設節慶日子限定燒日本A5和牛、香煎鵝肝、聖誕烤火雞、香烤牛肋骨、蜜汁烤火腿、燒伊比利亞黑毛豬鞍及即切油甘魚，用香噴噴嘅傳統節日美食滿足您味蕾！ 地址：荃灣楊屋道8號荃灣西如心酒店 9 樓 ----------------- 以上3間自助餐餐廳均於12月25日至26日期間，更特別安排聖誕老人現身為賓客送上祝福，提供精彩嘅扭氣球表演，無論大人定小朋友都感受到節慶歡樂！睇到呢度，您都想趁聖誕節帶同親友展開一場豐盛嘅聖誕自助餐盛宴，即刻完成簡單登記，免費贏走歎如心酒店雙人自助餐機會！ > 我想免費歎聖誕大餐 <   *餐飲供應視官網資訊作準。 【U GO x 社群倒數聖誕🎄】送上3000+份暖心禮物🎁！ 解鎖今日禮物/活動 👉 https://ulapp.hk/eaw3h  🔔 Follow《U Community社群》Instagram 同讚好 Facebook 專頁 ，睇更多U Creator品牌活動招募丶送禮丶緊貼最新美食丶旅遊打卡熱話或創作者流量密碼教學等。 ----------------- 圖片來源：如心酒店集團 #ULifestyle應用程式 #ULifestyleApp #社群 #UCreatorHK  #MOMENTSwithUCreator #限時送禮 #如心酒店 #我的打卡地圖 #美食攻略 #自助餐 #聖誕自助餐 #聖誕大餐 #黃竹坑 #荃灣西 #觀塘 #A5和牛 #早鳥優惠 #美食推介 #餐廳推介 #foodie

moon TT

著數報料

大灣咖啡廳 - 香港嘉里酒店自助餐

海鮮控必食！紅磡嘉里海鮮盛宴🦞🥢

紅磡嘉里酒店buffet有新驚喜,海鮮控真係會失守! 呢間大灣咖啡廳海洋珍饈自助晚餐,望住維港食buffet,氣氛已經贏一半,chill住食真係好享受｡ ▫️海鮮區好有誠意,長腳蟹､翡翠螺､凍蝦全部任食,鮮味夠晒突出｡每人仲會有一份豪華拼盤,日本帝王蟹腳､韓國鮑魚､扇貝､青口,一上枱已經feel到質素｡ ▫️刺身區都唔簡單,帶子､八爪魚､吞拿魚樣樣齊,三文魚籽仲可以任加,海鮮控應該會忍唔住瘋狂loop｡ ▫️熱盤都有驚喜,原條海鱸魚夠晒鮮,小籠包都幾有水準｡聽到鑼鼓聲,就知道燉湯出爐,要即刻去排隊,真材實料嗰種滋補感幾加分｡ ▫️仲有即叫即製熱石鍋,鎖住肉汁,熱辣辣食真係好滿足｡ ▫️甜品區都好吸引,即整法式橙酒班戟､焦糖燉蛋､意式雪糕,選擇多到會花多眼亂｡ 加分位係可以無限暢飲紅白酒同啤酒,食buffet氣氛再升級｡ 💡而家做緊優惠,成人八折､長者六五折､小童半價,用Klook訂仲再抵,想食好少少又唔想太貴,呢個真係可以考慮｡ 指定優惠:https://www.klook.com/zh-HK/activity/97589?aid=14983 𓆝𓆟𓆜𓆞𓆝𓆟𓆜
📍紅磡嘉里酒店 @kerryhotelhk 📍@klook @ucommunity.hk @ulifestyleapp 
——————————————————
👀 Follow @ahmoon.tt
👍 comment|share |like |save
💬 DM for collaborations #UCreatorHK#BESTFOODwithUCreator#ULifestyleApp#UCreatorBuffetFeast#香港美食{{hket:campaign display="自助餐回本攻略"}}{{/hket:campaign}} #嘉里酒店自助晚餐#大灣咖啡廳#紅磡海鮮自助餐

leewengii

香港攻略

Le Cafe - 香港諾富特世紀酒店自助餐

$200 🦪生蠔任食酒店自助晚餐 灣仔Novotel內Le Cafe, weekdays半自助晚餐，openrice價 成人$200/小童$120，已連加一，weekends $230。要主菜另加$100。 坦白講，呢啲平價酒店自助餐，多數伏，我去之前個心態都係200蚊唔好咁大期望，但呢度令我喜出望外，我完全feel到餐廳嘅誠意，收你蔗渣嘅價錢但盡量做到燒鵝嘅味道畀你，食物質素我覺得甚至好過唔少五、六百蚊嘅酒店自助餐。 首先所有食物賣相絕不馬虎，自助區食物種類繁多。蟹腳係我近年食過最甜嘅，生蠔比較薄身，但至少新鮮。三文魚魚生極厚切極肥美極新鮮，贏哂所有放題舖。炸物係熱係脆嘅。有煙三文魚、少量凍肉、芝士。普羅旺斯燉菜、西班牙蛋餅、意式風味嘅水波蛋同烤香腸。連預伴沙律都調味得宜，真係冇乜邊樣嘢係難食。我今日weekday嚟大約七、八成滿，大約50人左右，全部客都好斯文，唔使排唔使搶，可以由六點半食到九點半，就算去到尾聲啲食物都繼續有refill而且繼續保持賣相整潔。 甜品款式琳瑯滿目，tiramisu同巴斯克蛋糕都極高質，仲有mövenpick雪糕任食。 第一次openrice訂預付套餐滿$500用個code"Menu50"可以減$50，所以我同一張單買咗一個冇主菜$200+一個$300有主菜，total $500減$50，變相多$50多個主菜。埋單再用雙倍+Fun dollar優惠。 主菜揀個牛扒都dope, 好香炭燒味，唔好話加50，其實加100都抵，唯一「唔抵」嘅原因係自助區本身已經好多好嘢食。旋轉樓梯落半層酒吧仲有live music。服務都好好，收碟好密。 呢間我係會再encore同埋推薦畀朋友。 #步步糕升