尖沙咀富豪酒店聖誕自助餐早鳥7折！人均$367任食避風塘龍蝦／芝士焗龍蝦／港式風味

A美食焚化爐

節日限定

Le Menu

龍蝦･鴨肝･佛跳牆 @ Le Menu ( 灣仔六國酒店 )

好快就做聖誕節，大家會同朋友或家人去邊度慶祝？ 早前就同朋友去了灣仔六國酒店Le Menu，預先慶祝了聖誕節。 今次佢地主題係【極緻細嚐･華麗自助晚餐 - 龍蝦･鴨肝･佛跳牆】。   大家好關心既收費問題，因為不同日子有不同價錢，所以直接出相等大家睇仲好。   言歸正傳，都要知道食物質素，對嗎？  海鮮 有開半波士頓龍蝦，500gm左右size，喜歡的，大可挑多蝦膏的品嚐。   另外，又有加拿大雪花蟹腳、麵包蟹、青口、翡翠螺以及熟蝦，種類算多，不錯。   刺身 是看得出的進步，因為有赤貝、甜蝦、八爪魚、鯛魚、劍魚以及三文魚，解凍處理得好好，毫無雪味，食得過。   湯 每位客人都有一張佛跳牆卡，憑卡可取一盅熱辣辣的佛跳牆，內裡有齊鮑魚、海參、瑤柱及花膠，湯色清澈，入口鮮甜，真係連湯渣都消滅了。   龍蝦湯 很濃稠的質感，入口絲滑，配麵包一流。   鐵板燒 即煎鴨肝多士，油脂滿滿，入口即化。   其實建議大家可以一次過要齊虎蝦、牛柳粒、蒜茸雞扒、豬扒、牛脷串、雞軟骨串、多春魚 同埋鮮菠蘿。  個人推介牛柳粒、虎蝦、雞軟骨同菠蘿，   肉車區 當然少不了聖誕火雞，切了兩片，感覺比起海南雞是較為結實，沒問題，都是氣氛為主。   滿有聖誕氣氛的還有蜜汁菠蘿焗火腿及威靈頓牛柳。   牛魔王當然要來一片燒肉眼扒。  坊間好多都係片皮鴨，但Le Menu卻是片皮鵝，皮下脂肪較多，油香更好。   熱葷 芝士蘑菇焗蟹蓋 雖然及不上中菜廳單點多蟹肉，但都是誠意之作，芝士味幾香。   鹹蛋黃金蝦 好邪惡，蝦殼脆卜卜好入味。   煎比目魚配白酒忌廉汁(銀獎菜式) 啖啖肉少碎骨，好啱老人家。   龍蝦海鮮瑪莎曼咖哩、蔥餡拉餅 除了好多海鮮料，仲可以用拉餅蘸汁食，好惹味。   其他熱葷有薑蔥炒龍蝦鉗、酥炸生蠔、香煎芙蓉蟹、蠔皇扣海螺片、紅燒獅子頭、蜜餞金沙骨、上湯菜膽雞、白汁燴雞皇、龍蝦海鮮茶碗蒸、意式炒雜菜、瑤柱鮮蝦蛋白炒飯及肉醬意粉。   沙律類 有龍蝦三文魚藜麥沙律、龍蝦蟹肉香芒沙律、燒牛肉菠蘿沙律及凱撒沙律，想清清地應該試下。   Cold Cut 有豬肉凍批、煙鮫魚、煙燻黑椒牛肉、凍火雞碟、莎樂美香腸、煙三文魚及意大利火腿。   甜品區 哈根大師雪糕 有迷你版雪糕芒果紅桑子雪糕、朱古力雪糕、士多啤梨雪糕、雲呢拿雪糕以及曲奇雲呢拿雪糕。   係凍櫃放滿了檸檬撻、聖誕樹頭蛋糕、紅絲絨蛋糕、聖誕杯子蛋糕、朱古力蜜柑慕絲蛋糕、椰汁西米糕 、核桃批、意大利芝士布甸以及Mont-Blanc。   至於旁邊就有泡芙塔、葡撻 、棉花糖、藍芝士撻及即製窩夫，種類都夠多。   其實中間仲加插了廚師即席烹調菜色。  當中就有法式龍蝦海鮮酥皮盒 (晚上6:45)，之後會放係熱葷區供大家享用。  而另一道就是火焰雪山 (晚上7:15 / 單數日子推出)。   如果是雙數日子，就會換上法國經典橙酒班戟 (晚上7:15 / 雙數日子推出)。 【每逢星期五、六、日及公眾假期都會進行兩款甜品表演】 想同朋友過一個開開心心既聖誕節，大可考慮一下。 Facebook 專頁 : 六國酒店 地址 : 灣仔告士打道72號六國酒店1樓   電話 : 28663808   味道 : 4  環境 : 4  服務 : 4  衛生 : 4  抵食 : 5  位置 : 5   IG : foodiephilip   小紅書 : 美食焚化爐   希望各位喜歡這篇文章的朋友，請在我的專頁上剔"LIKE"，當作小小的鼓勵吧!謝謝!   http://www.facebook.com/foodiephilip #灣仔 #聖誕節 #自助餐 #六國酒店 #美食焚化爐 #BUFFET (此文章由U Blog 同步發佈至社群)

A美食焚化爐

節日限定

金茂深圳JW萬豪酒店

《環迴深圳》X 團年飯系列 X 人均不到￥350 X 生蠔龍蝦宴 @ Cafe Chinois ( 車公廟站金茂JW萬豪酒店 )

 好耐無去金茂JW萬豪食自助餐，仲記得上一次同太太去staycation，原條即劏金槍魚，單係食大拖羅已值回票價，家陣仲抵食，網上平台可以￥696 / 兩位。   而且今年都決定了同家人食團年飯賀新年，都想介紹幾間性價比不錯的給大家。   雖然餐廳是在深圳，但出入都好方便，車公廟站J出口行過去不用五分鐘。   先講講位上的食物。   先係一人半隻蒜蓉蒸龍蝦。   再來係Dry Aged 45日美國牛排，上檯前服務員會問一句要幾成熟。   生蠔 有即開法國及愛爾蘭生蠔，全部都係新鮮貨，比起預先開既半殼蠔衛生好多。  清蒸活海鮮 如果怕食生冷食物，清蒸海鮮又點睇？   成個魚缸海鮮有齊三點蟹、海蝦、砂白、海蜆及蟶子，每隔一陣就會蒸好任拎，夠安心了吧！   凍海鮮 當然，凍海鮮的陣容都不能小覷，有琵琶蝦、加非蟹、扇貝、青口、翡翠螺、海蝦及墨魚仔，種類比起香港好多酒店要豐富。   最重要係夠新鮮，解凍處理得好好。   醃海鮮 好少地方會提供醃海鮮，因為怕衛生問題，不過餐廳用熟海鮮，疑慮會少好多。   包括有醃青口、醃甜蝦、醃海螺、醃八爪魚及醃墨魚。   刺身 鵝肝是亮點，問過師傅，並非是煎鵝肝，而是蒸熟後，再放入以紅酒、香料及糖調製的醬汁中冷藏浸泡而成，難怪外表紅彤彤的，入口甜美，有種即化的感覺。   另一加分點是熟成章紅魚，肉質肥美軟熟。   加上金槍魚、希靈魚、醋鯖魚、八爪魚及三文魚，這個刺身陣容真的很豐富。   鐵板燒 品種勁多，有牛排、羊排、烤小黃魚、烤黃立倉、烤金鯧魚、麵筋、紅酒燴雞、英式炸魚薯條、咖哩牛肉、泰式豬頸肉、酸椰菜配芝士腸及桑巴醬炒海鮮。   個人推薦烤羊排同泰式豬頸肉，前者夠臊香，後者有嚼口。   當然仲有什錦壽司。   湯 燉湯是醇香的花膠燉雞湯，屋企好少花時間燉湯，所以有機會都會係外邊飲。   另外有好少見既清燉羊肉及豬肚雞，如果不怕成肚水，頻頻上洗手間，都應該試試。   熱葷 蒜香小龍蝦 近年都喜歡上，所以每次都拎一大碗慢慢嘆。   燒味有白切雞同滷鴨。   避風塘炒海鮮辣辣地好開胃，都好受大家歡迎。  而蔥爆羊肉同小酥肉就好香口惹味，反正好多酒類，佐酒最啱。   加上臘味炒時蔬同水煮鱔魚，都幾受客人青睞。  涼菜 有拍黃瓜及涼拌千張。   甜品 以迷你版為主，有薄荷草莓蛋糕、雪域芝士蛋糕、脆皮泡芙、檸檬酸奶、夏日青椰、樹莓白巧克力、草莓香草芝士蛋糕、焦糖香蕉巧克力蛋糕、水果奶油杯、檸檬撻抹茶巧克力、 椰子蛋糕。   也好，避免給客人弄至凌亂破落，影響食慾。  內地品牌雪糕杜佰瑞（T'oBeray） 芒果、綠茶、香草、朱古力、奶油、草莓、黑芝麻、紫薯以及Rum酒，想食幾多都得。   雪條有德華牌完美手包綠豆、手包紅豆及原味酸奶三種口味，口感及味道是兒時單純的回憶。   飲品 可以話係少見的眾多。   先係有即調的有含酒精以及不含酒精的雞尾酒。   另外有CAVA 白酒、紅酒及梅酒。  果汁有鮮榨西瓜汁、葡萄汁、鮮榨青瓜汁以及蘋果汁，大人小朋友都啱。   內地品牌VOSS 芙絲氣泡水，有青檸生薑味、青提葡萄味以及櫻花白桃味。   當然仲有不同口味的汽水。  水果 整個水果區超過十款水果，包括菠蘿、火龍果、西瓜、哈密瓜、熱情果、蜜瓜、青蘋果、青提、香蕉、人參果及柑桔，飯後果都照顧到，真細心。   畢竟是團年飯的日子，如果不想又是中菜的話，不妨考慮一下食自助餐。 酒店專頁 : 深圳華僑城洲際大酒店 酒店地址 : 深南大道6005号金茂深圳JW萬豪酒店2層 想知道更多深圳資訊 : 深圳美食玩樂團(更新版) 大灣區吃喝玩樂齊分享 小紅書 : 美食焚化爐 IG : foodiephilip 希望各位喜歡這篇文章的朋友，請在我的專頁上剔"LIKE"，當作小小的鼓勵吧!謝謝!   http://www.facebook.com/foodiephilip #生蠔 #鵝肝 #自助餐 #龍蝦 #團年飯 #美食焚化爐 #環迴深圳 #深圳金茂JW萬豪酒店 (此文章由U Blog 同步發佈至社群)

U Lifestyle

打卡熱點

香港12間聖誕打卡餐廳推介2024🎄聖誕自助餐／情調餐廳／早鳥優惠一覽😍

聖誕大餐2024│聖誕節活動點少得同摯愛一齊去食聖誕大餐😋！小編今次為您精選咗12間有情調食物又高質嘅餐廳🎄，無論您想食聖誕自助餐、米芝蓮餐廳、自助早午餐定omakase都有選擇💕，當中部份仲有低至７折早鳥優惠。建議大家盡早訂座，提早搵好餐廳嘆盡優惠，咁就可以歡度佳節啦🥰~即刻去圖啦(附早鳥優惠詳情)❗ ----- 🎄香港聖誕餐廳推介2024 (Click圖有詳細介紹同早鳥優惠詳情！) 1/ 東涌世茂喜來登酒店-嶼坊 聖誕自助餐 👉🏻訂座 2/ 皇家太平洋酒店-堤岸酒吧  半自助餐 👉🏻訂座 3/ The Optimist 西班牙半自助早午餐 👉🏻訂座 4/ Jimmy's Kitchen 👉🏻訂座 5/ 香港麗晶酒店-Nobu 7道菜廚師發辦晚餐 👉🏻訂座  6/ 置地文華東方酒店-SOMM  暢飲早午餐體驗 👉🏻訂座  7/ 置地文華東方酒店-Amber 👉🏻訂座  8/ Magistracy Dining Room 👉🏻訂座  9/ 馬哥孛羅香港酒店-Cucina 👉🏻訂座  10/ 四季酒店-ARGO 自助早午餐 👉🏻訂座  11/ Vista 👉🏻訂座  12/ ALTO 👉🏻訂座 ----- 圖片來源：官網 #BESTFOODwithUCreator  #UCreatorHK  #香港好去處  #香港美食  #聖誕好去處2024  #聖誕2024  #聖誕活動2024  #聖誕餐廳  #聖誕餐廳優惠  #自助餐  #聖誕大餐  #聖誕自助餐