惠康獨家「相機仔盲盒」爆紅！一上架即被狂掃斷貨！網上炒價飆至四位數
近年復古風潮持續升溫，帶著懷舊色調的迷你數碼相機亦成為新寵，吸引不少人追捧。早前惠康超級市場更獨家推出可口可樂數碼相機換購優惠，造型可愛十足，剛開賣已掀起搶購熱潮，不到一日時間已陸續有分店宣布換罄。事件引來網民熱烈討論，有人大讚設計吸引，亦有人不滿貨量過少，相關產品更在網上出現炒價情況，甚至有賣家直接標價至四位數？
惠康限定｜可口可樂迷你相機 超可愛集齊三款汽水設計
惠康超級市場日前（19日）推出獨家限定「可口可樂™迷你數碼相機」換購優惠，顧客只需於惠康購買有汽產品滿$65，即可以優惠價$50換購迷你數碼相機。今次相機共有三款，包括紅色可口可樂款、綠色雪碧款、橙色芬達橙汁款，隨機附送SD card、USB-C線、掛飾扣，優惠期至2026年1月1日，數量有限，換完即止。
開賣一日即被瘋搶 多區分店迅速換罄
活動推出後即掀起搶購熱潮，多區分店於短時間內換罄，引起大批網民熱烈討論。不少網民分享成功換購經驗，有人透過網店成功入手，亦有上班族表示下班後到門市仍能換到，形容相機「超正」、「仲靚過台灣果隻」。亦有不少人一次過換購多部，指仍可選擇顏色，更大讚是「今年性價比最高的玩具出現了」。
點擊看網友留言
港人抱怨貨量太少：搵咁多間都冇貨
不過，亦有不少網民抱怨不滿貨量過少，指多間分店早早換罄，質疑宣傳與實際供應落差甚大，「搵咁多間都冇貨」、「冇得換了」、「咁快冇晒」，更有人在社交平台發文詢問「有冇人知道邊間仲有？我真係好想要」。
網民質疑宣傳與供應不符
有網民對活動安排表示不滿，「呢啲係咪詐騙？一日都未過就冇得換」，質疑是否屬常見的市場推廣手法，甚至形容「咁少貨就唔好喺度嘥錢賣廣告啦」。亦有留言要求惠康或可口可樂考慮補貨，以回應市場需求。
與此同時，有網民發現二手買賣平台Carousell上已出現大量轉售貼文，「睇Carousell就知，成盒咁賣，賣到$200個」、「旋轉啦！大把貨，$200起，唔使去搶」，亦有人質疑「好明顯比員工抽起黎賣」。
點擊看網友留言
炒賣情況惹關注 部分賣家設四位數高價開標
翻查資料，現時二手買賣平台Carousell上出現迷你相機的帖文，迷你相機開價高達每部百元起跳，遠高於原換購價；更有個別賣家將標價設至$3,130，炒風頗為誇張。
來源：惠康超級市場
-
潮流玩物
惠康 x 可口可樂盲盒📸！$50換迷你相機！🥳
惠康同可口可樂聯乘嘅盲盒超抵玩!買滿$65單一發票加$50就換到呢款迷你數碼相機,隨機7款設計,附4GB MicroSD卡､USB-C線同掛飾,隨身帶超方便!🤩 1.6百萬像素(1440x1080)拍照+30fps錄影,內置閃光燈､自拍鏡､7種濾鏡同4款KODAK相框,電池200mAh充滿用足一日,尺寸細到只30g當鑰匙圈啱晒 小朋友影party照､大人拍Y2K復古風,支援至128GB卡,開盒驚喜感爆棚,聖誕派對必備!#可口可樂#惠康#盲盒#盲盒開箱
閱讀更多
-
著數報料
SnapRoll菲林盲盒登場！1:1復刻菲林外型！
Escura Lab 推出的 SnapRoll 菲林卷相機盲盒，把懷舊 135 底片 1:1 神還原，變成僅重 22g 的數碼相機鑰匙圈！配備 1.3 吋顯示器，能拍攝 1440x1440 照片和錄製短片。內建 4 款濾鏡和底片相框，讓你一鍵為數碼影像增加層次和質感，共有 6 款獨特復古設計，還有稀有的隱藏版！ 圖片來源：@escurainstant60s #相機 #菲林 #svtum
閱讀更多
-
潮流玩物
LOG-ON (朗豪坊店)
迷你懷舊相機！估你唔到嘅驚喜🎁！
話說神秘君早排無啦啦話買左樣野俾我, 話我一定會鐘意,而且我應該估唔到係咩🫣 但大家都忍唔住,佢影相俾我睇, 我可以話當時心情係興奮🤩🤩🤩🤩🤩 知我者莫過於他也☺️☺️☺️☺️☺️ 就係而家最流行,到到都賣哂嘅Kodak Charmera盲盒!🥰📸 Kodak Charmera 迷你鎖匙扣數碼相機係以1987年面世的傻瓜菲林相機 Kodak Fling 為靈感💭 佢雖然造到好迷你,可以作鎖匙扣隨身掛, 但佢內置function唔少,有4款Kodak相框及7種特效濾鏡,做到復古感嘅相,解析度為1440 × 1080,亦可以支援 30fps AVI 動態錄影,攝影作品可以經USB-C或microSD記憶卡(128Gb)直接輸出｡ Kodak Charmera一共推出7款盲盒設計,但透明隱藏版得1/48機會抽中,睇你運氣啦🔮😆 每個盲盒內含 Kodak Charmera 鎖匙扣數碼相機､USB-C充電線及鎖匙扣配件｡ 𝕂𝕠𝕕𝕒𝕜 ℂ𝕙𝕒𝕣𝕞𝕖𝕣𝕒規格 影像感測器:1 ⁄ 4 吋 CMOS 鏡頭:35mm F2.4 插頭:USB-C 儲存:Micro SD (1GB-128GB) 影像輸出:1440 x 1080,1.6M像素 圖片格式:JPEG 幀率:30 fps 視頻格式:AVI 電池:可充電200mAh 尺寸:58 (W) x 24.5 (H) x 20 (D) mm 重量:30g 材質:ABS 封面相及內容Source: {{hket:tag-user display="ZALORA"}}871995{{/hket:tag-user}}Zalora Thread Facebook @KodakPhilippines X @dgn_cmpss IG @kodakfilm.reto #盲盒開箱#kodak盲盒相機#kodakcharmera#潮流玩物#攝影#Photography#Vintage#懷舊#ucreator#ucreatorhk#lifestyle#Hongkonger#copperlui
閱讀更多
港生活限時優惠情報
《U GO》請您睇《末日聖母號》！
史詩科幻電影🌌Project Hail Mary🚀
【🎁免費送】U Community社群送您疤痕敵除疤啫喱100盒！
假日好去處