DAISO $12洗面神器再掀熱話！暗瘡變少仲可以清黑頭？港人實測用足10年：好過買美容機
DAISO平價好物再掀熱話！近日有港人在Threads分享一款只售$12洗面蒟蒻海綿，直言用足10年仍回購不斷，更大讚有效減少暗瘡，性價比遠勝動輒過千元的美容儀器。帖文一出，即引起大批網民關注，有人即被「燒到」想試，亦有人分享使用心得及提醒潛在缺點。
大創$12洗面神器獲大讚 港人：用足10年好抵玩
樓主在帖文中表示，自己使用這款「洗面神器」已有十年，他形容「真係幫到唔少，幾個月先會生一次暗瘡」，效果相當明顯，絕對是平價潔面必備好物。隨後，樓主更將其與昂貴美容機比較，指「一個月換一舊，一年先$144蚊」，直言實用又抵玩。
原來是日本人氣「清黑頭神器」 ？
翻查資料，DAISO蒟蒻海綿已流行多年，它以100%弱鹼性的蒟蒻製成，質地溫和低剌激，即使敏感肌也能使用之外，能輕鬆洗走臉部髒污和皮脂，讓肌膚變得光滑又明亮！除了水滴形，這款海綿也有圓形和心形，價格便宜又好用，CP值極高，更被不少日本用家封為「清黑頭神器」、「DAISO隱藏版潔面好物」。
網民疑惑：請問係點用㗎？
不少網民看後大感吸引，留言「好得意咁，仲要先$12」、「好吸引，俾你燒到」，有皮膚狀況不穩的網民表示有興趣一試，希望改善「爛面生粒粒」問題。亦有人詢問正確用法，包括是否需要配合洗面奶、如何起泡，以及在哪個地區的DAISO購買。
即睇網民留言
樓主親授「蒟蒻海綿」正確用法
而樓主亦有回覆網民，表示自己在香港、日本也能買到這款海綿，除了分享正確使用方法，他亦提醒海綿必須在濕潤狀態下才能使用，「係濕潤有彈性既時候用」，否則效果大打折扣。
正確使用方法一覽
- 開封後先用清水浸泡，令海綿回復彈性（可同時加入洗面產品）
- 使用時，直接在海綿上加入洗面產品，起泡後才在臉上打圈清潔（如洗面產品不會起泡，便直接使用即可）
- 使用後需徹底沖洗並掛起晾乾即可（避免海綿長期處於潮濕狀態）
- 下次使用時，同樣先用清水浸泡，令海綿回復彈性狀態即可
網友分享用後感 留言有讚有彈
帖文引來大批網民分享用後感，有人留言力撐，指早年已使用蒟蒻海綿，感覺「好滑滑」，清潔感不錯。
網友力撐好好用
不過也有網民提醒，指香港天氣較為潮濕，這款海綿難以保持乾爽，容易有發霉的情況。亦有網民認為該款海綿質感較為粗糙，「12蚊店個d好粗好鞋」，手感不及日本或台灣製版本，建議新手使用時多加留意。
部分網友勸退
市面蒟蒻潔面海綿選擇多 最平$27有交易
除了DAISO外，其實市面上亦有不少品牌推出蒟蒻潔面海綿，包括YHKCare、Slowood、The Face Shop等品牌，價格$27至$89不等，選擇相當多元，大家不妨按個人膚質及預算選擇合適款式。
來源：Threads
圖片來源：YHKCare、彩豐行、Slowood、屈臣氏、The Face Shop
-
美妝時尚
爆紅「DAISO洗面神器」真實用後感💦 網民: 好耐冇生暗瘡！
最近一款美容小物在Threads上爆紅！呢一個洗面神器做到去角質效果😳網民仲表示用咗十年，抵玩過洗面機！想知係咩就即刻睇睇~ 呢個神器其實係洗面蒟蒻，源自日本，由天然蒟蒻纖維製成，它的密度十分高，而且表面充滿氣孔，只要用它在面上打圈清洗，就能帶走污垢和角質！DAISO都有推出呢款產品，價錢只需$12！ 個人真實用後感: 用了幾次之後，暫時感覺良好！ 使用方法很簡單，如post主所說，只需在神器上加洗面奶，加少少水，起泡後上面打圈即可！輕微的磨砂感令皮膚有即時平滑的感覺😳尤其在有化妝的日子特別需要做好二次清潔，用了這個洗面蒟蒻感覺更加乾淨，像用了去角質產品，我會繼續用～ 圖片來源: Threads, Sasa官網, Daiso官網 #女生 #美妝 #護膚 #洗面 #洗面神器 #洗面蒟蒻 #護膚心得 #攻略 #daiso好物 #大創好物
閱讀更多
-
美妝時尚
平靚正！雪肌精洗面泡泡✨
KOSE 雪肌精 White Washing Foam 雪肌精雪白潔面泡沫 $130/ 130g 功效：深層清潔+去角質+去黑頭+提亮 雪肌精雪白潔面泡沫來自雪肌精的基本系列， 也是雪肌精中價位最親民易入手的系列，開架品牌的中低價位定價比較不傷荷包，適合追求性價比高的用家使用。 雪肌精雪白潔面泡沫添加了一些美肌成分，而其中大部分為保濕成分。 雪肌精雪白潔面泡沫可以用起泡器起出柔滑綿密的企身泡泡，有效減少洗面時對肌膚的磨擦。 帶淡淡的優雅花香，使用感舒適，令人放鬆心情。 清潔力挺好，可以深層洗淨毛孔髒污。 使用後，肌膚更潔淨亮白、富透明感、清爽水潤不乾燥不緊繃，變得更柔軟嫩滑。 #kose #雪肌精 #WhiteWashingFoam #cleanser #雪肌精雪白潔面泡沫 #洗面 {{hket:campaign display="法式科學護膚"}}{{/hket:campaign}}
閱讀更多
-
美妝時尚
藥妝店驚喜！☁️ 潔面慕斯試用報告
上個月喺藥妝店手痕執咗支Rosette潔面慕斯，用落真係有驚喜！本身見佢話係慕斯仲驚會唔夠實淨，點知一撳出嚟——嘩！啲泡沫密到癡線，好似一pat軟綿綿嘅雲咁，仲有陣陣好fresh嘅味🌊。 上臉打圈嗰陣，啲泡黐得好實，唔會滴到周身係。重點係清潔力超班！我T字位出油多，鼻翼啲油脂粒俾佢揉兩揉就鬆咗，沖水後成塊面爽爽哋又唔繃緊，摸落去仲有種啜走晒污糟嘢嘅乾淨感！ 最正係懶人恩物，慳咗起泡時間，同埋價錢又平抵玩過好多專櫃貨。敏感肌嘅我用完冇紅冇痕，溫和得嚟夠力，聽日即刻去囤多支先！ #夏日購物賞
閱讀更多
港生活人氣本地熱話
【 #招募酒店試住員🏡 】
↓ 免費入住新5星酒店 + 嘆精緻下午茶 ↓
↓【限時搶⚡】置富Malls送Capybara PIMOO CAPY豚長春日禮品↓
↓冷靜應變變色杯｜豚長呆萌旅行收納袋套裝↓
假日好去處