奧運全新1.5萬呎「巨型遊樂場」登場！13大放電區免費玩 情人節送氣球/6米燈飾
【奧運好去處2026 / 遊樂場推介】新年長假期再加上情人節，又要為去邊玩而頭痛？奧海城全新戶外空間OC Commons 五環遊樂園於周四（2月12日）正式啟用，小朋友可於逾萬呎的免費遊樂設施盡情放電，同場更設有情人節市集、巨型馬年燈飾等。即睇遊樂園詳情，長假期一於「玩盡佢」！
奧運新地標五環遊樂園開幕 佔地約15,000平方呎
位於奧海城2期地下的全新戶外空間「OC Commons」於周四（2月12日）開幕，主打「五環遊樂園」佔地約15,000平方呎的超巨型戶外遊樂空間。
運動會主題：13大關卡小朋友免費玩
遊樂園以運動會「五環」為設計概念，劃分為「動力潛能」、「感知啟發」及「動感爆發」3大主題區，合共提供13個遊樂設施，包括考驗平衡力的攀爬架、滑梯等，能讓小朋友在遊戲中鍛鍊體能與社交技巧，而且免費開放，可以成為小朋友今個新年最強的「放電專區」。
情人節市集免費派氣球＋必搶珍珠盲盒
同場舉辦的「Sharing Love Market」市集（2月10日至16日）集合了多個本地特色品牌，超級好逛。市集現場包括有過年應節的木製立體揮春、新年禮盒、年花，還有精緻的編織首飾、香熏蠟燭等手工製精品，就寵物的新年新衣、飾物都有得買，今年一於同寵物一起「紅住過馬年」！除了買之外，還有得「玩」：你可以「即場抽珍珠盲盒」，即開即製專屬首飾，作為情人節禮物簡直驚喜度爆燈 ，還有可以調配的個人專屬香囊，貼身又貼心 。
各位想添加情人節氣氛的話，一定不要錯過在2月14日情人節當日的特別安排，現場會免費派發限定愛心氣球，用實際行動實踐「分享愛」，影相打卡都「靚啲」 ！
6米高馬年巨型燈飾 打造最浪漫打卡夜
黃昏過後還有節目！同一個地點晚上將會搖身一變成為浪漫燈海。為迎接馬年，奧海城特設「駿馬迎福花燈會」，展出5組高達6米的巨型馬年主題花燈，加上長達5米的巨型桃花樹拱門和130個幻彩燈籠，整個廣場被璀璨燈飾包圍，完全是「沉浸式」享受節日氣氛。
奧海城2期全新戶外空間「OC Commons」活動詳情
| Sharing Love市集「分享愛．連結社區」 | 「駿馬迎福花燈會」 | 五環遊樂園 | |
| 日期 | 2026年2月10日至16日 | 2026年2月10日至3月18日 | 2026年2月12日起 （2月10-11日將率先開放試玩） |
| 時間 | 中午12時 至 晚上9時 | 早上10時 至 晚上10時 | 早上10時 至 晚上9時 （2月12開幕日當天由下午5時起開放） |
| 地點 | OC Commons | 奧海城2期地下戶外廣場 (櫻桃街的士站附近) | ||
圖片及資料來源：奧海城官網、Facebook@奧海城
2026香港櫻花大爆發！全港8大「賞櫻秘境」粉紅綻放、機場/馬鞍山百棵花海 附交通攻略
【香港櫻花2026／賞櫻地點推介】香港櫻花2026正式盛放！隨着立春將至氣溫逐步回升，香港多區櫻花陸續大爆發，為城市添上春日浪漫氣息。根據康文署及市民分享，馬鞍山、沙田、大埔等地櫻花已進入開花期，預計未來一星期將達至盛放高峰。本文整合2026年8大熱門賞櫻地點，部分更設有逾百株櫻花樹，免費開放予市民參觀，賞花之餘亦可順道打卡留念，即睇詳細交通方法！
-
親子
奧海城 OC Commons 五環遊樂園
奧海城新遊樂園🎡 小朋友放電天堂！💪
#親子好去處 奧海城全新社區地標 OC Commons 戶外空間✨五環遊樂園✨隆重開幕啦🎉佔地15,000平方呎既公園，以運動會五環主題概念🏆以三大主題區域，開發13組遊樂設施⛲讓小朋友於日常玩樂之中循序漸進開發體能、心理、社交、情感、靈性方面既成長,達致全人發展。係帶小朋友放電一流嘅好地方👍🏻 動力區💪🏻 🪢歷險網環：最高達2️⃣米、長達3️⃣8️⃣，讓小朋友挑戰體能與膽量❤️ 🪵竹林迷宮：以自然竹林為靈感而設計，考驗小朋友內心與智慧✨ 感知區🤲🏻 ⛰️山丘秘境：高低不平色彩繽紛的小圓頂，模擬自然山嶺。內裏埋藏聲樂，訓練小朋友聲樂感及平衡力🚶🏻♂️ 🧍🏻彈彈山丘：三個山丘彈床讓小朋友盡情跳彈✨ 🪵竹林陣：小朋友變身攀爬高手，係唔同高度竹竿穿梭，訓練身體協調能力💪🏻 動感區🤹🏻♂️ 係區內最多的設施，共有7️⃣項。 🏝️共融氹氹轉：與地面高度一致及設有輪椅空間，讓傷健朋友可以一同享受設施，盡情玩樂💕 設施仲有分布不一的樹狀柱、攀爬網索、鞦韆與滑梯，讓小朋友鍛鍊身體、刺激思維、加強社交能力。 OC Commons嚟緊仲有一年串社區活動✨ Sharing Love 市集💕 2月10日至16日舉行，以「分享愛.連結社區」做主題❤️ 匯聚本地手作品牌、慈善機構及年青創業家，共同打造一個充滿創意、善意與人情味的期間限定市集✨ 2月14日情人節當天，市集更免費派發愛心氣球❤️讓大家在當天共享甜蜜與愉快時光，一同分享愛💕 駿馬盈福花燈會🪷 帶來五組由駿馬作為主題的巨型花燈🐎其中包括高達6️⃣米重點花燈「駿馬奔騰」，為新一年展開注入磅礡氣勢💪🏻 🌴綠化社區 於OC Commons 戶外，精心種植紫花風鈴木💮花期一般去到3️⃣月，現正值開花時期✨打卡完全勁靚呀😍 OC Commons ✨五環遊樂園✨ 🕐 時間：上午十時至晚上九時 📍 地點：奧海城2期地下戶外廣場（櫻桃街的士站旁 {{hket:campaign display="社群三月快閃送"}}{{/hket:campaign}}
閱讀更多
-
親子
奧海城二期
五環樂園免費玩！小朋友放電之選 🎉
🆕奧海城新嘢!🆓免費｢五環遊樂園｣開幕,小朋友放電首選!仲有靚爆紫花風鈴木打卡📸 👧🏻奧海城個全新親子放電熱點啱啱登場,仲要係免費任玩!以運動會五環做概念,打造咗個｢五環遊樂園｣,啱晒一家大細嚟放電｡ 🛝成個遊樂園分咗三大主題區,由靜態到動感,包你班小朋友玩到唔願走: ⚫️ 動力區(灰色環) 呢度有個38米長嘅｢歷險網環｣,懸空設計夠晒刺激,真係要考驗吓小朋友嘅膽量同體能!行完網陣仲有個｢竹林迷宮｣,考你耐心同智慧,作為熱身就啱晒｡ 🟢 感知區(綠色環) 呢區專為激活身體協調同感知能力而設!｢山丘秘境｣有高低起伏嘅彩色小圓頂,小朋友可以爬上爬落;隔離仲有｢彈彈山丘｣彈床同｢竹林陣｣攀爬區,包保佢哋玩到成身汗｡ 🔴 動感區(紅色環) 呢區最熱鬧!有成7項設施咁多,包括樹狀柱､攀爬繩索､鞦韆同滑梯,款款都咁吸引｡最特別係特設嘅｢共融冰磚轉｣,唔同能力嘅小朋友都可以齊齊玩,夠晒貼心! 除咗玩到癲,外圍嘅黃藍環仲種咗好多棵紫花風鈴木,而家花期正盛,粉紫色花海襯到盡,影相打卡真係超靚! 今個新年假期,唔使諗去邊啦!帶埋小朋友去奧海城放足電,玩完仲可以行埋商場,夠晒圓滿! OC Commons｢五環遊樂園｣ 📍地點:奧海城2期地下戶外廣場(櫻桃街的士站對出) 💰費用:全免 @olympiancity @abovthelinepr #OCCommons#戶外共享空間#全新社區地標#五環遊樂園#OlympianCity#免費放電#奧海城#親子遊樂園
閱讀更多
-
香港攻略
奧海城 OC Commons 五環遊樂園
💥奧海城巨型新樂園💥👶🥳
✨奧海城全新11萬呎親子樂園!巨型遊樂場🛝 又有新玩樂場所介紹俾大家🥰奧海城全新社區共享空間｢OC Commons｣ — 聯同智樂兒童遊樂協會攜手呈獻嘅｢五環遊樂園｣,已經正式開幕啦🥳 場地以奧運五環為概念,設有三大主題區,一共13組遊樂設施,今個新年有多個新蒲點同小朋友放電啦😍場內仲種植左紫花風鈴木,依家係開花時期,紫粉紅色嘅花喺樹冠上密集綻放🌸吾講仲以為係日本🥰可以邊玩邊打卡📸 ｢五環遊樂園｣三大主題區: 1️⃣動力區:38米長｢歷險網環｣ 及 ｢竹林迷宮｣,挑戰體能､膽量同耐性! 2️⃣ 感知區:｢彈彈山丘｣､地面內藏聲樂體驗､及｢竹林陣｣,刺激小朋友各種感官和協調能力｡ 3️⃣ 動感區:樹狀柱､攀爬繩､鞦韆､滑梯､輪椅友善共融氹氹轉等各種放電設施｡ 🎀同場仲有期間限定活動:Sharing Love 市集+駿馬花燈會🏮 🩷Sharing Love 市集:匯聚本地手作品牌､慈善機構同年青創業家🧑🏻🎨一於齊齊留港支持本地品牌~ 🪭駿馬迎福花燈會:6米高巨型花燈｢駿馬奔騰｣同大家迎接馬年🐎,打卡必拍😍 【OC Commons 五環遊樂園】 地點:奧海城 2期地下戶外廣場(櫻桃街的士站對出) 時間:10am - 9pm (2:30pm - 3pm 為清潔時段) 備註:限12歲或以下兒童 @olympiancity @abovthelinepr #OCCommons#戶外共享空間#全新社區地標#五環遊樂園#OlympianCity#親子好去處#打卡熱點#放電好去處{{hket:campaign display="社群三月快閃送"}}{{/hket:campaign}}
閱讀更多
港生活人氣好去處
【免費送🎁】Cetaphil舒特膚高效清爽低敏防曬啫喱☀️
↓ 無油啫喱質感清爽不黏笠💧立即登記 ↓
《U GO》請您睇《末日聖母號》！
史詩科幻電影🌌Project Hail Mary🚀
假日好去處