結業潮｜$12蚊店疑再有分店結業推出優惠「一減再減」！突然半價清貨似結業先兆？
【超市優惠｜AEON｜12蚊店｜著數｜減價】近年AEON旗下「12蚊店」LIVING PLAZA及DAISO接連出現收縮情況。早前有網民發現，將軍澳坑口南豐廣場LIVING PLAZA（$12店）連番減價，由「全場7折」再降至「全場5折」，吸引大批市民掃貨的同時，亦引發結業猜測。不過事件隨即出現「反轉」，同場日本城亦貼出「租約期滿」及半價清貨海報，其後證實屬同場搬舖安排，有消息更指日本城或遷入現時LIVING PLAZA舖位，令坑口2蚊店去向成焦點。
坑口12蚊店優惠「一減再減」惹結業疑雲
根據Facebook群組「AEON Stores關注組」的照片顯示，位於坑口南豐廣場的LIVING PLAZA原本推出「全場7折」快閃優惠，優惠期至2月22日。不過，早前有網民發現店內再貼出新的告示，宣布由即日起至3月8日期間，全場貨品一律5折。從照片可見，店內掛滿「OUTLET SALE」等大型減價海報，減價幅度亦由7折進一步降至半價，引來不少網民猜測是否執笠先兆。
原是「全場7折」快閃優惠
近日改為全場貨品一律5折
延伸閱讀：AEON 12蚊店全場7折！廚具/家品/零食/茶飲/公仔$8.4起！附分店地址
AEON旗下12蚊店面臨收縮結業潮？
翻查資料，近期日資百貨AEON旗下家品店Living Plaza及DAISO均出現收縮情況，單計2025年，已有9間分店宣布結業，另有1間分店暫停營業，地點遍布港九新界多區。有網民則指出，這些分店結束營業前通常會推出「本店限定優惠」。以去年12月暫停營業的九龍城分店為例，當時亦突然推出「全場半價」優惠，與今次坑口分店情況相似。
延伸閱讀：12蚊店都捱唔住？盤點2025年AEON「結業潮」名單 一年連執8間街坊嘆：回憶無晒
日本城搬舖疑「踢走」AEON？
正當大家還在猜測是否結業前夕時，事件卻出現「驚人反轉」。原來同場的日本城亦貼出「租約期滿」、「全場5折」的清貨海報，據聞今次並非真正執笠，而是「同場搬舖」。更有消息指，日本城或將遷至現時LIVING PLAZA坑口店的舖位，推測真正離場的可能就是AEON。
據店內職員透露，日本城南豐廣場分店會營業至3月底，亦證實了今次半價優惠屬搬舖前清貨安排，而非結業離場，新舖將搬至同商場位於地下的舖位繼續營業。事實上，現時LIVING PLAZA坑口店所在舖位的前身正是日本城，所以日本城只是為「重返舊址」營業。
延伸閱讀：將軍澳日本城5折清貨疑結業？真相大反轉！傳「踢走」同場AEON
網民不捨：再少一間 $12 店
至於Living Plaza坑口店的去向暫時未知，《港生活》記者已向AEON作出查詢，惟截至截稿前仍未獲回覆。不過有街坊就指居內平價家品店已經買少見少，不捨再少一間$12店。
-
日本之行
香港
Daiso22大好物推介‼️日圓跌香港Daiso變返$10店？
日圓下跌,連香港Daiso都推出優惠🫣時光倒流變返以前嘅$10店?原來只限3日‼️AEON旗下嘅Living Plaza同Daiso Japan推岀限時優惠,今個月10,20,30號$12商品👉🏻變做$10‼️ 即刻睇我嘅22大好物推薦,一齊把握時機掃貨啦🥳跟住圖去買更方便~ 無論生活家品､收納好物､廚房用品,通通都有👏🏻近期天氣熱翻,推介大家買驅蟲劑,捕蚊神器(圖3)呢類｡ 另外仲有女生適用嘅摺疊式矽膠洗掃神器,方便好用,記得買埋支洗掃液,個人私心無限回購💖!仲有女性生理期恩物🥹內衣褲洗淨液(圖6),好貼心! 廚房用品超推介買牛油儲存盒,仲包埋切割器,牛油放雪櫃方便保存🧈 最推介就係一款日本Daiso人氣No.1產品🔥交比大家去圖16睇,簡直係煮食界偉大發明! 香港同日本都有呢啲Daiso商品㗎,如果你哋即將去日本旅行🇯🇵依家5算就更抵買!快啲跟住我嘅好物推介掃貨啦🛒 想睇更多日本家品店系列去呢度👉🏻 #日本家品 圖片來源: 日本Daiso官網 #日本好去處#UCreator#旅行打卡#旅遊行程#旅行美食#日本必食#日本之行#日本必買#好物推介#好物分享#攻略#著數報料#日本攻略
閱讀更多
-
著數報料
Living Plaza同Daiso Japan$12貨品減至$10！本月限定優惠！
各位街坊注意！本月10、20、30號係Living Plaza同Daiso Japan嘅$10日！🥳 所有原本$12嘅貨品全部減至$10，抵到震！快啲mark低呢三個日子，約齊朋友仔一齊去掃貨啦！記得留意優惠只限呢三日時段，唔好錯過喇！🤩 #LivingPlaza #DaisoJapan #十蚊日 #掃貨 #抵買 #限時優惠
閱讀更多
-
著數報料
文具佬中環店結業清貨🥹🥹🥹
近日文具佬於其官方社交平台宣佈，中環分店因租約期滿正式結業。並於結業期間推出全場清貨優惠，買滿$100即享九折、$200即享八折。 文具佬官方表示，三年內於中環區的分店均因業主加租、租約期滿等原因結業收場，並預告「中環區暫時唔會考慮搵返一間舖開分店」。不過，文具佬仍於其他地區持續擴充，同步文具佬青衣分店亦正式開業。 文具佬中環分店詳情 地址：中環德輔道中71號永安集團大廈地下A號舖 營業時間：09:00 - 20:00 (星期一至日) 來源：文具佬生活百貨 Stationery Lo
閱讀更多
港生活限時優惠情報
-
1
教育優惠2026｜全港7大教育優惠大比拼！學生買電腦/平板低至28折！MacBook新機唔使$4000！PS5都有得平
-
2
尖沙咀海港城馬拉松開倉低至2折！Nike／adidas／Columbia外套/波鞋低至$20 同場廚具開倉 Tefal平底鍋$199起
-
3
銅鑼灣時代廣場名牌開倉低至1折！男女裝/休閒鞋/袋款低至$50 PINKO／OWNDAYS／Marc Jacobs／Superga
-
4
【5月生日優惠2026】逾70個食買玩著數全集 迪士尼酒店65折/Uniqlo送現金券/半島自助餐買1送1！
-
5
中環文華東方酒店自助餐買一送一+第3位$51！任食波士頓龍蝦/阿拉斯加帝王蟹腳/生炸乳鴿/文華芝士蛋糕/燕窩蛋撻
請您睇💚BILLIE EILISH 巡演(3D現場版)
↓將世巡HIT ME HARD AND SOFT嘅珍貴畫面搬上大銀幕🎞️↓
↓【請您去Staycation🏡！】↓
假日好去處