【行山好去處2026】香港8個新手行山路線推介 市區/郊野公園/港版萬里長城 親子遊必去！

U Lifestyle

打卡熱點

【行山好去處2026】香港8個新手行山路線推介 市區/郊野公園/港版萬里長城 親子遊必去！

平時返工壓力大，難得放假梗係要遠離市區，發掘香港大自然景點洗滌下心靈！唔少香港人都會趁週末行下散心，今日小編就整理出香港8條適合新手嘅行山路線，當中有港版萬里長城、大尾篤等親子熱門郊遊路線，最快半個鐘可以行完！即刻save低開展健康人生～👩🏻‍🦯🧑🏻‍🦯 ----------------- 【快閃送⚡】主題樂園門票100張！ 復活節假有咩親子活動plan，唔使煩！社群送您主題樂園門票，帶您週末長假期去坐纜車、探望大熊貓、玩機動遊戲！即日起至2026年3月18日，簡單登記即有機會贏走主題樂園門票兩張～ 我想去主題樂園放電 ----------------- 📝行山前準備事項： 行山最驚就係行行下接收唔到訊號！想時刻確保自己行梗正確嘅方向，出發前記得下載定「Hiking Trail HK」APP，提供過百條行山路線及離線地圖，亦都可以繪畫及預先尋找各區行山路線，行山人士必備！ ----------------- 1️⃣上水華山 位於上水嘅華山係唔少一家大細週末行山好去處！因為連接住長甫頭、杉山、馬頭嶺等八座山山脈，所以有港版「萬里長城」之稱。全長約6公里，路線可以觀賞埋梧桐河及深圳邊境嘅景緻，更可打卡著名「皇家香港軍團」遺址！重點係路線冇乜樓梯，行走時唔會太吃力，絕對係適合新手行山嘅不二之選！ ⏰預計時間：約3小時 🚖交通：上水廣場巴士總站搭乘73K巴士於「虎地坳站」下車 📍路線：虎地坳 →  杉山  → 華山 →  北望神州  → 犀牛望月 → 坪輋路 > “兩腳大貓怪” 分享華山新手行山路線攻略< ----------------- 2️⃣ 龍脊 香港其中一條熱門行山路線非龍脊莫屬！位於石澳一帶，全場約8.5公里，因為海景開揚，又被稱為「亞洲最佳市區遠足徑」！由土地灣出發，經打爛埕頂山、龍脊山脊，沿路打卡石澳、大浪灣、大潭灣一帶嘅海岸線，社群U Creator形容雖然偶爾會有沙石路段，但難度較低，一家大細或行山新手輕鬆行！ ⏰預計時間：約2.5至3小時 🚖交通：筲箕灣站A3出口，轉乘9號巴士至「土地灣」下車 📍路線：土地灣村 → 打爛埕頂山 → 龍脊→ 石澳郊野公園 → 歌連臣山 → 大浪灣村 > “Raymond Cheung” 分享亞洲最佳市區遠足徑行走心得< ----------------- 3️⃣ 金山郊野公園 提到金山郊野公園，唔少人第一時間諗起好多「馬騮」，但其實呢條路線仲可以一次過遊覽四個水塘！由大埔公路石梨貝水塘車站出發，全程約5.5公里，路線較平緩而且多樹蔭，趁依家天氣涼爽出遊打卡最適合不過！ ⏰預計時間：約2小時 🚖交通：石梨貝水塘車站 📍路線：石梨貝水塘站 → 九龍副水塘 → 九龍接收水塘 → 石梨貝水塘 → 九龍水塘 > “高比仔” 同您分享金山郊野公園詳細路線< ----------------- 4️⃣ 油塘魔鬼山 位於油塘嘅魔鬼山係唔少行山新手嘅入門路線之一，佢又稱為「炮台山」，僅海拔222米。除咗可以打卡碉堡、炮台等歷史軍事遺跡之外，仲可以遠眺維港海景，特別係日落時分打卡景觀一流，係唔少親子遊必行路線之一！ ⏰預計時間：約1小時 🚖交通：油塘站A1出口步行至高超道出發 📍路線：高超道 → 衛奕信徑第三段 → 歌賦炮台 → 魔鬼山山頂炮台 > “吃喝玩樂全世界” 同您分享油塘魔鬼山路線及歷史故事< ----------------- 5️⃣南朗山 南朗山鄰近海洋公園，海拔約284米，係香港熱門親子行山路線之一！全程石階，除咗可以俯瞰海洋公園之外，仲可以打卡深水灣、香港仔避風塘全景，登頂只需約1小時，CP值極高！不過山上冇補給，記得出發前自備足夠食水～ ⏰預計時間：約1小時內 🚖交通：黃竹坑站B出口沿南朗山道步行至加拿大國際學校旁 📍路線：黃竹坑 → 南朗山道 → 南朗山亭 → 南朗山 > “泓楷澈” 同您介紹南朗山親子遊寶藏路線< ----------------- 6️⃣  西高山 西高山係港島第四高嘅山峰，海拔494米，位於薄扶林郊野公園入面！由山頂廣場出發，石屎路平坦而且景色優美，最後上600級樓梯就可以登頂，俯瞰維港全景及薄扶林至南丫島優美景色。登上西高山觀景台仲可以最佳視角打卡香港日落，勁浪漫～ ⏰預計時間：約1.5至2小時 🚖交通：中環交易廣場搭乘15號巴士至山頂廣場 📍路線：山頂廣場 → 夏力道 → 西高山 > “吃喝玩樂全世界” 分享西高山行山全攻略< ----------------- 7️⃣ 城門水塘 城門水塘係大受香港人歡迎嘅熱門行山景點，因為佢有唔同程度嘅路線，分別前往大埔、沙田、大帽山等等，無論行山新手定經驗人士都適合行！新手或者親子遊可以沿菠蘿壩自然教育徑行，圍繞城門水塘行一圈，唔單止望到白千層樹林自然景色，亦打卡到香港法定古蹟，全長約6.3公里，週末約定另一半或者屋企人去散下心啦！ ⏰預計時間：約 2.5-3 小時 🚖交通：荃灣站B1出口搭乘82號綠色小巴直達 📍路線：菠蘿壩自然教育徑  → 城門緩跑徑 → 白千層樹林 → 城門水塘主壩 → 菠蘿壩 ----------------- 8️⃣ 嘉頓山 嘉頓山又稱「喃嘸山」，位於深水埗同石硤尾之間，係市區其中一條最熱門行山路線，因鄰近深水埗嘉頓麵包總部而命名。高90.6米，而且步行約15-20分鐘就可以快速登頂，市區景緻一覽無遺，吸引唔少攝影師同行山人士於黃昏及夜晚影相吹風，亦都適合想搵個簡單方便嘅位置行山放鬆嘅您！ ⏰預計時間：約30分鐘 🚖交通：深水埗站D1出口到美荷樓青年旅舍小路上山 📍路線：深水埗站 → 美荷樓青年旅舍 → 嘉頓山 → 美荷樓青年旅舍 *以上路線難度僅供參考，實際情況受天氣及個人體能影響。行山時請量力而行，切勿餵食野生動物，並穿著合適裝備及自備充足水分。 招募U Creator l 出Post賺額外收入！ 立即登記➡️ https://ulapp.hk/nsq06  🔔 Follow《U Community社群》Instagram 同讚好 Facebook 專頁 ，睇更多U Creator品牌活動招募丶送禮丶緊貼最新美食丶旅遊打卡熱話或創作者流量密碼教學等。 ----------------- 圖片來源：社群U Creator {{hket:tag-user display="兩腳大貓怪"}}848289{{/hket:tag-user}} 、 {{hket:tag-user display="Raymond Cheung"}}979574{{/hket:tag-user}} 、 {{hket:tag-user display="peggie.dailylife"}}819229{{/hket:tag-user}} 、 {{hket:tag-user display="高比仔"}}190145{{/hket:tag-user}} 、 {{hket:tag-user display="泓楷澈"}}1010528{{/hket:tag-user}} 、 {{hket:tag-user display="吃喝玩樂全世界"}}839224{{/hket:tag-user}} 、 {{hket:tag-user display="Dollbb"}}264171{{/hket:tag-user}} 、 {{hket:tag-user display="Angela Chui"}}690943{{/hket:tag-user}}  #ULifestyleApp #UCommunity社群 #UCreatorHK #行山好去處 #香港行山 #新手行山 #行山路線  #親子行山 #親子好去處 #假日好去處 #新手行山路線 #初級行山 #港版萬里長城 #龍脊 #市區行山 #郊野公園 #香港打卡 #行山懶人包 #戶外活動 #週末好去處 #香港郊遊 #放電好去處

兩腳大貓怪

打卡熱點

上水華山

新手必去！港版萬里長城⛰️打卡📸！

[新手靚景特色之選😍]~「華山」一向被譽為「港版萬里長城」🤔!不過，最吸引我嘅係「前皇家香港義勇軍團」軍徽，雖然要高空俯瞰才完整，但望到亦滿足！😊� ✌️詳細介紹：https://youtu.be/4Y62g7FbzPg?si=ogNqK9Ik2AbLxkNR ✅ 景觀震撼： 360度無視野遮擋，一邊是香港翠綠山巒，另一邊是震撼的深圳城市天際線！ ✅ 新手友好： 全程多為柏油路，不需要專業裝備，帶上水和相機就能出發。 ✅ 打卡必到：八座山連在一起山巒起伏，譽為「「港版萬里長城」 ✅ 歷史感滿滿： 踏上舊軍事路，途可見著名的「皇家香港軍團」遺址及求雨碑，感受邊境獨有的神祕氛圍。 難度： ★★☆☆☆ (適合新手及家庭) 時間： 約 2-3 小時 交通 ：上水火車站搭乘73K巴士，於虎地坳公廁下車。向車尾方向，紅綠燈對面馬路就是起步位 全程約：6公里 注意：林蔭位少 **詳情可到我youtube channel「兩腳大貓怪」了解路況及介紹! 😍 😘~🤭更多行山推介請按👇 多謝支持 #兩腳大貓怪之行山好去處 🐱訂閱我的Youtube 頻道👇🏻👇🏻👇🏻 www.youtube.com/@monster2cat多謝支持 #上水華山#港版萬里長城#香港行山#行山好去處#新手行山#隱世秘境#週末好去處#華山軍事徑#華山 #行山路線 #OK即刻有 {{hket:campaign display="解放運動潛能"}}{{/hket:campaign}}

gayee

運動

行山路線

久違的行山⛰️~ 又係行左一半shortcut完結🤣 最鐘意行水塘😌😌 已經第三次經過~ #hiking#sunshine#bluesky#社群共創攻略#香港打卡