中環文華東方酒店自助餐買一送一+第3位$51！任食波士頓龍蝦/阿拉斯加帝王蟹腳/生炸乳鴿/文華芝士蛋糕/燕窩蛋撻

A美食焚化爐

擦餐勁

Clipper Lounge

載譽重來 X 殿堂級陣容 @ 快船廊 ( 中環文華東方酒店 )

大家食自助餐，不單要食物種類夠多，而且要有保夠回本位，最好係遍地開花樣樣齊。 文華東方酒店的快船廊自助餐，近日已成了城中焦點，尤其是包含酒店內幾間星級餐廳的名物。 即開法國生蠔 雖然不是當面開，但吃得出的新鮮肥美，蠔味重之餘，更喜歡邊位的爽口。 城中自助餐往往是有生蠔就無龍蝦，想不到快船廊可以把兩者並存，厲害。 龍蝦是揀手貨，好多都有膏，當然係任食啦！ 除了上述兩款回本海鮮，更有好受歡迎的鮑魚，當然又係free flow。 其他海仲有扇貝、蟹腳、麵包蟹、龍蝦鉗、翡翠螺及海蝦，單係食海鮮已經半飽。 刺身 有油甘魚、甜蝦、吞拿魚、三文魚及鯛魚，夠新鮮，蘸點一下醬汁味道更鮮。 壽司 有蟹柳壽司、玉子壽司、三文魚壽司 及八爪魚壽司，不過我就會留返胃納食其他菜色。 燒味 即是由文華廳出品，有海南雞飯及油雞，當然有雞油飯相配，澆些少黑醬油上去，真是人間美味。 湯麵吧 今次係矜貴版新加坡喇沙， 因為配料有龍蝦鉗代替了“螄蚶”？又有魚蛋、魚丸、青口、牛丸、生菜及芥蘭，都好豐富，而且辣辣地好開胃。 Carving Station 文華扒房一向有名，今次烤牛扒同烤羊架都係任食，簡單的切了片試試，肉味濃又有嚼口；羊架烤得啱啱好，肉質粉嫩，正。 大堂一角，有即製Carbonara，尤其是al dente的質感，更是處理得宜，就算幾飽都要食返碟。 湯品 西湯是濃稠的龍蝦湯；而另一款是蟹肉粟米羹。 熱葷 麵豉蒸鱸魚伴日式燒汁 中日融和的味道好特別，鱸魚啖啖肉好啱自己這類怕碎骨的懶人。 黑椒炒大蝦 蝦殼脆卜卜又大隻，不過都幾辣下。 XO醬帶子燴粉絲 微辣的口感，粉絲炒得毫不油膩，有水準。 鮑魚豉油王炒麵 即是豉油王炒麵加入了鮑魚，畢竟是文華酒店，所有菜色都是昇華版。 臘腸叉燒炒飯 雖然看似簡單，但炒得不油膩及有油香就是功夫所在。 白酒忌廉汁煮蜆 蜆肉肥美又有酒香，尤其是個汁用來蘸麵包一流。 其他有烤美國牛柳、香草燒春雞、印式咖哩三文魚、小籠包及清蒸時菜，都是精心出品。 沙律 想食得清少少，可以選擇泰式牛肉沙律、雞肉藜麥沙律及凍肉拼盤煙三文魚，夠晒健康。 芝士 有山羊芝士、金文畢芝士、高達芝士、古岡左拉藍芝士及莫城布里芝士，喜歡芝士的朋友大可自製芝士platter。 甜品 一架Homemade雪糕車，完美展示出熱情果、朱古力、香草以及奶茶四款口味，最好當然係4款盡要，放係脆脆盞入邊，再灑上topping，然後慢慢嘆。 講到文華酒店甜品，首選一定係文華芝士蛋糕，氣味芳香，入口圓滑，最好真係配杯Earl Grey。 另外橘子Tiramisu鬆軟濕潤的口感，又是令我吃不停。 同行朋友就喜歡藍莓栗子金寶批，甜酸間平衡度拿捏得好好。 最值得推薦的，必定是維多利亞蛋糕，芳香馥郁，軟熟可口，水準極高。 加上堅果蛋糕、杏仁杏脯柚子奶凍、雜錦cupcake、紅莓朱古力紙杯蛋糕、乾果朱古力片 、核桃撻及馬卡龍，全是自家餅房出品，無得輸。 新鮮水果拼盤 色彩繽紛，種類又多。 麵包專區 城中自助餐好少有如此陣容，佔了大堂一角之餘，仲選擇多多。 有法式長麵包、多穀物麵包、意大利蕃茄香草麵包、 牛油卷、酸棗包及黑麥麵包，配以蜜糖及士多啤梨果醬，畢竟是homemade，所以都有好多人欣賞。 雖然好多人都北上消費，但香港餐飲仍有可取的地方，至少自助餐好多都減價，但質素不減反加，網上仲有不少優惠，大家要找不難。   Facebook專頁 : 文華東方酒店   地址 : 中環干諾道中5號香港文華東方酒店閣樓   電話 :  2825 4007   味道 : 4  環境 : 4  服務 : 4  衛生 : 4  抵食 : 4  位置 : 5   如果喜歡這篇文章,請在我的專頁上剔"LIKE",當是給我小小的鼓勵吧!謝謝!   http://www.facebook.com/foodiephilip #酒店 #中環 #自助餐 #香港文華東方酒店 #美食焚化爐 #Buffet # Mandarin Oriental # Hong Kong (此文章由U Blog 同步發佈至社群)

Chaichaihkg

著數報料

香港海洋公園萬豪酒店

Klook突發‼️海洋公園萬豪自助晚餐人均$401/位✨

海洋公園萬豪酒店燒烤自助晚餐,,Klook突發買一送一!!二人同行$802, 人均$401咋‼️‼️‼️ 凍海鮮盤有雪蟹腳､鮮大蝦､瀨尿蝦､翡翠螺等,仲有波士頓龍蝦即叫即燒🦞烤肉區有西班牙乳豬､美國肉眼､沙丁魚､魷魚任你揀! 仲有多款環球熱食,鬼馬炒牛肉､豉椒炒青口超惹味,串燒站有多春魚､沙嗲雞､牛仔骨等過十款選擇｡最後九州拉麵檔整碗豬骨湯拉麵,甜品區巴斯克蛋糕､檸檬撻完美收尾🍰 快d 入鏈接買啦👉🏻https://www.klook.com/zh-HK/activity/25577?aid=14983 #海洋公園萬豪酒店#海洋公園萬豪自助晚餐#買一送一#波士頓龍蝦#燒烤自助晚餐

Monique Heung

香港攻略

Pier酒廊

豪飲豪食！珍寶海鮮 + 藍色雲朵蛋糕 📍🦀☁️

✨【香港海洋公園萬豪酒店|Marina Kitchen】✨ 用優惠碼【MONIQUEKLOOK】即享 95折! 🦞 海洋珍味自助晚餐:波士頓龍蝦､避風塘炒蟹､美國斧頭扒,仲有必試｢藍色雲朵蛋糕｣☁️! 🎁 Klook優惠:午餐【買一送一】/晚餐【買二送一】+免費兒童遊樂天地! 🌊 Pier 酒廊全新地中海燒烤自助晚餐:即烤龍蝦､乳豬､串燒､甜品天堂,幸福爆燈! 📍 香港海洋公園萬豪酒店 快啲訂位,食盡美食+打卡必備!🥂 #klookhk#JOYKreator#自助餐推介#BuffetLovers#吃貨日常#自助晚餐優惠#香港海洋公園萬豪酒店