海洋公園水上樂園門票$2起！5.16重開 27大室內和戶外設施任玩！7月3日前入場

文: 梁穎心

2026.05.11

夏日熱辣辣最啱玩水！海洋公園水上樂園將於本周六（5月16日）重開，突發推出初夏優惠，最平只要$2入場暢玩！DSE考生專享超抵優惠，只要$72就可以入園玩，有興趣就要立即買飛。海洋公園水上樂園必玩衝浪先峰、急流漩渦、八彩天梯，若想輕鬆Chill下，推介漂流探秘、映灣台、及天海灣玩水。

海洋公園水上樂園$2優惠

為慶祝海洋公園水上樂園夏日重開，特別推出初夏優惠，即日起至6月30日購票，指定人士低至$2入場！小童或學生$98起有得玩，成人低至$196玩足全日。

種類	平日（星期一至五，休園日及公眾假期除外）	所有日期（休園日除外）
成人	$196	$288
小童（3-11歲）或學生	$98	$144
樂悠咭持有人、長者及合資格殘疾人士	$2（原價$150）	$2（原價$150）

購票日期：即日起至 6 月 30 日

門票有效期：由 2026 年 5 月 16 日至 7 月 3 日

來源：海洋公園水上樂園

DSE考生專屬優惠門票

考完DSE係時候去鬆一鬆喇！海洋公園水上樂園為應屆DSE考生送上超抵優惠，即日起只需$72即可搶購5月16日重開首日的門票，率先玩勻多款刺激水上設施！

每名應屆 DSE 考生只可購買兩張優惠門票，須於入場時出示有效的應屆DSE準考證（可接受電子副本）以供核對。

種類	原價	DSE考生專屬優惠價錢
學生	$144	$72

購票日期：即日起至5月16日

門票有效期：2026年5月16日

來源：海洋公園水上樂園

海洋公園門票限時半價

為慶祝香港海洋公園保育基金成立31週年，海洋公園早前推出港人限定優惠。只要身份證號碼有指定數字，即可以低至半價購買海洋公園門票，最平$269入園！

若為60歲或以上的樂悠咭持有人，一日門票只要$100，即刻帶同一家大細去探探小動物喇！

指定條件	成人	小童（3-11歲）
香港身份證號碼含有「3」及「1」號碼（括弧內數字亦作計算）例如：A638279(1) / A638271(0)	$269	$135
香港身份證號碼含有「3」或「1」號碼（括弧內數字亦作計算）例如：A638279(0) / A608279(1)	$371	$186

購票日期：即日起至6月30日

門票有效期：2026年4月25日至6月30日

來源：海洋公園

<< 提醒大家，購買前留意訂購平台的使用條款及細則，一切以訂購平台公佈的價錢為準。數量有限，售完即止；所有優惠細則更新至文章發佈日期，訂購平台留更改優惠權利，U Lifestyle 概不負責。>>

活動資訊

開始日期2026年5月11日 - 2026年6月30日

更多真實評價

護士Vi媽三小火

親子

香港海洋公園 ‧ 水上樂園

冇人排隊的水上樂園17/5

夏日激玩必到地標──香港海洋公園水上樂園絕對係親子消暑首選!位於香港仔海洋徑33號,交通方便,園區擁有多款精彩水上設施,今個夏天仲有開幕限定優惠,DSE學生票價平到笑,關愛票只需兩蚊,超高性價比! 推介玩樂路線及必玩設施: 一入園首推感受極速刺激嘅旋風雙子梯,即使周末人流都好少,等候少於10分鐘,幾乎一玩即上;鍾意速度感又唔怕濕身嘅朋友｡八彩天梯平均排隊五分鐘內就玩到,玩過唔止一次｡最難得喺,連熱門滑浪項目都唔使爭位或者等耐,十分鐘就有得挑戰下自己嘅平衡力同核心,雖然每人有1分30秒,但已經足夠玩到大叫過癮; 仲可以喺人造浪池盡情暢泳,不用搶水泡,舒服chill爆｡樂園環境亮點: 水上樂園設施企理,工作人員友善,指示清晰,設置大量戶外沖身及更衣設施,化妝間乾淨,衛生度高;園內仲有唔同風格嘅池畔區域,無論係想曬太陽､打卡留念､定係hea下睇風景,玩下玩水,別有一番都巿感｡打卡位推薦: 1. 八彩天梯前影相綠色 2. 巨型滑梯前或滑浪板特設區域,專業運動氣氛十足 3. 浪池旁樹蔭位置,陰天拍出文青都市感 4. 樓頂觀景台環園拍全景,適合一行人或者親子合照遊玩貼士及注意事項: 1. 建議提早到達(開門前15-30分鐘),人少時即刻玩多幾轉熱門設施 2. 提前網上購票或搵學生/關愛優惠,更抵玩 3. 防曬用品必備,戶外區居多,即使陰天都易曬傷 4. 個人儲物櫃要最少size都很大,方便存放貴重物品 5. 儘量趁未入暑假或平日遊覽,假日或連續大熱天可能人流稍多總結:海洋公園水上樂園新裝修現代,設施新淨又刺激,特別啱一家大細或三五知己嚟放電,今次平日去極暢順,順利玩哂主力幾大滑梯,無需排長龍,親身感受high爆玩水體驗,話咁快過哂一日都唔捨得走｡ #海洋公園水上樂園#香港夏日好去處#親子放電#新開幕必玩#滑浪挑戰 #Eattofit

閱讀更多
Baby424

香港攻略

Peko Peko Eatery (海之戀商場)

Peko Peko eatery

{{hket:campaign display="激玩水上樂園"}}{{/hket:campaign}}#打卡美食

閱讀更多
eggegg

親子

怕曬必睇！海洋公園水上樂園夜場親子攻略🌙 少人唔使排，CP值超高帶細路夏天去水上樂園，最驚就係曬到燶同排隊排到傻！今次發現原來夜晚場先係親子正確打開方式，人少又涼爽，完全唔使同人逼，玩得超爽！😍 🌙 點解揀夜晚場？怕曬嘅媽媽們注意！海洋公園水上樂園今年7月4日至8月31日期間，逢星期六日有「Beat The Summer 奏夜激玩」夜場活動，開到夜晚10點。太陽落山先入場，涼涼哋玩水，完全唔使驚曬黑。重點係夜晚人流少好多，大部分設施排一陣就玩到，CP值爆燈！ 👨‍👩‍👧‍👦 親子必玩推介 • 威威水地帶：專俾細路玩嘅兒童玩水區，有迷你滑梯同噴水裝置，家長可以放心。 • 漂流探秘：貫穿室內外嘅漂流河，坐喺水泡上慢慢飄，小朋友最鍾意。 • 天海灣：室內人造浪池，夜晚有DJ打碟同燈光Show，氣氛一流。 🎫 門票參考（大約） • 3歲以下小童：免費入場 • 小童（3-11歲）：平日$138，所有日期$272 • 成人：平日$272，所有日期$388 • 學生（12歲或以上全日制）：平日$138，所有日期$272 • 「三人同行」優惠：成人人均約$258，小童/學生人均約$181 • 全年會員優惠：憑海洋公園全年會籍，小童/學生平日門票低至$69 👍 編輯提提你 1. 夜場活動：逢星期六日6:30pm-9:30pm有CANTON BEATS派對，星級DJ打碟。 2. 交通：港鐵海洋公園站B出口，轉免費接駁巴士就到。 3. 穿搭：記得著防滑拖鞋，帶定防水袋裝電話、毛巾同替換衣物。 4. 注意：逢星期三休園，出發前記得check清楚。夜晚去真係舒服勁多，唔曬又唔使排，玩完仲可以慢慢沖涼，親子遊真心大推！🌟 #海洋公園水上樂園 #親子遊 #香港玩水 #夜場攻略 #怕曬必睇 #夏日消暑 #香港好去處 #Chill賞安心育兒

閱讀更多