20,000呎室內運動場XVENTURE登陸太古！超刺激極速滑梯/3米高空中繩網

文: 吳穎寶

2026.05.14

國際室內運動競技場 XVENTURE 登陸太古！20,000呎空間化身9大主題區，必玩超刺激8米高極速滑梯、3米高空中繩網等26項大小挑戰。不論是挑戰心跳極限的飛索滑行，還是與好友組隊對壘的互動競技都一應俱全！即看門票詳情及場內必玩亮點啦。

國際室內運動競技品牌XVENTURE進駐太古

追求刺激的運動迷注意啦！國際頂級室內運動競技品牌 XVENTURE 將於5月15日（星期五）正式登陸香港，選址太古康怡廣場。前身為戲院的鋪位打造全新近20,000呎的極致挑戰空間，將高強度運動與尖端科技結合，場內劃分為9大主題區域，共設26項高難度運動挑戰，即睇記者直擊現場啦！

點擊圖片放大

超刺激挑戰8米高極速滑梯/3米高空繩網

場內最震撼的設施莫過於「極速滑梯樂園」，設有全港最斜坡度的8米高「高速滑板滑梯」與「火箭飛毯滑梯」。挑戰者可選擇坐上水泡或另一邊俯趴於專用滑墊上，體驗極速俯衝的離心快感。此外，還有離地超過3米的「高空繩網陣」，挑戰者需在高空環境中闖過8個關卡，最後更可以飛索道俯瞰整個場地，極具挑戰性。

點擊圖片放大

計時挑戰障礙賽/極限攀爬區

熱愛體能挑戰的玩家不可錯過「攀岩牆」考驗體能、速度、高空心理壓力等等！而「忍者障礙歷險」長達16米的賽道，專為鍛鍊核心力量與平衡感而設，挑戰者需像忍者般全程離地闖關。或者限時挑戰的「機關障礙賽」在移動的磚塊上用最快的速度抵達終點！

點擊圖片放大

場內26項大小運動挑戰適合大小朋友

館內亦設有彈跳競技場、巨型圓球滑索、跳躍網格、飄移賽車、球類運動遊戲、「人型針雕牆」、迷宮穿梭等等，非常適合與朋友組隊對戰並拍下精彩瞬間。

▼大小遊玩設施一覽▼

點擊圖片放大

XVENTURE室內遊樂場門票詳情

門票售價

星期一至四

星期五六日及公眾假期

單次入場門票

港幣 $188（120分鐘）

港幣 $248（180分鐘）

港幣 $238（120分鐘）

港幣 $288（180分鐘）

親子門票組合

港幣 $308（120分鐘）

港幣 $388（180分鐘）

港幣 $398（120分鐘）

港幣 $468（180分鐘）

親子門票組合適用於一位12歲以下小童及一位年滿18歲或以上之成人使用。

入場要求：

最低入場年齡為6歲
入場人士必須穿著防滑襪
入場人士必須於購票入場前完成填妥並遞交免責聲明
基於安全考量，部分挑戰項目設有特定身高及體重限制入場時或需出示有效證件以作核對

購票方法：可於線上指定平台或現場購票

XVENTURE室內都市運動競技場詳情

開幕日期：2026年5月15日（星期五）

營業時間：星期一至四中午12時至晚上8時；星期五六日及公眾假期上午11時至晚上9時

地址：香港鰂魚涌康山道1-2號康怡廣場南座4樓

活動資訊

地點
太古

更多真實評價

MuiGs

親子

XVENTURE

XVENTURE 放電新基地⚡️🧗🏻‍♀️

放電新基地XVENTURE開幕喇!MuiGs嚟到康怡廣場XVENTURE:國際級室內運動競技場. 兩姊妹一入場首先｢嘩!｣左1分鐘,跟住就9秒9衝咗去玩🤭✌️. 成個場有2萬尺,分咗 9大主題區域､26項高強度挑戰,真係體力､膽量､協調性一次過大考驗💪. 媽媽淨係追住佢哋兩個都夠晒成個星期嘅運動量🤣. 重點推介玩區👇 🛝ZONE 1:極速滑梯樂園 8米高､全港最斜坡度嘅｢高速滑板滑梯｣同｢火箭飛毯滑梯｣,好玩又刺激. Emma沖緊落嚟嘅時候感覺到有離心力,驚一驚,之後飛毯彈起即刻笑起嚟｡佢話嗰下真係好刺激又好好玩🤭｡ 🪂ZONE 2:空中繩網挑戰全港最高､離地超過3米嘅室內高空繩網陣!由懸木､繩索同活動支點構成,一共8個關卡,步步驚心😱 最後仲要挑戰｢高空滑行｣,飛越成個場地,真係膽量嘅終極考驗!家姐話覺得呢個係全場最好玩!極力推介👍. 🧗🏻‍♀️ZONE 4:極限攀爬區｢機關障礙賽｣有三級難度,移動障礙物愈嚟愈快,考反應又考體能!仲有｢攀岩牆｣揀唔同路線,智勇雙全先過到關🧠 仲有勁多嘢玩㗎: 🏎️飄移賽車 🎮數碼互動區 🥷🏻忍者障礙歷險 🤸🏻‍♀️彈跳競技場 🎪打卡競技場等等..…. 🎊開幕優惠､雙重賞🎊 📣星期五至日講｢我要減壓｣即送｢減壓神器｣鍵盤按鈕工作坊 📣學生買4送1優惠(星期一至四,出示全日制學生證) 🔔重要提醒🔔 📌最低入場年齡為 6歲 📌部分設施要求身高達 120cm或以上 📌入場人士必須穿著防滑襪 ☝️另外提提☝️ 🪄入場人士必須於購票入場前完成填妥並遞交免責聲明 🪄基於安全考量,部分挑戰項目設有特定身高及體重限制入場時或需出示有效證件以作核對. @xventurehk XVENTURE 📍 地址:鰂魚涌康怡廣場南座4樓 🎟️ Klook 買飛 / 現場都有售 #xventurehk#sportainmemt#親子好去處#假日好去處#康怡廣場

閱讀更多
Mrs1am_ology

親子

XVENTURE

全港最斜滑梯！突破極限就在XVENTURE🔥

全新國際級室內運動競技場正式登場! 源自泰國清邁大受歡迎嘅XVENTURE,主打SPORTAINMENT運動娛樂新概念,終於登陸香港!2萬呎超大空間,9大主題區域､26項高強度運動挑戰,大孩子專屬的全天候親子放電場! @xventurehk 🎢必玩重點設施逐個睇 ▪️極速滑梯樂園全港最斜+8米高=瘋狂滑梯樂園!高速滑板滑梯+火箭飛毯滑梯,俯趴頭先衝落去,再飛彈到高中,離心力爆燈! ▪️空中繩網挑戰全港最高､離地超過3米室內高空繩網陣,8個驚心動魄關卡,仲有高空滑行飛越場地,膽量玩家必試! ▪️忍者障礙歷險 16米長障礙賽道,考平衡､爆發力同核心力量,系統計時,同朋友鬥速超有癮! ▪️極限攀爬區分三級難度機關障礙賽+多元化攀岩牆,考體力又考腦力,新手高手都有得挑戰｡ ▪️其他玩樂區彈跳競技場､超低空滑索､打卡競技場波波池､數碼互動遊戲區､人型針雕牆､跳躍網格､飄移賽車! 🎊開幕獨家雙重優惠 ▫️逢周五至日到場講口號｢我要減壓｣即送減壓神器鍵盤按鈕工作坊名額,玩完帶走專屬減壓小物~ ▫️學生限定:全港學生(包括DSE考生) 領取買4送1電子優惠券,周一至週四入場超抵玩,記得帶實體學生證! 📍地址:香港鰂魚涌康山道1-2號康怡廣場南座4樓 #XVENTURE#香港室內極限運動#康怡廣場好去處#鰂魚涌打卡#香港親子好去處週末放假推介公司團建活動學生玩樂優惠香港室內遊樂場突破自我挑戰

閱讀更多
U GO

打卡熱點

【室內好去處！】極限體能空間XVENTURE🏃

全新極限空間 XVENTURE強勢登陸香港‼️選址港島東康怡廣場MCL戲院舊址！佔地2萬呎~設9大主題區＋26項高強度運動挑戰🏃必玩全港最斜8米高速滑梯🛝丶最高離地超過3米繩網陣、攀爬障礙賽等！～快啲約埋朋友去解鎖體能極限🔥！即睇更多競技項目及購票資訊▶ https://ulapp.hk/640bh —————— ⭐去完以上嘅好去處，到《U GO》評分或於社群發佈帖文，並於「地點」搜尋相關活動名稱，增加帖文曝光機會！ ▶追蹤《U GO》Facebook 及 Instagram 睇更多好去處推介啦！資料來源：官方圖片 #UGO好去處情報 #XVENTURE #極限體能 #室內運動

閱讀更多