牛角Buffet全新放題優惠！$258起嘆燒肉放題！任食時間延長至180分鐘！lv4新增燒鴨肝/燒蠔/炸蠔

Fatty_taste_founder

香港攻略

牛站麻辣火鍋放題 (旺角)

旺角牛站🔥 平夾靚！任食極上牛🤤💯

今晚同朋友嚟到旺角牛站麻辣火鍋放題,真係食到超滿足!人均$383(含10%服務費)已經可以任食咁多高質食材,性價比爆燈,係近期最抵食嘅火鍋體驗 肉類質素真係令人驚喜 ｡ 特上牛小排,肥瘦均勻,油花分布完美,涮2-5秒就入口即化,牛味香濃又唔腥 澳洲M5和牛 美國安格斯牛板腱 SRF極黑和牛 美國肩胛肉等選擇, 每款都大大片､新鮮彈牙,層次感十足,食落去完全對得住價錢｡ 自助區蔬菜超新鮮,紫羽衣藍､皇帝菜､冰菜､芥蘭苗等款式多到數唔晒,仲有大量丸類､熟食如日式炸餃子､炸雞塊､蒜蓉西蘭花等 海鮮同特色菜都唔輸陣!有燒乳鴿皇,外脆內嫩,醬汁入味｡甜品區簡直係天堂｡Häagen-Dazs､Bisc off布甸､開心果布甸,士多啤梨､芝士蛋糕､慕斯大福､榴槤雪條等任食任攞,仲有自家製糖水同多款布甸 環境闊落企理,座位舒服,服務員收碟超快,唔使等太耐加單｡雖然旺角店人氣爆棚,但整體流程順暢,食足時間完全唔覺趕｡最緊要係員工態度服務一流 牛站重新定義咗｢抵食放題｣!高質牛肉+海鮮+名牌雪糕+多款湯底,全部任點,食完仲想再嚟!強烈推介畀愛肉人士同甜品控｡

小僮同遊世界

著數報料

八木橋日式燒肉

M4和牛燒肉放題買一送一

最近同朋友喺尖沙咀搵食，發現呢間「八木橋日式燒肉」做緊超癲優惠——日本M4和牛燒肉放題買一送一！位於尖沙嘴地點方便到極，收工約朋友聚餐一流。最緊要係佢哋用料講究，用嘅係日本岩手縣、鹿兒島嘅A4/A5級和牛，淨係個頭盤已經落重本：A5和牛西冷＋四品和牛燒肉盛，油花靚到反光，燒完入口即溶、肉汁爆炸，嫩滑程度真係令人有「秒返日本」嘅錯覺，一解日本美食之癮。 講到回本？簡直輕易到極！頭盤未食完已經覺得值回票價。仲要唔止得和牛，仲有任食多款海鮮（蝦、帶子、蠔等）、高質炸物、天婦羅、日式熟食，仲有雪糕雪條任食，飲品選擇多到眼花，連生啤都無限暢飲！食燒肉配生啤，爽丫！最重要係三個鐘慢慢嘆，唔使趕頭趕命，同朋友慢慢燒、慢慢吹水。 除咗呢個套餐，佢哋另一個「霞」套餐（澳洲和牛）但要五點前入座先有買一送一優惠，想食平靚正嘅澳洲和牛就要早啲到。 溫馨提示：買一送一優惠都要WhatsApp訂座、到店打卡兼用現金付款，先可以享用到專屬優惠，記得唔好就咁walk-in呀！ 八木橋日式燒肉 📍漆咸道南57-59號金馬倫中心2樓 #尖沙咀美食 #日式燒肉 #a5和牛 #燒肉放題 #香港美食

foodie_chuu

著數報料

牛角日本燒肉專門店 (香港仔中心)

抵食牛角燒肉😎 只限呢間分店！

牛角極安燒肉盛合 + 無限追加$3-12嘅單品‼️抵過食放題🫣 想享用無限追加嘅話首先每位人頭要嗌個燒肉盛合先 都系低至$78起💰 雞､牛､豬梗有一款啱你心水🙂‍↕️ 追加嘅單品由$3嘅醬汁､雞肝､牛五花到$6嘅乳酸梳打､牛油金菇🤭 仲有$9嘅國產牛肩胛肉､角切牛舌､牛角飯🍚 同埋$12嘅上級牛舌､黑毛和牛肩胛肉､日本魷魚須､Sapporo生啤等等🍻 款式多到試唔曬!呢個價錢就食到平時牛角嘅質素 真系cp值超高呀😍