牛角Buffet全新放題優惠！$258起嘆燒肉放題！任食時間延長至180分鐘！lv4新增燒鴨肝/燒蠔/炸蠔

小僮同遊世界

著數報料

八木橋日式燒肉

M4和牛燒肉放題買一送一

最近同朋友喺尖沙咀搵食，發現呢間「八木橋日式燒肉」做緊超癲優惠——日本M4和牛燒肉放題買一送一！位於尖沙嘴地點方便到極，收工約朋友聚餐一流。最緊要係佢哋用料講究，用嘅係日本岩手縣、鹿兒島嘅A4/A5級和牛，淨係個頭盤已經落重本：A5和牛西冷＋四品和牛燒肉盛，油花靚到反光，燒完入口即溶、肉汁爆炸，嫩滑程度真係令人有「秒返日本」嘅錯覺，一解日本美食之癮。 講到回本？簡直輕易到極！頭盤未食完已經覺得值回票價。仲要唔止得和牛，仲有任食多款海鮮（蝦、帶子、蠔等）、高質炸物、天婦羅、日式熟食，仲有雪糕雪條任食，飲品選擇多到眼花，連生啤都無限暢飲！食燒肉配生啤，爽丫！最重要係三個鐘慢慢嘆，唔使趕頭趕命，同朋友慢慢燒、慢慢吹水。 除咗呢個套餐，佢哋另一個「霞」套餐（澳洲和牛）但要五點前入座先有買一送一優惠，想食平靚正嘅澳洲和牛就要早啲到。 溫馨提示：買一送一優惠都要WhatsApp訂座、到店打卡兼用現金付款，先可以享用到專屬優惠，記得唔好就咁walk-in呀！ 八木橋日式燒肉 📍漆咸道南57-59號金馬倫中心2樓 #尖沙咀美食 #日式燒肉 #a5和牛 #燒肉放題 #香港美食

foodie_chuu

著數報料

牛角日本燒肉專門店 (香港仔中心)

抵食牛角燒肉😎 只限呢間分店！

牛角極安燒肉盛合 + 無限追加$3-12嘅單品‼️抵過食放題🫣 想享用無限追加嘅話首先每位人頭要嗌個燒肉盛合先 都系低至$78起💰 雞､牛､豬梗有一款啱你心水🙂‍↕️ 追加嘅單品由$3嘅醬汁､雞肝､牛五花到$6嘅乳酸梳打､牛油金菇🤭 仲有$9嘅國產牛肩胛肉､角切牛舌､牛角飯🍚 同埋$12嘅上級牛舌､黑毛和牛肩胛肉､日本魷魚須､Sapporo生啤等等🍻 款式多到試唔曬!呢個價錢就食到平時牛角嘅質素 真系cp值超高呀😍

HappyBoy Mama

擦餐勁

Yakiniku Kumamoto

燒肉火鍋放題🤤！銅鑼灣任食120分鐘！🥩🔥

銅鑼灣謝斐道上面三樓,燒肉+火鍋放題,120分鐘任食,燒肉火鍋雙線開打,食材選擇夠多,和牛､飲品､雪糕､雪條任食,啱晒想食得盡情嘅日子｡ 今次揀咗黃金粟米湯拼豚骨湯做鴛鴦鍋,粟米湯帶甜,要加$58都要試,打邊爐唔洗點醬都夠味｡燒肉方面,澳洲和牛油脂分布唔錯,燒得啱火候好食｡ +$88升級咗刺身,日本生蠔新鮮度有交代,香煎鵝肝蝦片係重口味位,鵝肝厚切,蝦片脆口;和牛他他切得夠細,好特別｡ 兩位以上送原條鰻魚壽司,飯底迷你得嚟唔會食到飽左,鰻魚厚身｡甜品有芝士蛋糕+畫碟,好有心機｡最後仲有大粒棉花糖燒,自己燒到微焦,外脆內溶,幾療癒｡ 整體唔係走高級路線,但勝在選擇夠多､時間夠彈性,以呢個價位嚟講,食得飽､食得開心,已經交到功課｡ 📝 熊本燒肉 📍銅鑼灣謝斐道477-481號3樓 #熊本燒肉#燒肉#日式燒肉#火鍋#牛肉控#任食和牛#日本和牛#放題#無限時#銅鑼灣美食#香港美食#抵食#yakinikukumamoto#allyoucaneat#我的打卡地圖