茶餐廳搶客！青衣茶記推時光倒流價$15早餐！款式每日不同 加$5包凍飲！網民讚：平過上大陸

救市新攻略？青衣茶餐廳推每日$15特價早餐

有港人於本月11日在Facebook群組「香港茶餐廳及美食關注組」發帖，分享青衣一間茶餐廳推出的每日特價早餐。從照片可見，餐廳每日供應不同款式的優惠早餐，而當日餐點為「叉燒湯河」，配搭凍或熱飲只需額外加收$5，供應時間由早上6時30分至11時。

樓主在帖文中直言，餐廳以超低價搶客，「茶餐廳內捲，15加冬（凍）熱飲加五蚊，頂死樓下幾間，我冇得賺你都唔會有客」，形容區內餐廳競爭激烈，甚至已演變成價格戰。

事隔十日，另一名網民再於同一群組發文，表示「頂住呀，我多啲幫襯，青怡花園」，並附上最新特價早餐照片。從照片可見，當日優惠餐為「粟米肉鬆（碎）腸粉」，配餐飲品後埋單僅$20，賣相亦相當吸引，再次引起大量網民討論。

點擊圖片放大

網民大讚良心店舖：呢個價冇得輸

不少網民對早餐價格感到震驚，大讚餐廳「良心店舖」，認為現時香港已甚少見到如此便宜的茶餐廳早餐，紛紛留言稱「平過大陸食」、「15蚊真心顛」。亦有不少人追問餐廳位置，「20蚊食個早餐？請問喺邊度？」、「邊度嚟？我都想食」。

亦有人認為，以現時物價而言，即使只是普通茶餐廳早餐，$20早餐連飲品已相當划算，「15蚊，飲埋野都係20蚊，抵」。有網民更指出，如果腸粉屬即叫即製，「如果係現拉腸粉，加埋飲品，呢個價真係冇得輸」，更笑言「有機會去青衣，我一定會重重懲罰佢」。

即睇網民留言

• 良心店舖
• 平過大陸食
• 邊度嚟？我都想食
• 20蚊食個早餐？請問喺邊度？
• 15蚊真心顛
• 15蚊，飲埋野都係20蚊，抵
• 如果係現拉腸粉，加埋飲品，呢個價真係冇得輸
• 有機會去青衣，我一定會重重懲罰佢

做多啲死快啲？網民憂變惡性競爭

不過，亦有不少網民對超低價策略不太看好，擔心餐廳長遠難以維持，「20蚊包凍飲，比較難賺」、「損人不利己？鬥長命？」質疑價格戰未必能真正吸引長期客源，甚至可能演變成惡性競爭。

部分網民則指出，餐廳最重要始終是食物質素，「呢個價係平，但睇樣就麻麻」、「鬥平冇用㗎，你啲嘢唔好食搵鬼幫襯」。亦有人從照片觀察店內人流，質疑成效，「點頂？圖內計埋你得三人...」、「如果個個都食嗰個餐，頂唔到」。

即睇網民留言

+9

+8

點擊圖片放大

網民齊計數：薄利多銷未必無得賺

除了討論食物質素外，不少網民亦開始「計數」，分析餐廳到底有沒有盈利空間。網絡紅人「Matt Leung」Matt哥亦在留言區表示：「做就蝕五毫，唔做蝕一蚊」，認為即使微利經營，至少仍可帶動人流。

有網民則認為$15早餐未必會蝕本，「唔要嘢飲，$15都有賺啦」，指出河粉及叉燒食材成本其實不高，「計埋成本一碗先5至8蚊」、「其實15蚊係唔會蝕本㗎，加上通常啲人都會飲埋嘢，即係20蚊，賺得微唔代表會蝕錢」，認為薄利多銷仍有機會維持經營。亦有人認為，若餐廳本身毋須支付高昂租金，仍有一定生存空間，「今時今日得一種舖最有條件賺，就係自己舖」。

即睇網民留言

+5

+4

點擊圖片放大

俊達晞茶餐廳小廚

地址：青衣青綠街7-19號青怡薈1樓12號舖

營業時間：06:00 - 23:00

來源：Facebook@香港茶餐廳及美食關注組、Facebook@香港茶餐廳及美食關注組