【世界盃2026】全港8大足球主題活動 打卡活動／商場直播／主題互動遊戲
四年一度FIFA世界盃正式開鑼！仲未諗好邊度睇波先夠氣氛？除咗酒吧之外，香港唔少商場都呼應世界盃熱潮，為球迷們安排一系列世界盃活動！除咗現場直播賽事之外，仲有各種快閃打卡活動及嘉年華，各位球迷準備去感受足球狂熱啦！⚽
【請您試用】Mustela嬰幼兒夏日防護套裝！☀️
夏天同小朋友去戶外打卡放電，最怕猛烈陽光同蚊叮蟲咬傷到BB幼嫩肌膚！U Community社群送您嬰幼兒夏日防護套裝，有齊SPF50低敏高效防曬乳、高效防曬棒及嬰幼兒驅蚊乳液，再送精美萬用袋！全方位保護BB～
1. 啟德體育園「啟動夏日足球狂熱」
啟德體育園於今個夏天化身為「球迷大本營」，同一眾球迷投身足球狂熱！除咗於零售館免費直播超過30場日間賽事之外，更特設足球主題應援打卡區，展出本地傳奇名宿同AC米蘭的珍藏展品，仲有AC米蘭足球學院進駐指導兒童足球體驗班。重點係指定時間仲會大派免費可口可樂，等球迷盡情high住睇波！
活動日期：即日起至2026年8月7日
地址：九龍啟德承啟道38-39號啟德體育園
2. iSQUARE國際廣場 x Binggrae 奇「milk」 足球嘉年華
想模擬加入呢場足球舞台，尖沙咀iSQUARE為球迷們打造出期間限定迷你足球主題活動空間，兩大互動亮點包括「百發百中神射手」巨型霓虹燈足球牆，等大家體驗一展射門技巧；仲有打卡必去「360度照相亭」，特設旋轉舞台仿如置身於足球比賽現場，沉浸式體驗球場狂歡！
活動日期：即日起至2026年7月1日
地址：iSQUARE國際廣場 3樓iFUNCTION
3. 奧海城「全城開波印記挑戰」
趁住世界盃賽事進行得如火如荼，帶埋屋企個「小球迷」一齊去奧海城睇波玩Game啦！玩齊射龍門、親子運球賽、九宮格射波，就有機會贏走豐富零食禮包！商場更以高畫質巨型屏幕全程免費直播104場賽事，特別於清晨及早段賽事中設有「親子專區」，大人小朋友可以邊歎點心，邊緊貼比賽實況！
活動日期：即日起至2026年7月20日
地址：奧海城2期地下中庭
> “LctyFamily” 分享奧海城限時足球互動遊戲及睇波體驗<
4. 九龍灣MegaBox「初夏足球祭」
《足球小將》粉絲注意！MegaBox 聯乘經典動漫《足球小將》推出足球祭，現場設 5 大互動打卡位，必影 5 米高巨型大空翼同日向小次郎裝置，以及南葛隊及東邦隊更衣室經典場景！仲有巨型足球機互動遊戲，記得拍下限定主題相框，記錄呢場充滿集體回憶嘅足球活動！
活動日期：即日起至2026年7月19日
地址：MegaBox地下中庭
> “co co” 分享MegaBox初夏足球祭5大打卡位<
5. MCP新都城中心「無制限睇波派對！」
各位球迷想實現無限時睇波自由，咁就要去新都城中心「無制限睇波派對」！現場設有4K大電視24/7足本直播104場精彩賽事，商場更特別打造「港式睇波」體驗，提供各款港式點心、打氣市集及週末足球體驗活動，仲送您獨家限量打氣包，Chill住睇波冇問題！
活動日期：即日起至2026年7月20日
地址： MCP新都城中心2期 L1天幕廣場
6. adidas FIFA世界盃The Yard 2026
伴隨世界盃熱度，adidas大型足球主題活動「The Yard 2026」正式登陸海港城！現場設有五大FIFA世界盃主題展區，包括4米高世界盃巨型足球裝置、歷代及本屆球衣展覽。呢度集展覽、打卡、互動體驗及現場觀賽於一身，絕對係球迷必去嘅沉浸式足球空間～
活動日期：即日起至2026年6月24日
地址：尖沙咀海港城海運觀點
> “Me_any_where” 分享The Yard 2026必玩亮點<
7. 沙田新城市廣場「Legend Unfold・一『足』即發」
沙田新城市廣場亦同各位球迷緊貼比賽，提供免費直播25場精彩賽事、精彩主題打卡位及足球活動。除咗聯乘LEGO®推出互動體驗區之外，必打卡用15萬顆LEGO拼砌而成嘅3米高嘅大力神盃。同場仲有adidas強隊球衣展及水上充氣足球場，足球迷勁打位可以打卡～
活動日期：即日起至2026年7月19日
地址：沙田新城市廣場1期3樓中庭新城市廣場羅馬圓形獻技場1期L1
> “LctyFamily” 分享沙田新城市廣場足球互動打卡體驗<
8. 北角匯「萌喵狂熱足球祭」
想帶小球迷免費打卡？北角匯海濱花園呢個超萌貓貓主題足球祭絕對要去！必影5米高「王牌喵前鋒」，仲有德國、葡萄牙、阿根廷、克羅地亞四大傳奇巨星喵陪你打卡。現場仲可以落場踢波射門、玩泡泡球等挑戰，過關仲送限定紀念品，貓奴同大小球迷放電一定要去！
活動日期：即日起至2026年8月31日
地址：北角匯二期對出海濱公園(東岸板道旁)
> "Biancamama" 分享親子必去北角匯足球打卡活動<
*以上商場活動之直播時間表、開放時間、報名資格或禮品換領詳情，均以主辦商場官方最新公佈為準。
🔔 Follow《U Community社群》Instagram 同讚好 Facebook 專頁，睇更多U Creator品牌活動招募丶送禮丶緊貼最新美食丶旅遊打卡熱話或創作者流量密碼教學等。
圖片來源：網上圖片、社群U Creator@Biancamama、@LctyFamily、@Me_any_where、@co co
香港有多個商場和地點舉辦世界盃主題活動，包括啟德體育園、iSQUARE國際廣場、奧海城、MegaBox、MCP新都城中心、海港城、沙田新城市廣場及北角匯，提供直播、打卡位及互動遊戲。
-
親子
Monchhichi維港海陸嘉年華
一家大細寵物有善嘉年華🎡
🎡可愛既Monchhichi同大家見面啦！仲要係寵物友善嘉年華🐶💕係阿！！！寵物都入得呢🥰 全港首個Monchhichi海陸嘉年華登陸中環6號碼頭、嘉年華以遊樂場同水手造型Monchhichi為主題、有多個Monchhichi大型打卡位、仲有一對8米高頭髮飄飄既巨型Monchhichi同大家一齊影相、入場位置仲有即影即有photo booth同埋紀念銀幣製作機໒꒰ྀི๑ᵔ ᵕ ᵔ๑꒱ྀིა 場地設有8個主題遊戲區、大型Monchhichi長洲搶包山充氣迷宮、禾同Mami係咁迷路ꈍ◡ꈍ 、各處仲隱藏唔同造型既Monchhichi、有6條唔同路徑、聽講會每星期更新！鍾意刺激既就要坐水泡係6米高滑輪板面滑梯高速滑下、禾Mami玩得巧開針、仲玩左2次( •ॢ◡-ॢ)✧˖° 而PaPa驚驚唔敢玩🫣 場內有6個以新年為主題的遊戲攤位、獎品都係Monchhichi既野、Mami同朋友係咁煲掉彩虹想要隻大大Monchhichi 、最後贏咗好多貼紙、見到巧多人手拎住巧多獎品、又咕臣又地氈....點解你地手得貼紙同袋仔( ˘•ω•˘ ).。oஇ 🛳️Monchhichi維港海陸嘉年華 📆即日-3/3/2026 🕛12：00p.m-10:00p.m 📍中環6號碼頭二樓空中花園 #Monchhichi嘉年華 #寵物友善活動 #中環海濱活動#好去處 #新年好去處 #親子好去處
閱讀更多
-
節日限定
西寶城
去西寶城搵｢萌馬｣打卡兼shopping🐴🛍️
馬年就到喇🐴 西寶城今年有充滿活力嘅可愛｢萌馬｣做主角 寓意新一年大家都好似飛馬一樣咁有衝勁同正能量💪🏻 我同小朋友一去到就係中庭勁打卡📸 依度仲有好得意嘅馬年運轉盤! 祝願大家各方面都｢馬來運轉｣🎊 今年信德集團三大商場同步推出一系列新春消費獎賞,送出總值近HK$200,000禮品獎賞🎁 凡以電子貨幣消費滿指定金額💰 即可換領萌馬好運利是封或期間限定賀年禮品🧧 今年嘅馬年利是封好可愛! 個設計結合咗富貴花圖騰+Monogram 風格架! 商場仲推出咗｢豐足加『馬』福袋｣奢華獎賞! 係指定日期內即日累積電子消費滿指定金額💰 就可以換領誠意十足嘅賀年福袋🎁 ｢萌馬進寶福滿城｣ @thewestwood_hk 日期:即日起至3月1日 地點:西寶城2/F禮品換領處 提提大家❗️ 記得食玩買之後係商場換埋$50指定商戶現金券呀❗️ 祝大家馬到功成🐴 #西寶城#TheWestwood#萌馬進寶福滿城 #馬年新氣象
閱讀更多
-
節日限定
東薈城名店倉 x Calbee「『薯』來運到」新春主題活動
各位朋友一定品嚐過卡樂B薯片！農曆新年期間，東薈城名店倉與日本零食品牌Calbee呈獻「東薈城名店倉 x Calbee「『薯』來運到」新春主題活動，設有多個新春「脆」味裝置及互動體驗，產品包裝化身成巨型打卡位，換上賀年服飾的四大Calbee成員，例如Jagabee Potta、薯片Pote Kun、蝦條河童蝦家族和Jagarico長頸鹿非常有新年氛圍，等待各位去打卡拍照。 #糕興過肥年
閱讀更多
港生活人氣好去處
《U GO》送您獵魔女團一周年周邊！💟
超可愛Derpy公仔😍人氣女團小卡／卡貼
姜濤忠粉鑑定所
即刻入嚟挑戰🏆 測下您有幾了解姜濤🍬
搵好去處