LEGO限時登陸沙田新城市！4米高DJ樂仔+巨型遊戲對決 打造驚喜LEGO互動巴士站
沙田新城市廣場｜九巴｜LEGO香港宣佈於今年夏天聯乘九巴（KMB）及沙田新城市廣場，將創意帶入日常生活中。除了在全港多區打造「互動 LEGO 巴士站」外，沙田新城市廣場更設城市景觀微縮地標展，4米高巨型樂仔化身活力 DJ，帶領大小朋友暢玩7大融合潮流音樂與本土復古遊戲的互動體驗區。週末更有完成挑戰即送免費LEGO小禮物的精彩活動，即睇以下好去處全攻略！
LEGO 香港今個夏日啟動全城Play Mode
LEGO香港｜1. 九巴 ✕ LEGO 互動巴士站
重新演繹社區風景
活動邀請了本地 LEGO 專業認證大師洪子健，以大量 LEGO 顆粒創作多個特色互動巴士站，於香港三大核心社區驚喜登場！巴士站將香港人熟悉的社區風景趣味重構，例如將尖沙咀太空館幻化成香噴噴的菠蘿包、沙田的山景化作粉嫩的「雪糕山」、甚至在將軍澳坐上「飛毯」歷險！家長與小朋友等車時，不妨一同幻想這個城市的另一種奇幻模樣。每個互動巴士站均特設一個特別連接 LEGO 顆粒的「巴士落車鐘」裝置。每按一下，不僅會發出經典巴士聲效，站牌更會同步顯示該區內的隱藏好玩地點，猶如社區尋寶！
週末限定：「陪你玩」挑戰
活動期間的每個星期六及日，指定巴士站更會舉辦「陪你玩」現場挑戰！大人小朋友可以一齊用 LEGO 顆粒，將心目中的創意出行想法實體化拼砌出來。成功完成挑戰的小朋友，更有機會獲贈「LEGO 小禮物」*1份！
*數量有限，送完即止。具體週末活動時間及地點，將稍後於樂高香港官方 Facebook 及 Instagram 公布。
LEGO 互動巴士站
| 日期 | 7月24日至9月3日 |
| 巴士站地點 |
|
| 備註 | 暑假期間，公眾可透過九巴及龍運智能手機應用程式 APP1933實時追蹤樂仔，尋找樂仔現身蹤影。 |
| 週末「陪你玩」活動時間 | 活動期間的每個星期六及日 *時間及地點將稍後於樂高香港官方 Facebook 專頁及 Instagram 帳號公布。 |
LEGO香港｜2.沙田新城市廣場「Turn Play Mode On」活動
沉浸式互動體驗
除了街頭巴士站，沙田新城市廣場將啟動「Turn Play Mode On」活動，現場融合潮流音樂、數碼藝術與本土經典遊戲，帶來3大主題專區、共7大沉浸式互動體驗。
- 4米高巨型樂仔 DJ：參加者可以即場嘗試打碟。
- 85吋數碼塗鴉牆：為「樂仔」設計個人潮流服飾
- Super Cube 跳格仔
- 巨型升級版「天下太平大對決」：用LEGO 顆粒拼砌出的「旗幟」、「飛機」或「大炮」，然後在巨型對戰場景中展開對決。
- 現場 LEGO自由拼砌專區
LEGO 大師洪子健 ✕ Legend Bricks 微縮香港地標展
除了玩遊戲，現場更邀請了 LEGO 大師洪子健及本地頂尖玩家團隊「Legend Bricks 東方之磚」，以創意城市為主題打造地標展，還原城市記憶！
- 三米高「LEGO 鐘樓」
- 俄羅斯方塊「獅子山」
- 跳棋盤+「沙田文化博物館」
- 經典城門河景致
沙田新城市廣場「Turn Play Mode On 啟動玩樂模式」
| 日期 | 7月24日至9月6日 |
| 開放時間 | 10:00-22:00 |
| 地點 | 沙田新城市廣場 1 期 3 樓中庭 及 UB Play Park |
| 入場費用 | 免費 |
註︰以上資料僅供參考，一切依官方公布資料為準
來源：Lego HK
-
親子
沙田新城市廣場
免費任玩！樂高城市探險！🚀🏖️
#免費入場暑假仲未諗到去邊度玩?!呢日軒軒嚟到沙田新城市廣場化身小DJ🎧率先體驗及打卡📸全程投入LEGO®玩樂世界🌍😍好玩到唔捨得走❣️最重要係免費入場架👏 🌈六大互動體驗區: ✨4米高巨型樂仔化身活力DJ🎧同大家打碟打卡📸 ✨重現本地經典遊戲LEGO®版巨型｢天下太平大對決｣🥷軒軒最鍾意就係呢個砌戰機🛩️ ✨喺85 吋數碼塗鴉牆上發揮創意,為｢樂仔｣打造專屬嘅個人服飾👕 ✨｢極速LEGO®拼拼樂挑戰｣考驗手速與創意,用特定顆粒挑戰指定拼砌圖案🧠 ✨｢Super Cube 跳格仔律動挑戰｣配合強勁音樂節奏考驗身體靈敏度🕺 ✨創意城市｣微縮地標展以逾20萬粒樂高顆粒神還原｢獅子山｣､｢LEGO ® 鐘樓｣､｢沙田文化博物館｣､城門河景致等地標🏯 📌LEGO ® ｢Turn Play Mode On 開啟玩樂模式｣活動詳情: 🗓️活動日期:即日至9月6日 📍活動地點:沙田新城市廣場1期3樓中庭 🚌同場加映:九巴 × LEGO®互動巴士站 LEGO香港首次與九巴打造多個互動巴士站,讓城市中最日常嘅等車時間,變成一家大細都可以投入玩樂嘅好玩時刻!!! 📌LEGO 互動巴士站活動詳情: 🗓️活動日期:即日至9月3日 📍地點: 🔸彌敦道尖沙咀警署對外巴士站 🔸將軍澳尚德唐明街2號尚德廣場外巴士站 🔸担杆莆街沙田大會堂對外巴士站 🟢週末｢陪你玩｣活動時間: 🗓️活動期間每個星期六及日14:00-18:00 (最新消息請留意樂高香港官方專頁) @legohk_official . . . #LEGOSUMMER#LEGOPLAYMODE#LEGO#LEGOHK#ucreator#ucreatorhk#香港好去處#親子好去處#暑假好去處
閱讀更多
-
親子
LEGO Turn Play Mode On 開啟玩樂模式 ＠新城市廣場
開著 play mode 創意無限
雖然世界盃曲終人散,但暑假先開始咗無幾耐,梗係要繼續玩落去啦! 而原本中庭嘅 LEGO ® x FIFA 已搖身一變,再由LEGO ® 專業認證大師洪子健,另有本地玩家團隊 Legend Bricks 攜手打造,成為多個沙田地標 miniatures 嘅大本營,同時有多個展品展出,除咗近距離慢慢仔細欣賞,仲可以發揮無限創意,大玩特玩｡ 今趟唔使周圍走,又或走上走落,而係主要集中喺中庭兩個連接範圍,總共有7大體驗玩樂區,分別係DJ 打碟區､｢天下太平｣大對決､拼拼樂挑戰､自由創作拼砌區､變身潮流設計師､跳格仔互動遊戲及｢LEGO® 創意城市｣微縮地標展｡ 當中較為受歡迎嘅三個互動區域包括 DJ 打碟區､｢天下太平｣大對決及自由創作拼砌區｡ DJ 打碟區: 大人､小朋友都可以做 DJ,喺 LEGO ® 砌成嘅 control panel 盡情大展音樂才華,的確好有 feel 呢! ｢天下太平｣大對決: 充滿童年回憶嘅遊戲,由紙上搬去 LEGO ® 已經好有氣勢,最特別係以拼砌嘅專屬武器互動挑戰,畀小朋友同時考驗創意與反應｡ 自由創作拼砌區: 顧名思義隨心而發,發揮創意,大人､小朋友砌出獨一無二嘅專屬 LEGO ® 作品,好有滿足感｡ 有興趣不妨探索埋其他玩樂區,盡情釋放小宇宙嘅想像空間｡ 日期:即日至 9 月 6 日 開放時間:10:00-22:00 地點:1 期 3 樓及 UB/F Play Park #新城市廣場#商場活動#親子活動#暑假好去處#lego#ucreator
閱讀更多
-
香港攻略
15萬粒LEGO顆粒改造香港巴士站🧱✨
今個夏天 LEGO 首度聯同九巴推出「互動巴士站」由 LEGO 專業認證大師洪子健（Andy Hung）親自操刀，用咗整整兩個月、高達 15萬粒 LEGO 顆粒打造出天馬行空嘅社區景致！🧱✨ LEGO互動巴士站詳情 日期︰ 即日起至 2026 年 9 月 3 日 活動地點︰於尖沙咀、沙田及將軍澳 彌敦道尖沙咀警署對外巴士站 將軍澳尚德唐明街2號尚德廣場外巴士站 担杆莆街沙田大會堂對外巴士站 #LEGO #巴士站
閱讀更多
港生活人氣好去處
↓【限時搶⚡】高露潔光感白高純度維他命C美白牙膏↓
↓ 早C晚C！7天提亮、淡色美白 ↓
【U GO夏日消暑企劃😎】
暑假必去打卡熱點＋夏日驚喜獎賞！🎈
U GO 本週好去處
