2026 週末放假去邊好？荃灣好去處：CHAT六廠「紡織文化藝術」全攻略
想搵一個充滿文化氣息、又適合慢慢行嘅室內好去處？位於荃灣南豐紗廠嘅 CHAT六廠（六廠紡織文化藝術館），就係一個將香港紡織歷史、當代藝術同社區連繫起來嘅特別空間，透過展覽、工作坊同導賞，帶大家認識香港紡織業歷史，同時觀賞到唔同藝術家嘅紡織藝術品，仲要係免費入場㗎！
今年夏天互動式展覽：「織時大叫！」
今年夏天 (即日至10月25日)，CHAT六廠更將空間搖身一變，成為充滿活力嘅奇妙創意空間——來自澳洲、香港同印尼嘅藝術家，用邀請你親身融入藝術，成為其中一部分！
CHAT六廠常設展覽：紗廠絮語
- 館內設有常設展覽「紗廠絮語」，你可以睇到香港紡織業自1950年代起嘅藏品，包括豐富嘅照片、棉紡舊物、文獻同大型機械等等，鍾意歷史嘅朋友萬勿錯過！訪客更可親手操作舊式紡織工具，感受全人手嘅棉枋體驗！
館內嘅陳廷驊基金會展廳亦設有年度展示，例如2026年度展出嘅「飛越溫暖牌：香港童年布藝」（展期至2027年2月21日），就展出咗由1930至2020年代嘅香港童年紡織品，更設有互動區畀大家親身體驗孩童玩意。
CHAT六廠每年都會有三個季度展覽，分別於春季、夏季及冬季展出，為公眾帶嚟唔同嘅視覺體驗，探索紡織藝術嘅新視野！
免費藝術導賞團
- 睇展覽當然唔少得導賞團，導賞員會深入淺出咁介紹有關紡織文化遺產嘅常設同埋主打當代藝術嘅季度展覽，仲要係免費！ 除咗睇展覽，CHAT六廠都有唔少共學活動，包括講座、表演、工作坊等等，適合想親手嘗試紡織、手作或藝術創作嘅朋友！由親子、年輕人到文化愛好者，都可以透過唔同形式參與。
手作工作坊
- 特別推薦恆常活動「手作半個鐘」（逢週末及公眾假期舉行），現場提供多款精美特色手作，例如點點珠相框或者鎖匙扣、熱縮織嘜鎖匙扣、蠟染小布袋，甚至有《織光機》熱轉印手提袋等，收費只需HK$40-$200不等，無須預約即可即場參與，零經驗新手都可以輕鬆做手作！
CHAT Shop 六廠小店 ——充滿溫度嘅原創藝術紀念品
- 睇完展覽，當然要買下紀念品啦！唔好錯過獨家CHAT六廠原創系列，自家製作，或與國際知名藝術家及本地工藝品牌共同設計，將展覽嘅靈感直接延伸至你嘅生活之中！
- CHAT Shop積極推廣手工藝文化，為大家精心搜羅香港及亞太區嘅特色工藝品牌，提供別具特色且充滿意義嘅紀念品，延續大家喺CHAT六廠嘅創意體驗！
活動咁多元化，不如嚟緊嘅假期就去CHAT六廠欣賞展覽，仲可以做手作，再到挑選埋心水紀念品，度過一個文青假期啦！
Info
CHAT六廠（六廠紡織文化藝術館）
地址：荃灣白田壩街45號南豐紗廠二樓
開放時間：上午11時至晚上7時（逢星期二休息）
前往方法：荃灣港鐵站A4出口落天橋，設有免費穿梭巴士服務（每20分鐘一班）
更多交通方式：https://www.mill6chat.org/zh-hant/visit/
*Source: CHAT六廠
CHAT六廠提供多元化的共學活動，非常適合週末放假以及親子同遊：
免費藝術導賞團：導賞員會深入淺出地介紹紡織文化遺產及當代藝術展覽。逢星期五至日及公眾假期於指定時間提供。
手作工作坊： 逢週末及公眾假期會舉辦「手作半個鐘」活動，無須預約即可即場參與。收費由HK$40至$200不等，零經驗新手也能製作點點珠相框、熱縮織嘜鎖匙扣、蠟染小布袋等特色手作。
CHAT六廠位於荃灣白田壩街45號南豐紗廠二樓。交通非常方便，遊客只需在荃灣港鐵站A4出口落天橋，即可乘坐免費穿梭巴士服務前往，穿梭巴士每20分鐘一班。
CHAT六廠是完全免費入場參觀的！藝術館的開放時間為每天上午11時至晚上7時，逢星期二休息。
CHAT六廠館內有豐富的展覽內容供大眾參觀：
常設展覽： 「紗廠絮語」展示自1950年代起香港紡織業的相關藏品，包括豐富的照片、文獻、工人用品及工業設備等，並提供機器操作示範及手工紡紗體驗，讓觀眾透過紡織業了解香港歷史。
年度展示： 陳廷驊基金會展廳現正展出「飛越溫暖牌：香港童年布藝」（展期至2027年2月21日），展出1930至2020年代的香港童年紡織品。
季度展覽： 每年設有春、夏、冬三個季度展覽，例如今年夏天（即日至10月25日）正舉辦互動式藝術展覽「織時大叫！」。
-
香港攻略
圖象的痕跡 藝術展覽
南豐紗廠——「紗廠絮語」展覽
南豐紗廠——｢紗廠絮語｣展覽 紗廠絮語 (CHAT六廠)則是位於南豐店堂的常設展覽,利用舊紡織機､相片､文件及口述歷史,展示香港棉紡業從興起到發展的歷史｡ 展示的物品包括了不同年代常用到的棉紡業衍生產品,讓大家再一次重溫歷史,認識過去｡ 現場更有舊年代的遊戲互動體驗啊🙂 ⏰開放時間: 11:00 AM – 7:00 PM(逢星期二休館) 📍地點: 南豐紗廠 二樓 CHAT 六廠(六廠紡織文化藝術館)陳廷驊基金會展廳 🚇交通: 港鐵荃灣站 A3 出口(沿路標步行約10分鐘)或荃灣西站 A2 出口(步行約15-20分鐘) 💫亦有免費接駁小巴於荃灣地鐵站往返南豐紗廠 💰費用:免費入場 #荃灣#travel2026#香港輕旅行#南豐紗廠#紗廠絮語 #香港紡織業歷史 #文青打卡#文青好去處#藝術展#藝術展覽#荃灣#荃灣好去處#舊香港#懷舊#懷舊風
閱讀更多
-
親子
The Mills
南豐紗廠展覽多嘢睇好玩！
其實南豐紗廠都幾多野睇 原來仲做緊個展覽 ｢湧動的暗綫｣ 遊走在民間智慧與當代視野之間 關於紡織業開始及發展 裡面有好多紡織品機械呀展品呀 未來發展等等 另外還有一個布藝展區 有個好巨型既布做pizza 另外仲有小型既 可以比小朋友發揮創意 自己DIY其實幾好玩 展覽去到2025年7月13日 逢星期二休館 時間11:00-19:00 📍地址:荃灣白田壩街45號南豐紗廠 2/F CHAT 六廠 #UCreatorHK#親子活動#Weekend搵嘢玩#hkfoodie#親子blogger#親子好去處#南豐紗廠#荃灣好去處
閱讀更多
-
香港攻略
縷縷入心展覽
南豐紗廠CHAT六廠「縷縷入心」展覽
南豐紗廠CHAT六廠｢縷縷入心｣展覽 這個展覽是以｢重建感知｣為引子,將織物視為充滿生命力的神聖通道,探討紡織與亞洲精神文化之間的深層聯繫｡展覽匯聚14位亞太藝術家,勾勒出關於精神與記憶的｢織物地圖｣｡ 同步延伸的布藝與歷史展示參觀主題展之餘,現場亦可同步觀賞｢飛越溫暖牌:香港童年布藝｣及｢『藍』的痕跡｣兩個歷史延伸展示,讓人全方位感受香港近百年來的編織溫度與現代化藍染軌跡｡ 📍 地址:香港荃灣白田壩街45號南豐紗廠2樓｡ 🚉 港鐵:從荃灣站 A3 出口 或荃灣西站 A2 出口 步行約 10-15 分鐘即可到達｡ #亞洲精神文化#南豐紗廠#織物藝術{{hket:place display="縷縷入心展覽"}}14766_Event{{/hket:place}}
閱讀更多
港生活人氣好去處
↓【請您食】美心麻辣牛肉月餅！↓
↓🌶️四川花椒 x 雲南辣椒 x 優質牛肉🌶️↓
《U GO》請您去Chilli Beans. “HONESTY” 亞巡香港站！
近距離感受日本獨立搖滾能量❤️🔥
U GO 本週好去處
