全國生態日專題展覽2026登陸東九文化中心 免費玩8大展區／AI客家換裝／全息投影學堂

Mrdragon

香港攻略

啟德AIRSIDE

啟德的動物展覽

啟德這個展覽與動物有關,提及人類發展城市的時間,帶來了不同的一些負面給予動物,很多時候動物反而要去適應城市的變遷,不要等到生態真的不能逆轉時,我們才開始補救,那麼我們就可以從日常生活中簡單做起,例如一起做環保,改變小習慣,希望極端天氣可以減少,同時令到動物再次有好棲息地｡ 第一part大家可以坐下來感受一下若果人類有尾巴是怎樣的,另外還可以透過來自意大利的藝術家混合了有關香港及意大利的城市畫作,大家可以拿起電筒感受一下畫作的生動,另一個作品是動物過馬路,講述動物需要適應城市的變遷,還可以在現場玩遊戲贏取限定的小禮物｡ 附近的啟德體育館清了不少運動的元素,希望新一年大家都多運動,令到自己身心都更健康｡#好去處

MuiGs

親子

西九文化區自由空間

西九雪山夢幻歷險！🏔️✨

今日同MuiGs 去咗西九文化區自由空間大盒參觀 ｢雪山超級特攻｣ Snowmelt 展覽｡ 佢哋覺得好好玩,非常Interactive😍｡ 展覽透過數碼裝置 MR ( Mixed Reality),大家望上去真係見到雪山,落雪,甚至乎見到起雪狐企喺我後面🫢,但係同時亦見到真實嘅畫面｡真係幾特別｡ 特別鍾意動物嘅MuiGs, 好開心同雪山嘅動物賽跑,亦都認識咗好多大自然同動物嘅知識｡今日最後一日展覽,影咗啲AI卡通版Emma ｡真係超級得意😍 ‼️展覽今日完咗之後,4月10至12日在同一個場地會有《雪山超級特攻》Part 2 👉🏼 沉浸式故事劇場演出｡✨演出以大型投影､舞蹈､Parkour､雜技､舞獅和戲偶等元素,帶領觀眾進入冰天秘境｡ 啱晒一家大細去睇㗎~ 購買門票連結 🔗 https://www.westk.hk/en/event/funfest/snowmelt?fbclid 雪山超級特攻｢Snowmelt｣ 📍 西九文化區 The Box, Freespace

feijaichoy

香港攻略

元朗信芯園

元朗📍生態 | 向日葵盛放 捉緊最後時光 🌻

十年人事幾番新，隨著社會發展重心轉移，土地需求嘅改變正加速四周環境嘅變化。近年最大規模莫過於北部都會區發展計劃。以創科、專業服務同兩地物流產業為主導，集中係新界北部覓地發展基建、產業同房屋配套等設施。而係發展初見端倪嘅同時，有地方就面臨收地迫遷嘅危機。今次為大家介紹嘅就係位於元朗新田嘅信芯園農莊。 信芯園係香港現存少數嘅大型花田，佔地30萬呎。由50多年前嘅務農同批發，到近年嘅休閒觀光，隨著市場嘅改變，負責人亦力求轉變。即使多次面對颱風同暴雨嘅衝擊，佢哋都無放棄復修，卻係收地問題上顯得無能為力，實屬可惜。 ✧✿✧✿✧✿✧✿✧✿✧✿✧✿✧✿✧✿✧✿✧✿✧ 講番當日嘅情況先。以前因為工作嘅關係去過新田附近，所以唔熟路嘅我就跟以前咁係上水站轉車過去。好彩落車嘅乘客都係去農莊賞花，而可以一齊搵路；但係唔好彩係大家都係第一次去，結果信咗 Google map 兜咗個大圈先搵到個入口 😂 去到門口，就見到有幾片向日葵田正在綻放🌻。而目前可以係近門口嘅花田體驗「即剪即包」（每支$20），現場都有唔少人親自摘花留為紀念。想打卡嘅大家可能就要行多一步，過咗小屋先影到大型花田作為背景啦🖼！ 陽光照射住向日葵，金黃色嘅花盤顯得特別耀眼。花莖上嘅綠葉隨風飄舞，遠睇好似泛起粼粼波光，近看就充滿生命力。雖然天氣比較悶熱，但係望住向日葵飄動嘅瞬間，心情就變得平靜起嚟。花田上仲有風車同韆鞦等設施做配搭，增添整體嘅層次。 除咗花田之外，嗰度都有唔少精心佈置嘅裝飾。例如閃爍嘅紫藤花隧道、工整嘅日式燈籠長廊、簡潔嘅禪風庭園同精緻嘅花車等，悉心打理令我體會到園主對園區嘅熱愛同重視。睇完向日葵仲未夠喉嘅話，呢度仲有荷花池🪷、百日菊田🏵同埋隔住圍網外嘅鳳眼藍田🪻畀大家觀賞。 ✧✿✧✿✧✿✧✿✧✿✧✿✧✿✧✿✧✿✧✿✧✿✧ 今次配合興建北環線，預計會收走大型花田嘅位置，屹立超過半世紀嘅地方好有可能成為歷史。每段關係總有結束嘅時候，曾經以為嘅「友共情不變」，其實不知不覺間已經「許多都變遷」。向日葵從古至今代表住光明同堅韌不拔嘅精神，希望園主最終可以另覓出路，渡過難關，繼續將農莊事業延續落去。 ✧✿✧✿✧✿✧✿✧✿✧✿✧✿✧✿✧✿✧✿✧✿✧ 信芯園農莊 🗓 觀賞日期：2026年5月30日 🗺 地址：元朗新田小磡村（近石湖圍） 🚍 交通： 1）巴士：建議先搭地鐵到上水/元朗站，然後轉搭巴士 76K 到石湖圍站落車； 2）小巴：搭地鐵到元朗站，然後到福康街乘搭綠 van 75/76號，或水車館街乘搭紅 van 17 號到「聯安車場」落車 落車後需要過馬路再上天橋，去到對面調番轉頭穿過行人隧道同小鐵橋，沿住水渠旁邊直行，全程約5-10分鐘 📢 注意： 1）花田地下高低不平，而且有泥/水氹，行路嘅時候要格外小心 2）園區唔多遮陰位，記得搽防曬，帶遮同戴帽 ⏰️ 時間：9：00-19：00 💸 費用：HK$50/位 #賞花好去處#信芯園#元朗#新田#北部都會區#向日葵#風車#紫藤花#荷花#百日菊#鳳眼藍#香港好去處#賞花#香港攻略