奇華茶室一連4日限時優惠買一送一！必食招牌黯然銷魂飯

Fi系晴報站

香港攻略

灣仔

超養生(身)！！

日本返嚟要搵返啲中式嘢食吓! 第二次食呢間,湯底好足料夠哂補, 用杞子､龍眼､紅棗同雞煲出嚟 唔鍾意養生湯仲有蕃茄同麻辣湯底揀 因為淮山竹笙海參我都好鍾意食 最後揀咗農場雞同淮山(米線)呢個組合 不過淮山我鍾意生少少爽口d 今次淋咗少少🤏 不過如果去開附近自己搵食 都會揀返呢間! 可以證實佢唔係味精湯 因為一啲都唔覺得好口渴 性價比非常好👍🏻 灣仔附近返工人福利! #港島美食#香港美食#灣仔餐廳#灣仔美食

紫藍色西瓜

香港攻略

囍筷大排檔

🔥銅鑼灣鑊氣小菜♨️ 正宗香港大排檔風味👅

🔥銅鑼灣鑊氣小菜♨️ 正宗香港大排檔風味👅 今次又係朋友帶路食好西,請我食生日飯🥹大飽口福🤤 話梅乳鴿:👅👅👅👅 乳鴿大大隻啖啖肉,話梅調味酸甜度balance,處理得好好,鴿肉都食到白滷水嘅味道唔會騷! 脆皮芝麻雞:👅👅👅👅👅 鋪滿晒芝麻嘅外皮圴勻炸透曬至金黃酥脆,每一啖都好香,而且炸得夠乾身唔會滲油淋淋,肉質保持嫩滑唔會嚡颯颯,個個都食到大豎拇指👍🏻 蜜椒薯角牛柳粒:👅👅👅 咁呢十年八年最Hit嘅菜式非呢一碟莫屬,炸香咗嘅薯仔再加埋爆香咗嘅牛柳粒用蜜糖汁同埋黑椒香料爆香,越食越惹味!(如果薯仔🥔再炸香脆啲會更加正)! 椒鹽鮮魷:👅👅👅👅👅 呢個係我食小菜必點嘅菜式,脆衣炸得好酥脆厚薄剛剛好,唔會一咬就同鮮魷分離,鮮魷鮮甜彈牙,一咬就斷開火喉剛剛好! 砵酒台山蠔🦪:👅👅👅 大大隻台山蠔肥美厚肉,略嫌醬汁比較水,唔夠香! 百花釀蟹鉗:👅👅👅👅 ($48/件,兩件起) 真材實料啖啖肉,蝦肉彈牙有粒粒蝦肉,即叫即做(每隻嘅形態都有啲唔同唔係叫貨)! 啫啫欖菜肉鬆四季豆:👅👅👅👅👅 簡直係白飯小偷🍚爆香嘅欖菜肉碎真係增加口水分泌🤩四季豆要連同肉碎一齊食,令到四季豆好甜! 野菌紅燒豆腐煲:👅👅👅 豆腐嫩滑,惹菌吸引晒鮮甜嘅紅燒汁,略嫌偏淡(零咸味), 如果多少少蠔油醬汁嘅味道會更加好食! 未到18:30已經全場坐滿,座無虛席,一路食一路有Walk in客撲空,所以建議提早預約訂枱🥢 🥢囍筷大排檔 📍地址: 銅鑼灣登龍街28號永光中心1樓 #星級中秋禮籃#中秋節#ucreatorhk#ucreator#香港美食#打卡美食#相機食先#hkfoodie#紫藍色西瓜

Cynthia Cheung

香港攻略

泰鑫

灣仔😋足料泰菜！

同朋友去咗灣仔皇后大道東嘅呢間餐廳食泰國菜｡餐廳由參加過米芝蓮嘅廚師主理,係灣仔區都幾出名｡環境裝修以木色為主打,用餐環境幾舒服,服務也很有禮貌｡ 燒魷魚 烤得彈牙鮮嫩,表面有陣陣焦香,泰式香料同辣度調配得到位｡ 椰子雞湯 椰奶質感順滑,雞肉嫩滑,加入多種香料同蔬菜,喝落好暖胃,而且足料｡ 泰式船湯麵(豬肉碎 + 豬肉丸+炸豬皮)湯底濃郁,加入香辣汁好夾,金邊粉好彈牙,豬肉丸口感十足,豬肉份量亦很足,配上豆芽同通菜,口感很不錯｡ 黃咖喱雞髀 咖喱香濃惹味,椰奶同香料融合得剛好,雞髀肉厚實嫩滑,薯仔粉粉綿綿,配飯好夾｡ 泰式炒金邊粉 炒得有鑊氣,粉條軟硬適中,酸辣平衡,大蝦亦彈牙,不錯｡ 最後以芒果糯米飯收尾,係是晚最中意嘅一道｡芒果甜香多汁,糯米飯軟糯帶椰香,而且甜度剛剛好,不會太甜｡ PS:消費滿$400 可以於胡忠大廈or合和中心享用免費泊車三小時(開車人士最開心嘅事情發生了) 泰鑫 (灣仔) 灣仔皇后大道東222號GARDENEast serviced apartments地下2號舖