惠康限時大閘蟹優惠！平均$60.8/隻江蘇大閘蟹 再送太雕酒

asheryuen2019

著數報料

永利威大閘蟹優惠🦀

香港老字號永利威大閘蟹🦀 過咗中秋又開始有大閘蟹食啦，KKday由10月6日開始推出永利威大閘蟹優惠，永利威係香港百年老字號，今年推出江蘇/北海道大閘蟹優惠每隻$38起，同時購買並兌換多隻大閘蟹，仲可獲紫蘇葉、蟹剪工具及陳年花雕酒等贈品。👍🏻 永利威大閘蟹蟹腳好鮮甜，蟹黃、蟹膏都好飽滿，今次每人食一隻唔多夠喉，好彩去到12月中之前都仲有好多時間食大閘蟹。😋 永利威大閘蟹優惠連結：https://www.kkday.com/zh-hk/product/152607?cid=16164 #大閘蟹優惠 #大閘蟹 #著數 #折扣優惠 #kkday

Ada媽

香港攻略

上海新大眾大閘蟹專門店 (鳳德道)

現場直擊【超值大閘蟹放題】

秋風起最適合食大閘蟹！身為蟹控，一次過歎盡多隻爆膏大閘蟹絕對係人生一大樂事。 ​幾百蚊就可以在上海新大眾大閘蟹專門店（黃大仙鳳德道店）享用75分鐘江蘇大閘蟹放題，由三両至七両的公蟹同乸蟹任食。當日同屋企人2大1小總共食咗24隻，真係超過癮。 ​除了清蒸大閘蟹，放題仲包埋多款巧手蟹粉菜式，包括足料鮮甜帶黑椒味的橙黃蟹粥、蟹粉水餃、蟹粉時蔬，以及非常入味且臘肉軟硬適中的臘味糯米飯。餐廳亦好貼心提供任飲黑糖薑茶、啤酒、汽水及罐裝茶，亦可加$28升級任飲古越龍山陳年花雕酒。 ​今期特別推薦肉質鮮甜、金黃蟹膏極吸引的蟹乸，連蟹腳都啖啖肉。記得食幾多叫幾多、保持清盤，既唔浪費又保證食到熱辣辣嘅美味。下次要再挑戰更大隻嘅7両蟹。多謝好友提早送嘅生日公仔禮物。 ​📍 上海新大眾大閘蟹專門店（黃大仙鳳德道店） 地址：香港鳳德道13號地舖 ​#大閘蟹 #有好嘢分享 #放題 #香港旅遊 #香港美食 #自助餐回本攻略 #foodie

c_mama_c

香港攻略

東海薈 (沙田 Home Square)

王者大閘蟹宴

又到咗食大閘蟹🦀嘅季節啦,多謝香爸帶我去東海薈食皇者大閘蟹餐,鴻星同東海食大閘蟹出晒名,係香港🇭🇰90年代初已經引入正宗江蘇大閘蟹做季節食品啦👀 呢個餐超級豐富😱😱 🐤煙鴨胸併青瓜🥒 鴨胸既油香配爽口青瓜 ,雙重口感 鮮拆蟹粉小籠包🥟 蟹粉小籠包每日新鮮製造,用一隻蟹嚟整兩隻小籠包,真材實料,一咬落去爆肉汁,夠晒Juicy🤤 花膠雞絲羹 美顏好物😍花膠大大隻,配上清甜既雞絲,超級掛湯 清蒸大閘蟹🦀(每人有2皇1后) 食晒唔同口味真係源自鴻星同東海,不愧大閘蟹專門店,每隻都爆膏黏口,有相為證,忍唔住想食多兩隻😂 (蟹公重 5.5兩,母蟹3.5兩左右) 蟹粉蒜蓉包🥖 呢個限時推介小食,脆卜卜既多士沾上蟹粉,大家記得試吓啦 黑松露炒蝦球 🦐 大蝦彈牙爽口,配上黑松露醬調味,挑戰味蕾 鮮鳳梨🍍黑豚肉 好似食緊咕嚕肉咁,鳳梨酸甜,黑豚肉嫩,兩者非常之夾 鮮茄菌皇浸時蔬🥬 要食得健康,梗係要配返蔬菜啦,白菜吸哂上湯,夠晒健康 窩心薑茶湯丸 薑辣味薑茶解蟹濕毒,呢個係人都知,但配埋湯圓,真係第一次食咋😛 呢個餐仲會包橙汁或者汽水,當然都可以飲茶🫖啦 食完真係捧住個肚大滿足啊🥰