港島香格里拉大閘蟹宴！米芝蓮蟹粉菜／毛蟹懷石／自助餐送大閘蟹

c_mama_c

香港攻略

東海薈 (沙田 Home Square)

王者大閘蟹宴

又到咗食大閘蟹🦀嘅季節啦,多謝香爸帶我去東海薈食皇者大閘蟹餐,鴻星同東海食大閘蟹出晒名,係香港🇭🇰90年代初已經引入正宗江蘇大閘蟹做季節食品啦👀 呢個餐超級豐富😱😱 🐤煙鴨胸併青瓜🥒 鴨胸既油香配爽口青瓜 ,雙重口感 鮮拆蟹粉小籠包🥟 蟹粉小籠包每日新鮮製造,用一隻蟹嚟整兩隻小籠包,真材實料,一咬落去爆肉汁,夠晒Juicy🤤 花膠雞絲羹 美顏好物😍花膠大大隻,配上清甜既雞絲,超級掛湯 清蒸大閘蟹🦀(每人有2皇1后) 食晒唔同口味真係源自鴻星同東海,不愧大閘蟹專門店,每隻都爆膏黏口,有相為證,忍唔住想食多兩隻😂 (蟹公重 5.5兩,母蟹3.5兩左右) 蟹粉蒜蓉包🥖 呢個限時推介小食,脆卜卜既多士沾上蟹粉,大家記得試吓啦 黑松露炒蝦球 🦐 大蝦彈牙爽口,配上黑松露醬調味,挑戰味蕾 鮮鳳梨🍍黑豚肉 好似食緊咕嚕肉咁,鳳梨酸甜,黑豚肉嫩,兩者非常之夾 鮮茄菌皇浸時蔬🥬 要食得健康,梗係要配返蔬菜啦,白菜吸哂上湯,夠晒健康 窩心薑茶湯丸 薑辣味薑茶解蟹濕毒,呢個係人都知,但配埋湯圓,真係第一次食咋😛 呢個餐仲會包橙汁或者汽水,當然都可以飲茶🫖啦 食完真係捧住個肚大滿足啊🥰

U Lifestyle

香港攻略

大閘蟹餐廳必食6大推介🦀2小時任食／免費代蒸／正宗江蘇大閘蟹！附限時優惠

秋風起，又到食大閘蟹嘅黃金季節！想食到滿滿金黃蟹膏同鮮甜嘅蟹肉，但又怕出面單點食得唔夠爽！買返屋企食，但又懶得自己洗自己蒸？今日小編整理出全港6間必食大閘蟹放題餐廳及專門店推介，大閘蟹控一定要save低！😍🍴 --------------- 大閘蟹公乸點樣分？ 🦀雌蟹（圓臍） 蟹乸腹部呈圓形，蟹黃為橙紅色而且口感較厚實，蟹鉗較小，最佳食用季節為每年10月。 🦀雄蟹（尖臍） 蟹公腹部呈尖三角形，蟹鉗較大，蟹膏呈半透明白玉色，口感香滑綿密，每年11月嘅蟹公最好食而且最黏稠！ --------------- 1️⃣ 陶源酒家 提到大閘蟹放題，唔少網民首選都係去「陶源酒家」！嚴選高質江蘇大閘蟹，今年「大閘蟹放題」主打120分鐘無限任食4款風味大閘蟹，有齊經典花雕熟醉蟹、清蒸、鹽焗及太雕蒸，套餐仲有即製片皮鴨及各款小食主菜及甜品，每位再送太雕卜卜蜆煲及碳煮鮑魚、蟹粉年糕等特盛三式，網上預訂低至每位HK$498起，係時候約埋屋企人一齊去食！ 📍地址：旺角豉油街118號仕德福酒店地舖 > “frostiewithfood” 分享陶源酒家大閘蟹放題食評< --------------- 2️⃣ 漁記大閘蟹專門店 位於元朗嘅「漁記大閘蟹專門店」主打高質且無激素嘅江蘇及陽澄湖大閘蟹，每隻蟹均附有防偽標籤認證，品質極有保證！陽澄湖大閘蟹自帶清甜味，蟹肉彈牙細滑。社群 U Creator試食咗4隻4両蟹乸，大讚膏滿肥美又鮮甜！除咗親臨門市選購，仲可以透過WhatsApp預訂落單，買之前記得留意官網睇下有咩限時優惠呀！ 📍地址：元朗又新街31至35號怡豐大廈地下13A號舖 > “Fattykaka” 分享漁記大閘蟹專門店大閘蟹食評< --------------- 3️⃣ 羲和雅苑 想同時食到高質大閘蟹同片皮鴨放題，咁就一定要去「羲和雅苑」！餐廳大閘蟹季推出120分鐘「精品大閘蟹片皮鴨放題」，網上平台預訂，低至每位HK$348任食招牌大閘蟹、片皮鴨，另外仲有海蔘小米粥、蟹粉扒菜膽等小菜（非任食），大閘蟹迷一於去食返夠本！ 📍地址： 尖沙咀廣東道3-27號海港城海運大廈2樓OTE203號舖 中環皇后大道中139號The L. Place 1樓 東涌達東路20號東薈城名店倉4樓417號舖 >即睇 “gn_gnyt” 打卡羲和雅苑120分鐘大閘蟹放題< --------------- 4️⃣ 上海新大眾大閘蟹專門店 「上海新大眾」大閘蟹專門店提供75分鐘大閘蟹放題，輕鬆食到正宗江蘇大閘蟹！放題仲包埋無限追加蟹粉水餃、生滾大閘蟹粥等各式蟹粉美食。低至每位HK$268起就可以食到3両大閘蟹公乸，另外亦有4至5両大蟹套餐可供選擇，全部即叫即蒸，輕鬆實現大閘蟹自由！ 📍地址：黃大仙飛鳳街46號地舖/鳳德道13號地舖 > “小白白” 分享黃大仙大閘蟹專門店無限任食心得< --------------- 5️⃣ 尖沙咀喜來登酒店咖啡廳「蟹王名蟹盛薈自助餐」 想食到五星級酒店嘅大閘蟹，唔好錯過尖沙咀喜來登酒店咖啡廳期間限定「蟹王名蟹盛薈自助餐」～主打秋季當造蟹類及海鮮，輕鬆任食阿拉斯加帝王蟹、清蒸大閘蟹、鱈場蟹腳、波士頓龍蝦等，特定日子仲有｢即切即食原條日本空運鮮魚｣表演，同屋企人食或者慶祝生日都適合！ 📍地址：尖沙咀彌敦道20號香港喜來登酒店2樓 > “Sasa0104” 分享五星級酒店大閘蟹自助餐預訂優惠< --------------- 6️⃣  利東集團｢2小時大閘蟹放題｣ 現時去利東集團旗下全港7間分店，都可以食到「2 小時大閘蟹放題」！提供清蒸、鹽焗、花雕蒸三款口味，每位HK$400幾蚊就可以任食大閘蟹與片皮鴨。每位更獲贈「蟹粉小籠包」及「蟹粉海皇燴燕窩」，社群 U Creator形容蟹粉十分足料且大碗，性價比極高，輕鬆食回本！ 📍參與分店：利龍軒（九龍灣）、利東軒（土瓜灣）、利榮軒（屯門）、利東酒家（油塘）、港灣宴會廳（新蒲崗）、金溏上園（沙田）、金溏宮（柴灣） > “Attitude_of_food” 分享大閘蟹放題預訂優惠及攻略< *本文內提及之大閘蟹套餐、放題價格、外送優惠及供應時間，均以各大餐廳及商戶現場或官方最新公布為準。 *大閘蟹屬於時令海鮮，每日供應數量有限，建議提早於網上預訂或致電查詢。 招募U Creator l 出Post賺獎賞！ 立即登記➡️ https://ulapp.hk/5molx 🔔 Follow《U Community社群》Instagram 同讚好 Facebook 專頁 ，睇更多U Creator品牌活動招募丶送禮丶緊貼最新美食丶旅遊打卡熱話或創作者流量密碼教學等。 —————— 圖片來源：社群U Creator {{hket:tag-user display="Attitude_of_food"}}198217{{/hket:tag-user}} 、 {{hket:tag-user display="Sasa0104"}}701345{{/hket:tag-user}} 、 {{hket:tag-user display="小白白"}}589462{{/hket:tag-user}} 、 {{hket:tag-user display="gn_gnyt"}}1000467{{/hket:tag-user}} 、 {{hket:tag-user display="Fattykaka"}}583226{{/hket:tag-user}} 、 {{hket:tag-user display="frostiewithfood"}}479498{{/hket:tag-user}} 、 {{hket:tag-user display="hkgirl_hkfood"}}551881{{/hket:tag-user}}  #ULifestyle #ULifestyle社群 #社群排行榜 #大閘蟹2026 #大閘蟹放題 #大閘蟹公乸 #香港大閘蟹 #大閘蟹專門店 #酒店自助餐 #香港美食

癲癲

中式料理

海雲天

「完美蟹逅」套餐 , CP值高!!

之前喺海雲天都係飲茶食點心,見到推出大閘蟹套餐就一試! ｢完美蟹逅｣套餐 , 共有八道菜式..個人覺得幾好, 唔駛淨係食大閘蟹咁DRY! 首先係鴛鴦鮑魚伴醉鴿 (半隻) , 鮑魚建議先食黑松露口味..相對較為淡味! 另一款味道係花椒, 辣辣地好香口同開胃! 🍲野生菌皇雞湯 , 都幾足料 , 味道鮮甜濃郁 ,飲完暖笠笠! 雙式蟹粉小籠包就唔特別 , 有點兒厚皮~ 🦐金湯小米海虎蝦 , 口感不錯幾爽彈 , 配上金湯添鮮甜~ 🦀大閘蟹二隻, 每隻重約5兩, 可選清蒸/油鹽焗/藥膳湯/川味/薑蒜蒸! 我想原汁原味..所以兩隻都係清蒸! 拆開都幾多膏 , 蟹膏甘香~ 🫗瀑布蟹粉麵包山 , 將杯蟹粉倒上炸饅頭仔..畫面都幾震撼 ! 饅頭沾滿蟹粉幾惹味 , 係若厭饅頭唔夠香脆..應該預先炸定左! 🥢生炒糯米飯 同 棗皇薑茶湯丸可無限追加 , 所以唔駛擔心唔夠飽! 整體來說..食物唔錯 , 酒店環境舒服, 價錢方面 經kk day購買大約每人$350 , CP值高!! 海雲天 地址:九龍紅磡德豐街20號海逸君綽酒店二樓 #中菜餐廳#我一定要飲咖啡#大閘蟹#打卡美食#香港美食#大閘蟹宴#海雲天