富麗敦海洋公園酒店自助餐人均$111起！3.5小時任食和牛肩胛肉/烤羊扒/燒大頭蝦、周末特設燒乳豬！

Ben Kwan

香港攻略

星耀廳 - 海洋公園酒店自助餐

星耀廳自助晚餐：人均四百幾，戶外燒烤區驚喜

星耀廳喺富麗敦海洋公園酒店一樓,餐廳用落地大玻璃,日頭有自然光,坐窗口位仲可以望住南海海景,今次買一送一後,以人均四百幾蚊嘅價位嚟講,喺酒店自助晚餐入面算係幾有競爭力｡ 餐廳提供正常海鮮及刺身選擇,每樣約有五款,亦有冷盤及熱葷提供,質素不錯｡新加坡特色菜同甜品係主打｡ 呢度有星洲風味菜式輪換,好似海南雞､肉骨茶､烤魔鬼魚呢啲都係常客｡甜品區有班蘭蛋糕､娘惹糕點,仲有Mövenpick雪糕任食,甜品控會收貨｡ 對比之前嚟,新增咗戶外燒烤區｡ 呢個係今次的驚喜,廚師即席喺戶外炮製鹽燒大蝦同羊扒,之前嚟過覺得熱葷選擇偏小,今次多咗燒烤區成件事豐富咗好多,整體質素有進步｡ 交通係唯一要扣分嘅位,地鐵站行過酒店約20分鐘,好在有免費穿梭巴士來回海洋公園站同黃竹坑站,車程約十分鐘,但約30分鐘才有一班｡如果唔揸車又唔想等巴士,係有啲轉折｡ 人均四百幾蚊,有海景､有燒烤區､有新加坡特色美食,質素對得住｡戶外燒烤區真係加分位,即燒即食嗰種香氣係室內 buffet 俾唔到嘅｡唯一係交通要預多少少時間,但當係去度假酒店食餐好嘅,都值得一試｡建議早少少去到酒店,順便可以睇日落｡ {{hket:campaign display="自助餐回本攻略"}}{{/hket:campaign}}#打卡美食#自助餐#酒店自助餐#香港酒店自助餐

asheryuen2019

西式美食

LightHouse Cafe

Fullerton星耀廳快閃買一送一😍

Fullerton星耀廳快閃買一送一😍 Fullerton終於再推買一送一自助餐優惠，今晚21：00開搶。呢度嘅甜品出色，熱葷種類都好多，折完之後相當抵食。👍🏻 訂購連結已放在留言。📝 星耀廳 地址：黃竹坑海洋徑3號香港富麗敦海洋公園酒店1樓 預購優惠： 自助午餐 成人每位HK$317起 自助晚餐 成人每位HK$443起 限時發售： 7月18日 21：00開售 至 7月31日或售罄 現可預訂日子：7月20日至8月7日

奇魔bb

香港攻略

星耀廳 - 海洋公園酒店自助餐

最近一次buffet體驗已經係上年，喺海洋公園富麗敦酒店（星耀廳）食自助晚餐，環境優美開揚，能飽覽無敵海景。 食物種類豐富，凍海鮮如長腳蟹非常新鮮，甜品精緻且選擇多。 服務人員態度親切專業，收拾碗盤及補菜速度快，體驗極佳。 希望有機會去試其他buffet! #自助餐回本攻略