TVB台慶劇《下流上車族》開播以來大獲好評，跨平台直播最高收25.9點，最新一集就講到「Emma婆婆」鮑起靜與兒子家寶（林景程飾）兩母子關係再起變化。鮑起靜大晒影后神級演技，親自以日文向親家道歉，以有限的日文表達出對兒子無限的疼愛，家寶亦幡然悔悟，被阿媽的突變感動而「眼濕濕」，最終兩母子和好如初摟作一團齊齊淚崩，場面感人。
透過視像請求新抱拍低向親家老爺道歉嘅片段，手拿寫滿中文拼音的貓紙，逐字逐句以日文讀出內容：「抱歉，我錯了，我對你的女兒不夠好，請你寬恕……我只有一個兒子家寶，我一直不懂管教，但他做事肯學肯捱，希望你多給他機會，不要再罵他，拜託你了。家寶只要得到家人支持，他便可以做好女婿、丈夫及父親的角色。」
►同場加映：【衝出黎玩】粉嶺全新農務體驗所Uncle B！5萬呎自家種植大草原/豪華過夜Package
影后鮑姐再獻神級演技，以日文講對白都滲出陣陣戲味，原來當時是有個幕後即場教鮑姐講日文，然後鮑姐即場學即場演。飾演她兒子的林景程就大讚鮑姐是神級演員：「鮑姐拍呢場戲前，仲同緊工作人員談笑風生，但佢一入咗個角色個情緒就已經喺度，佢唔係演緊個角色而係活緊個角色，每一場戲都令我嘆為觀止。」
憑「衰仔」角色入屋的景程，透露拍攝該幕場口前特意獨處培養情緒：「不過正式拍嗰時冇想像中咁辛苦，因為100%畀鮑姐牽動咗個情緒，佢真係畀到一個老人家好用心去學日文嘅感覺出嚟，聽住佢讀嗰段日文好感動，我啲眼淚好自然咁流出嚟，拍之前冇設計過幾時要喊出嚟，完全係感受住鮑姐啲戲去演。」
景程又指幸好該場喊戲一Take過便完成：「對我嚟講係好舒服，如果要我喊多幾次，可能都冇第一個Take演得咁好，但對鮑姐嚟講就冇咩難度，佢好多場戲好似開水喉咁，話喊就喊到！」
圖及來源：TVB、劇集截圖
」，
App內睇文同睇片可隨時捕捉U Fun彩蛋，
換領現金券及禮品！
↓【限時搶⚡】The Big Bounce 電子門票！↓
↓ 全球最大充氣城堡/ Sport Slam體育狂熱/黑夜彈跳派對↓
↓【限時搶⚡】Canuxi Feathery薄荷綠3D立體防護口罩！↓
↓ 高透氣過濾層/ 不起毛不黏笠↓
